أسئلة لأصحاب الجين 2

**AhmedGen2** · 07-02-2008 01:48 PM

صراحة فرحت اوى لما لاقيت المنتدى دة ، قسم خاص بالكامل للجين تو والناس اللى فيه اصحاب العربية بنفسهم ، مش ناس تسوء سمعة العربية من غير ما يركبوها .

العربية صراحة جامدة آخر حاجة ، وداخلة دماغى اوى ، وكنت عاوز اسأل اذا كان حد اشتراها من المصرية للسيارات فى القاهرة ولا لأ ، لأنى بإذن الله ناوى اشتريها بالتقسيط ، انا عموما ً رحت لمعرض المصرية اللى فى ميدان الاسماعيلية ، واتكلمت مع واحد هناك ، قالى الفايدة 8.9% ، والسيارة مانيوال ب 85 ألف ، حسيت كدة إنه بيشتغلنى مش عارف ليه ...

- دى اول مرة اشترى أو أسوق فيها عربية ، فياريت تنصحونى ، ايه ياترى اجراءات التسليم فى المصرية ؟ ، وبستلمها من المعرض ولا الصحراوى ولا منين بالظبط ؟ ..

- بالنسبة للسعر انا قريت هنا إن الستاندارد إيديشن ب 80 ألف ، والسبورت ايديشن بتزود ألفين بس يعنى 82 ألف ، طب هى ازاى ب 85 ألف؟ وهل ال ب 85 ألف دى سبورت ولا ستاندارد ، لأن الراجل اللى كلمته فى المصرية دة تقريبا هو مش فاهم حاجة او بيشتغلنى ....

- انا ممكن استنى لغاية موديل 2008 ماينزل على اساس يكونوا تفادوا عيوب كتير ، بس لما آجى استلم ازاى اعرف إن العربية موديل 2008 مش 2007 مثلا ً ، ممكن يبعتونى بواحدة قديمة ...

- حاجة كمان الكاسيت بتاع العربية ، يعنى ايه أوديو سى دى وبتتعمل ازاى دى ؟ وبتشيل كام اغنية ؟ اقدر يعنى احط الاغانى اللى على الكومبيوتر على سى دى ؟ ، وسمعت إنه مش بيشغل إم بى ثرى ؟ أمال هيشغل ايه بالظبط ؟ ، دى مشكلة جامدة اوى ..

شكرا ً ..

**memo_hefnawy** · 07-02-2008 02:16 PM

أولا أهلا بيك يا إسلام باشا

شوف المصرية مانصحكش أبدا لأن التقسيط من خلال سيتى بنك و ما أدراك ما سيتى بنك يعنى فوائد أغلى من أى حد فى السوق

ممكن تشوف البنك الوطنى
بنك ناصر
التجارى الدولى
أو كونتاكت بس كونتاكت تأمينها غالى

بالنسبة للأوديو فده نوع من أنواع الملفات مختلف عن ال MP3 و السى دى عادة هايشيل شريط واحد

ممكن تركب mp3 موديوليتور - أو تعمل وصلة من ال AUX على Ipod و مبروك مقدما العربية

**AhmedGen2** · 07-02-2008 02:18 PM

هو الكاسيت فيه خرج Aux يتوصل بأيبود أو إم بى ثرى ? وايه الام بى ثرى موديليتور دة معلش ؟

**memo_hefnawy** · 07-02-2008 02:21 PM

أيوه السى دى فى خرج AUX

بس بتروح تعمل الوصله عن حد ذى كلاريون أو كده بحوالى 60 جنيه

الموديوليتور ده جهاز صغير بيركب فى الولاعه و بيتركب فيه فلاش ميمورى و تحط على الفلاش ال mp3 إللى يعجبك و هو بيقرأ منها و يبث على موجة إف إم إنت بتظبط الراديو عليها و بس

**mohamed el hussien** · 07-02-2008 02:30 PM

يا سلام عليك كدة يا عم ميمو
وانت ردك جاهز كدة :)

بس يا ميمو الaudio
يشيل بتاع من 17 الي 20
من الاغاني العربية بتاعتنا العادية دي

يعني ممكن شريطين لعمرو مثلا
وطبعا علي حسب طول الاغنية

وموضوع انك تستني موديل 2008 ولا لا

متهيألي ان محدش ممكن يفيدك فية
حتي التوكيل لأن مجدش عارف

حينزلوا المواتير الجديدة
ولا هيا هيا
ولا اية بالظبط

بس توقعاتي حتبقي هيا هيا 2007

**memo_hefnawy** · 07-02-2008 02:39 PM

منور يا محمد

واحشنى و الله يابنى أيوا كده الناس بتيجى تسأل على الجين 2 كثيير و مش لاقينك :)

**AhmedGen2** · 07-02-2008 02:39 PM

طب هتبقى أغلى ولا ايه ؟
وياريت تفيدونى فى بقية النقاط أنا مفصل الموضوع لأربع نقاط "-" ..

