الموضوع: سماعات اللانوس

شوف الاسلاك اللي داخله السمعات او الاسلاك اللي ورا الكاسيت ممكن تكون فيها حجه فاصله وشوف الفيش بتاعت السمعات ورا الكاسيت هتلاقي 4 مجموعات اسلاك جبم بعض لون ولون الابيض بتاعه يعني مثلا اخضر اخضر ابيض ازرق ازرق ابيض دلو هتلاقيهم من تقريبا من اول ثالث صف في الفيشه لازم يكون معاك افومتير وحاول تقيس الاسلاك هما كل اتنين فوق بعض ريحين لسماعه وطبعا ساهل انك تعرف كل واحد رايح فين من لونه واللون اللي داخل علي السماعه السمعات اللي وار ساهل خالص توصلها من الشنطه واللي في الابواب هاتفك الباب وده 3 مسامير تحت ومسامر في المسند والفبرايه بتاعت الاكره طلعها براحه لبره ونزل الزجاج بتاع الشباك وانت بتفك هايطلع معاك بسهوله وهتلاقي السمعات باربع مسامير هتفكها علطول بس قبل كده ده اتئكد ان المشكه مش من الكاسيت لان في وضع في الكاسيت ممكن تكون مشغل ناحيه وفاصل ناحيه او ورا وقدام وده موجود في مفتاح مود ثاني اختيار هتلاقي عندك لفت وريت وفورورد وباك ورد في شكل حروف اختصرات لما يكون كله اصفار يبقي كده في موضع متعادل

المشاركة الأصلية كتبت بواسطة jojowork1

شوف الاسلاك اللي داخله السمعات او الاسلاك اللي ورا الكاسيت ممكن تكون فيها حجه فاصله وشوف الفيش بتاعت السمعات ورا الكاسيت هتلاقي 4 مجموعات اسلاك جبم بعض لون ولون الابيض بتاعه يعني مثلا اخضر اخضر ابيض ازرق ازرق ابيض دلو هتلاقيهم من تقريبا من اول ثالث صف في الفيشه لازم يكون معاك افومتير وحاول تقيس الاسلاك هما كل اتنين فوق بعض ريحين لسماعه وطبعا ساهل انك تعرف كل واحد رايح فين من لونه واللون اللي داخل علي السماعه السمعات اللي وار ساهل خالص توصلها من الشنطه واللي في الابواب هاتفك الباب وده 3 مسامير تحت ومسامر في المسند والفبرايه بتاعت الاكره طلعها براحه لبره ونزل الزجاج بتاع الشباك وانت بتفك هايطلع معاك بسهوله وهتلاقي السمعات باربع مسامير هتفكها علطول بس قبل كده ده اتئكد ان المشكه مش من الكاسيت لان في وضع في الكاسيت ممكن تكون مشغل ناحيه وفاصل ناحيه او ورا وقدام وده موجود في مفتاح مود ثاني اختيار هتلاقي عندك لفت وريت وفورورد وباك ورد في شكل حروف اختصرات لما يكون كله اصفار يبقي كده في موضع متعادل

الكلام ده زى الفل وميه ميه

بس أنت حسب كلامك مش محتاج تفك الفرش بتاع الباب لأنك قولت الكهربائى جربها على كاسيت من عنده وإشتغلت يعنى هى تمام والإحتمال اللى قالوا أخونا الأستاذ / jojowork قريب قوى للصح

أول حاجة تبدأ بتظبيط السماعات الخلفية ودى سهلة قوى

1- أفتح الشنطة وبص من الشنطة على السماعات حتلاقى فى زى أخرام فى الصاج (تقريباً تلاتة أو أربعة) دى لو مديت فيها مفك حيفك معاك مسمار اللى هو ماسك وش السماعات البلاستيك
2- أدخل داخل السيارة وأقعد على الكرسى الخلفى وإرفع الوش البلاستيك حتلاقى السماعة قدامك
4- أفصل سلك السماعة وفك الأربع مسامير اللى ماسكين السماعة بالصاج بتاع الظهر
5- حاجة من إتنين ياتغير السماعة بواحده نفس المقاس والوات أو تحاول تنظفها لأن ساعات بتجمع تراب هو اللى بيعمل الخروشة اللى أنت مضيقاك
6- جربها وهى بدون تركيب عشان تتأكد إن كل حاجة تمام
7- عيد الخطوات من 1 إلى 4 بس بالعكس للتركيب

