المشاركة الأصلية كتبت بواسطة karim_monir
ابو ليلى باشا
والله انت اللي راجل زي الفل
وسعيد بمعرفتكم واحد واحد
على فكرة محدش يزعل زواوي خالص وهانسيبه يعمل اللي هو عاوزة في المنتدى
بصراحة اخاف على المشرفين بتوعي :-)
لاء وايه كان عايز يقف جنبي واحنا بنتصور
هاهاههاها
ده انا طولي 178
انت ايه كسرت ال 2 متر
الله يمسيك بالخير يا اسلام يا مصري
2 متر و5سم
كان عضو قديم معانا بس بطل يشارك
سعيد اني اتعرفت عليكم
ابو ليلى ليا راي ومعلش لما كلمتني كنت في الماركات بجيب حاجات العزومة وماكنتش مركز
بخصوص الفتيس بتاعك
انا عارف انها كانت مشكلة معقدة وهما اتبعو طرق كتير للوصول لنتيجة
انا شاكك بنسبة 70 % ان عشان شالو السوفت ونزلو تاني الدنيا رجعت تشتغل
بس تقريبا كانت محتاجة كذا تشغيل وتبطيل للكونتاكت او تمشي عدد كيلومتر معين
يعني هما عملو حاجة حلت المشكلة بس ماكنوش عارفين عشان الفتيس معقد فعلا
لاني شخصيا لما ركبت فلتر سبور لعربيتي ورغم انه كيت اصلي مصنوع للعربية فضلت تبرجل وتنتش وحالها زفت
وبعد كام كيلو قررت اشيله لقيتها اتظبطت وادائها بقي حلو
عرفت بعد كدة انك لازم تمشي عدد كيلومترا معينة بكذا طريقة قيادة ما بين هادية وعنيفة عشان كمبيوتر العربية يظبط كمية الهواء الزيادة اللي داخلة ويظبط حريق العربية عليها
وانا ماكنتش عارف طبعا
ده رايي
هاجيلك قريب اجيبلك شوية منتجات عندك