وتسلموا فعلا عالردود السريعة دى ..

**mino** · 07-02-2008 02:51 PM

المشاركة الأصلية كتبت بواسطة IslamGen2

العربية صراحة جامدة ، وداخلة دماغى اوى ، وكنت عاوز اسأل اذا كان حد اشتراها من المصرية للسيارات فى القاهرة ولا لأ ، لأنى بإذن الله ناوى اشتريها بالتقسيط ، انا عموما ً رحت لمعرض المصرية اللى فى ميدان الاسماعيلية ، واتكلمت مع واحد هناك ، قالى الفايدة 8.9% ، والسيارة مانيوال ب 85 ألف ، حسيت كدة إنه بيشتغلنى مش عارف ليه ...

اولاً اهلا بك في المنتدي
رايي بلاش المصرية قسط مع كونتكت احسن هما فايدتهم 8.55% و التأمين 2.9 % تأمينهم عالي شوية بس فيه مميزات في اعتقادي مش موجوده عند حد

المشاركة الأصلية كتبت بواسطة IslamGen2

- بالنسبة للسعر انا قريت هنا إن الستاندارد إيديشن ب 80 ألف ، والسبورت ايديشن بتزود ألفين بس يعنى 82 ألف ، طب هى ازاى ب 85 ألف؟ وهل ال ب 85 ألف دى سبورت ولا ستاندارد ، لأن الراجل اللى كلمته فى المصرية دة تقريبا هو مش فاهم حاجة او بيشتغلنى ....

انا اشتريتها يوم 6/1/2008 كانت ب 81500 ال ستاندارد إيديشن من عند الطارق
اللي اعرفة عن المصرية انهم اغلي من اي مكان تاني فهو اكيد بيقولك 85000 علي ال ستاندارد إيديشن و حتي لو ال سبورت ايديشن فا بردو غالية ، احسن مكان تشتري منه التــــــــوكيـــــــــــ ــــل

المشاركة الأصلية كتبت بواسطة IslamGen2

- انا ممكن استنى لغاية موديل 2008 ماينزل على اساس يكونوا تفادوا عيوب كتير ، بس لما آجى استلم ازاى اعرف إن العربية موديل 2008 مش 2007 مثلا ً ، ممكن يبعتونى بواحدة قديمة ...

ممكن تتصل بالتوكيل و تعرف موديل 2008 هينزل امتي و تقريبا كانوا بيقولوا انه هينزل نص فبراير ، و تعرف ان العربية موديل 2008 من اوراق العربية نفسها و الافراج الجمركي بتعها

المشاركة الأصلية كتبت بواسطة IslamGen2

- حاجة كمان الكاسيت بتاع العربية ، يعنى ايه أوديو سى دى وبتتعمل ازاى دى ؟ وبتشيل كام اغنية ؟ اقدر يعنى احط الاغانى اللى على الكومبيوتر على سى دى ؟ ، وسمعت إنه مش بيشغل إم بى ثرى ؟ أمال هيشغل ايه بالظبط ؟ ، دى مشكلة جامدة اوى ..

شكرا ً ..

AUDIO CD يعني بيشغل tracks مش MP3 و بيتعمل ببرنامج NERO و البرنامج هو اللي بيحول الاغاني و بيشيل 80 دقيقة يعني بالوقت مش بالعدد
لو دي مشكلة حلها سهل جدا تشتري FM Transmitter و تشغل علية اي MEMORY CARD أو FLASH MEMORY و في الحالة دي هيشغلك MP3 زي ما انت عاوز

و الف مبروك مقدماً

**AhmedGen2** · 07-02-2008 03:06 PM

المشاركة الأصلية كتبت بواسطة mino

رايي بلاش المصرية قسط مع كونتكت احسن هما فايدتهم 8.55% و التأمين 2.9 % تأمينهم عالي شوية بس فيه مميزات في اعتقادي مش موجوده عند حد

هو التأمين بتاع المصرية الراجل قالى تدفع 1913 جنيه وبيقل كل سنة 40% ..