السماعات الأمامية ... دى صعبة شوية

الأول جرب الطريقة اللى قالك عليها الأستاذ/ jojowork أنك ممكن تكون مشغل الكاسيت على جنب واحد منه يعنى مش عاملة على وضع Balance

فى الحقيقة مش حقد أفيدك قوى فى مو ضوع الـ Balance لأن الكاسيت عندى متغير ومش عارف الأصلى إيه الإختيارات اللى بتظهر فية

بس على العموم التظبيط ده بيكون من زرار أسمة Menu والإختيارات اللى حتظهر أتبع فيها كلام أستاذ / jojowork

يارب أكون قدرت أوصلك الفكرة

ربنا يوفقك ... وحط فى دماغك إنك تقدر تعملها وإن شاء الله ربنا حيكرمك

مرسى على مساعدكم معايا بس ازاى افك الكاسيت الامامى

طب أنت جربت الأول اللى قولنا عليه ولا لأ ؟؟

يعنى جربت تشوف وضع السماعات إذا كانت فى الـ Balance ولا لأ

ايوة لقيتها فى balance والسماعات كلها شغالة ماعد ا الى جنب كرسى السواق

على العموم خد الموضوع ده للأستاذ / نادر محمد فيه طريقة فك التابلوه


ومن خلاله حتقدر توصل لمسامير الكاسيت ده رابط الموضوع بس أنت مش محتاج أكتر من الصور المرفقة دى

http://www.nilemotors.net/Nile/116029-a.html



حنفتح حامل الأكواب لبرة ومن تحتة تشد الحليه الى على شكل حرف u لبرة وهى ماسكة باربع كلبسات 2 تحت و2 فوق .

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480 الابعاد 103KB.

وتفك الكلبسين الى فوق كمان وكدة تبقى طلعت خلاص .

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480 الابعاد 68KB.

حنفك الاربع مسامير الى عليهم الاسمهم ودول 2 بتوع البلاستك الى تحت الكاسيت و 2 ماسكين المكان الى بيركب فية الكاسيت نفسة

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480 الابعاد 109KB.

بعد ما يتفكو حنطلع البلاستك الى تحت الكاست وحنطلع الكاست بالحامل بتاعة ونفك الوصلات بتاعتو .



هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480 الابعاد 60KB.




ياريت الشكر كل الشكر للأستاذ / نادر على الصور الجميلة ومجهوده الرائع

المشاركة الأصلية كتبت بواسطة mazikagamda

ايوة لقيتها فى balance والسماعات كلها شغالة ماعد ا الى جنب كرسى السواق

كده ممكن قوى يكون طرف سلك مفصول ياأما من عند الفيشة للكاسيت أو من عند السماعة من الباب


هو الكهربائى اللى جرب السماعة كان فاكك الفرش بتاع الباب وبيجرب على السماعة نفسها ولا كان بيجرب من نهايات السلك اللى واصلة بظهر الكاسيت


على العموم جرب بأفوميتر كل طرف من الأطراف إن شاء الله حتوصل للعيب ..

لأن ممكن برده يكون العيب فى الكاسيت فى دايرة الصوت نفسها ...


بس تجربتك لكل طرف من السماعات هى اللى حتأكدلك


لعلمك فى طريقة سهلة قوى للتجربة لو معندكش أفوميتر

جيب أى بطارية ( قلم أو طورش ) من بتوع الريموت وبس لمس أطراف البطارية ( القلم ) مع أطراف السلك بتاع السماعات بس تلميس وتشيل على طول

لو سمعت صوت خروشة فى السماعة يعنى الأطراف واصلة والسماعه تمام
لو مسمعتش جرب تعمل نفس التجربه بس على أطراف السماعة نفسها يعنى مش من الطرف اللى داخل للكاسيت لأ من الطرف النحاس بتاعها

لو برده ماإشتغلتش يبقى تغير السماعة أما لو سمعت صوت الخروشة يعنى السلك هو اللى فيه المشكلة وتغيرة بسلك سماعات بردة مش سلك كهرباء ( والأفضل اللسلك الشفاف اللى بيكون فيه شعر كتير )

الف الف شكر ياحبيبى على المساعدة انشاء الله بكرة الجمعة هعملها كدة وارد عليك