الموضوع: الظابط المستفز

ولاتزعل نفسك ... احكيلك انا على حكايه جميله
من حوالى 4 سنين كنت فى اسكندريه برضه على الكورنيش وخارج مع العائله وركنت قرب كوبرى ستانلى وكان فيه حوالى اكتر من سبع عربيات راكنه جنبى وفجأه لقيت ونش مرور وضابط برتبه عقيد نازله منه وعمال يلم الرخص من الناس اللى واقفه وبعتلى عسكرى ياخد الرخص ... رحتله خير ياباشا قالى الركنه ممنوع وهات 25 جنيه ابص يمين وشمال انى اشوف يافطه ممنوع الوقوف مفيش !!
قلتله انا مش شايف اى يافطه ممنوع الانتظار هنا .. قالى لا فيه بس بعيد شويه هات الفلوس روحت مطلع من سكات ودفعتله ال 25 لحلوح وكمان كل اللى كان معايا دفع فقلت خلاص مش مشكله والبيه ادانى وصل ... المفاجأه بقى ببص فى الوصل اللى انا اخدته بعد مامشيت من البيه النصاب مكنش وصل بالمخالفه كان وصل مكتوب فيه وصل استلام رسوم لمدرسه تعليم قياده السيارات التابعه للمرور ومش مختوم !!!! يعنى البيه النصاب واخد دفتر ايصالات من مدرسه المرور وماشى عمال يلم فى فلوس الناس على اساس انه بيديهم مخالفات وبيلم الفلوس فى جيبه وعلى فكره انا لسه محتفظ بالوصل ده الى الان للذكرى الخالده

لا حول ولا قوة الا بالله

معلش عاده شويه العيال دى اول ما بتعلق دبوره ولا اتنين بتبقى واخداها الجلاله قوى وحاسس انه بقا بنى ادم

فكرتنى بحكايه عن واحد جارنا ميكانيكى صايع شويتين , كان عنده ورشه كبيره وكان فى امين شرطه عايز فى الرايحه والجايه ياخد منه فلوس بالاكراه ولما الراجل رفض محاضر الإشغال نزلت عليه زى الرز

فى يوم الراجل من كتر ما طلع من هدومه اتفق مع صبيان الورشه وخلى الامين معدى راح شايله وداخل بيه جوا المحل والصبيان قفلت الباب عليهم , الراجل دغدغه جوا من الضرب لما مبقاش باين له ملامح وبعدين راح هو داخل بدماغه فى مفتاح عده عنده فاتحها كام غرزه وطلع على المستشفى عمل تقرير بعاهه وعمل محضر ظبطه مع امين تانى قبض منه وشهد فيه كل صبيان الورشه واصحاب المحلات اللى جنبه ان الامين هو اللى دخله الورشه وقفل عليهم ونزل ضرب فيه

الامين اتنقل فيها لمكان تانى محدش يعرفه والراجل طلع ولا خد يوم حبس واتكتب ان الضرب اللى حصل للأمين ده كله دفاع عن النفس من الراجل :)

يعنى متقلقش ذنبك مسيره هيتخلص من واحد تانى

المشاركة الأصلية كتبت بواسطة Ahmed Nouh

معلش عاده شويه العيال دى اول ما بتعلق دبوره ولا اتنين بتبقى واخداها الجلاله قوى وحاسس انه بقا بنى ادم

فكرتنى بحكايه عن واحد جارنا ميكانيكى صايع شويتين , كان عنده ورشه كبيره وكان فى امين شرطه عايز فى الرايحه والجايه ياخد منه فلوس بالاكراه ولما الراجل رفض محاضر الإشغال نزلت عليه زى الرز

فى يوم الراجل من كتر ما طلع من هدومه اتفق مع صبيان الورشه وخلى الامين معدى راح شايله وداخل بيه جوا المحل والصبيان قفلت الباب عليهم , الراجل دغدغه جوا من الضرب لما مبقاش باين له ملامح وبعدين راح هو داخل بدماغه فى مفتاح عده عنده فاتحها كام غرزه وطلع على المستشفى عمل تقرير بعاهه وعمل محضر ظبطه مع امين تانى قبض منه وشهد فيه كل صبيان الورشه واصحاب المحلات اللى جنبه ان الامين هو اللى دخله الورشه وقفل عليهم ونزل ضرب فيه

الامين اتنقل فيها لمكان تانى محدش يعرفه والراجل طلع ولا خد يوم حبس واتكتب ان الضرب اللى حصل للأمين ده كله دفاع عن النفس من الراجل :)

يعنى متقلقش ذنبك مسيره هيتخلص من واحد تانى

جامدة جدا

الحل عندي
واحد صاحبي محامي
كل شهر يروح قسم شرطه مختلف عن الاخر
يعمل محضر بفقد الرخصه والرخصه معاه هو قالي المحضر ده بيكون علي ورقه وملوش اصل ومفيش قاعده بيانات متبادله بين الاقسام فيما يخص المحاضر
ويمشي براحته واي حد يكلمه يقوله انت هتوجع دماغي الرخصه اهي ويديله الرخصف في وشه ويمشي من غير ميأخذ اي ايصالات ويروح تاني يوم علي طول يطلع بدل فاقد بصورة المحضر الي بيجدده كل شهر هههههههههههههههه علي فكره الكلام ده اكيييييييييييييييد