انا اشتريتها يوم 6/1/2008 كانت ب 81500 ال ستاندارد إيديشن من عند الطارق
اللي اعرفة عن المصرية انهم اغلي من اي مكان تاني فهو اكيد بيقولك 85000 علي ال ستاندارد إيديشن و حتي لو ال سبورت ايديشن فا بردو غالية ، احسن مكان تشتري منه التــــــــوكيـــــــــــ ــــل

هو التوكيل بيقسط ولا لازم كاش ؟
ولا انا بقسط تبع كونتكت أو المصرية؟

أعتقد فى كلتا الحالتين انا بشترى من التوكيل ، ماهو المعرض بيجيب عربياته من التوكيل ، معلش يمكن فهمت قصدك غلط ياريت توضح شوية ...

AUDIO CD يعني بيشغل tracks مش MP3 و بيتعمل ببرنامج NERO و البرنامج هو اللي بيحول الاغاني و بيشيل 80 دقيقة يعني بالوقت مش بالعدد
لو دي مشكلة حلها سهل جدا تشتري FM Transmitter و تشغل علية اي MEMORY CARD أو FLASH MEMORY و في الحالة دي هيشغلك MP3 زي ما انت عاوز
و الف مبروك مقدماً

حلو اوى ، الله يبارك فيك ...

تفتكر 2008 هيخلوا الكاسيت إم بى ثرى ولا فى 2009 وعليك خير ؟

**mino** · 07-02-2008 03:34 PM

المشاركة الأصلية كتبت بواسطة IslamGen2

هو التأمين بتاع المصرية الراجل قالى تدفع 1913 جنيه وبيقل كل سنة 40% ..

كونتكت تأمينهم 2.9% من سعر الشراء بيقسطهولك مش بتدفعة مره واحدة يعني لو السعر 81500 يبقي التأمين 2363.5 علي 12 شهر يبقي هتدفع كل شهر 197 جنية تقريباً ، بيفضل ثابت طول فترة التقسيط مش بيقل و عشان تعرف مميزاته بالتفصيل ممكن تدخل علي www.contactcars.com

المشاركة الأصلية كتبت بواسطة IslamGen2

هو التوكيل بيقسط ولا لازم كاش ؟
ولا انا بقسط تبع كونتكت أو المصرية؟

التوكيل مش بيقسط انت بتروح ل كونتكت بتقولهم عاوز العربية من المكان الفلاني بعد ما تكون اتفقت مع التوكيل علي السعر بعد الفصال لانه هيقولك 84000 في الاول نه سعرها الرسمي

المشاركة الأصلية كتبت بواسطة IslamGen2

أعتقد فى كلتا الحالتين انا بشترى من التوكيل ، ماهو المعرض بيجيب عربياته من التوكيل ، معلش يمكن فهمت قصدك غلط ياريت توضح شوية ...

ايوه طبعا انت فى كلتا الحالتين بتشتري من التوكيل بس في التوكيل بيبقي عندك فرصة اكبر تشوف كل العربيات و تفحصها وتعرف الألوان اللي موجوده

المشاركة الأصلية كتبت بواسطة IslamGen2

تفتكر 2008 هيخلوا الكاسيت إم بى ثرى ولا فى 2009 وعليك خير ؟

علي حسب معلوماتي ان 2008 هي هي 2007 و اللي هيبقي فيها التغيير من حيث الماتور و الشكل هي 2009

الموضوع: أسئلة لأصحاب الجين 2

LinkBack

أدوات الموضوع

عرض

-

-

-

المواضيع المتشابهه

إستفسار لأصحاب الجين 2 بخصوص ثيرموستات الرادياتير

سؤال فني يهمني لأصحاب الجين أو البرسونا أوتوماتيك

فقط لأصحاب الجين تو 2008و2007

سؤال لاصحاب الجين 2 انا بس عايز اعرف الجين 2 عربية مكلفة ولا معقولة

يا احلى اعضاء الجين 2 انا عايز محتار مبين الجين ونيواكسنت 1600

الكلمات الدلالية لهذا الموضوع

المفضلات

المفضلات

ضوابط المشاركة