ما هو الفرق بين ضبط زوايا العربية والترصيص؟
عرض للطباعة
ما هو الفرق بين ضبط زوايا العربية والترصيص؟
1- ضبط الزوايا
من الأسم ....عباره عن الألتزام بالمعايير المقننه لزوايا السياره بحيث لا يحدث أنحراف لمقدمة السياره أثناء القياده الى أحد الأجناب
أى حدفه يمينا أو يسارا وكذلك للحفاظ على كاوتش السياره
2- الترصيص
الهدف منه ضبط عملية دوران الجنوط الحامله لكاوتش السياره بحيث لا يحدث رفه أو غربله عند القياده بالسرعات بالذات
وبينعكس الأحساس بالغربله أو الرعشه فى ملاحظة سائق السياره لهذه الظاهره من خلال هزة وذبذبة طارة الدركسيون أثناء القياده
______________________________
دى التعاريف بصوره مبسطه
وتكنيك العلاج الهندسى ليه خطوات وأصول لعلاج لأى من الظاهرتين
وطبعها بيختلف علاج الزوايا الذى يختلف كلية عن علاج عملية الترصيص ( أو أتزان الفرد ديناميكيا )
مشكور على التفسير الوافى
احب اضيف حاجه كمان
تعرف منين العربيه عاوزه ترصيص ولا عاوزه ضبط زوايا
اولا تكون على طريق مرصوف كويس من غير مطبات ولا حفر ولا حاجه
و بعدين تضبط الدركسيون عدل بالضبط و تمشى و انت سايب الدركسيون متحركوش ولا تسنده بايدك لو لقيته مع السرعات بيتحرك يمين او شمال يبقى كده عاوزه ضبط زوايا
اما بالنسبه للترصيص نفس الخطوات السابقه و لكن بدل ما تشوف الدركسيون هيحود ولا لا و انت ماشى لا شوفه هيحود ولا لا اول ما تفرمل و للتاكد من ده بالذات يا ريت لو تكون نازل من على كوبرى او حاجه
الكلام ده على حد علمى الى عنده اقتراح تانى او تعديل يا ريت يقول اهو يفيدنى و يفيد باقى الناس
دي نفس طريقة اختبار الزوايااقتباس:
المشاركة الأصلية كتبت بواسطة sasa3
أما الترصيص تجد الدركسيون بيرتج عند سرعة معينة
بصراحة بيتهيألي اني مش فاهمة قوي
انا حاسة ان فيه تشابه بين المعنين لكن اكيد دي حاجة ودي حاجة
لا حضرتك مفيش تشابه ولا حاجه
وفعلا دى حاجه ودى حاجه
ونحاول نقرب الصوره تانى
1- ضبط الزوايا
يعنى ببساطه عاوزين نخللى العربيه ماشيه عدل
ومتحودش بمزاجها
لا بمزاجنا أحنا لما نحتاج نحود الدركسيون
أما لو بتعملها من نفسها تبقى زواياها مش مظبوطه
2- الترصيص
لو حضرتك شوفتى العجلاتى وهو بيلف العجل بتاع العجله بأيديه والدراجه مقلوبه وبيمسك مفتاح شبه الحلقه كده وكل شويه
وهو بيلف العجله بأيديه يوقف العجله عند حته أو منطقه معينه ( هو بيحس أن فيها لوحه )
ويربط السلك ( من أسلاك العجله )
دى طريقة ترصيص لعجل الدراجه
أما فى العربيات بتوع الترصيص بيحطوا حتت رصاص بأوزان معينه على حواف الجنط الحديد ( ومن هنا جاء الأسم )
علشان يخللى دوران الفرده منتظم ومفيهوش رفه تأثر على دوران الفرده المعينه
ولو فيه رفه فده بينعكس فى صورة رجه أو رعشه على طارة الدركسيون وأحنا ماشيين بالعربيه
لما نلاقى الدركسيون بيغربل عند سرعة معينة يبقى محتاجة ترصيص
ولما نلافى العربية بتنحرف عن الاتجاه الطبيعى تبقى عاوزة ضبط زوايا
الله عليك يا سمسم ربنا يفتح عليكاقتباس:
المشاركة الأصلية كتبت بواسطة samirayad
الله يخليك
ياوائل باشا