ما حدش يشتري سيراتو خليجي 2010 تاني !!! ...سيراتو 2011 نزلت (تقرير مصور)

**Amr A.salam** · 27-05-2010 03:26 AM

بسم الله الرحمن الرحيم

من نص شهر 4 كدة وفي اشاعة بتقول ان سيراتو 2011 نزلت ....

وكانت الاشاعات بتقول ان هيبقى فيها زينون .....وفاميه ....وسبويلر

بس كل دي طلعت اشتغالات.....وطلعت هي هي اللي احنا نعرفها ما تزيدش حاجة خالص غير انها بتترخص 2011

المهم كنت مستنى اشوفها بعيني علشان أتأكد .....وشوفتها النهاردة قلت أجيبلكم كام صورة كدة على الماشي علشان كله يتكلم بقلب جامد وكأنه شافها بالضبط

الفئة اللي شفتها تعتبر هاي لاين بس جنط 16 وشفت منها لونين سبايسي ريد وميتال برونز
يعني فيها سمارت كي وفرش جلد وفتحة سقف وسي دي تشانجر ومراية ذاتية التعتيم ومالتي فانكشن وكل حاجة ممكن تنزل ما عدا حاجتين

1- زرار ضبط ارتفاع الفوانيس الأمامية
2-الولاعة ...... :)

الصور

هتلاحظ الحساسات الخلفية والجنط ال16 وعليه غطاء للحماية

دول الVIN بتاع العربيتين .....وطبعاً الرقم العاشر من الشمال لو 9 تبقى موديل 2009 ولو A تبقى 2010 ولو B تبقى 2011

لو مش عارف المعلومة دي يبقى راجع الموضوع دة مفيد جداً

http://www.nilemotors.net/Nile/74946-a.html

الدواسات معدن ولاحظ عدم وجود زرار ضبط ارتفاع اضاءة الفوانيس

نفس الخامات الجيدة في الأبواب (المساند مكسية جلد والخياطة الحمراء في الكراسي)
والسمارت كي على الكرسي

بالمناسبة ...العلامة اللي على الشمال دي بتاعت الايموبيليزر (شكل عربية وجواه مفتاح)

مافيش ولاعة .....اللي على اليمين دي مخرج 12 فولت للشواحن وكدة

الطارة مكسية جلد والخياطة حمراء

مراية الصالون ذاتية التعتيم

السي دي تشاينجر عدد 6 اسطوانات

فرامل ديسكات أمامية وخلفية

حساس اضاءة

دلايات Mud guards

الاير باج الخاصة بالراكب الأمامي

نفس الموتور بالضبط

ولما حطيت رقم الVINعلى السايت جابلي انها اتوردت لأثيوبيا .....غريبة جداً وأول مرة أشوفها
بس أنا مقتنع تماماً ان ما فيش أي فرق في أي حاجة بين السعودي والكويتي والاردني والأثيوبي وحتى الوكيل ....وان شاء الله هعمل موضوع عن القصة دي من أولها لاخرها

السعر كان ب123 ألف لحلوح وطبعاً التسليم فوري

سألت على اللي جنطها 17 قاللي جاية الأسبوع الجاي

يا رب الموضوع يكون مفيد لأي حد ناوي يشتري خليجي الفترة اللي جاية

**NoRmAl** · 27-05-2010 03:37 AM

معلم يا عمرو وكويس جدا على التنويه دا علشان محدش يشترى دلوقتى وبعد كام أسبوع تنزل 2011
شكرا يا باشا ومتميز دائماً

**medo_elgezy** · 27-05-2010 03:40 AM

تقرير رائع يا عموووور و انا بصرحة مش شايف فرق انت شايف فى فرق جوهرى

**mr_sameh** · 27-05-2010 03:46 AM

بارك الله فيك

**Ahmed Samy** · 27-05-2010 04:41 AM

هايل هايل

فعلا شغل عالي و مجهود أحييك عليه

بس جديدة اثيوبيا دي

بقى ليهم صيت بعد ما قالوا هايقطعو عننا المية

**alzwawy** · 27-05-2010 05:28 AM

تمام يا عمرو باشا وتقرير رائع و حصري ل نايل موتورز

**ALSHARIEF** · 27-05-2010 06:25 AM

السلام عليكم و رحمة الله و بركاته جميعا .............

بجد موضوع ممتاز و مجهود رائع جزاك الله خيرا عليه و أنا مع حضراتكو إنها شكلها متختلفش حاجة عن موديل 2010 و ده لإن كيا بتثبت أشكال موديلاتها لفترة علشان ما تحرقهاش فى السوق و خير دليل الكيا السيفيا فضلت سايبة نفس الشكل كذا سنة هو هو و العربية كانت و مازات محققة نجاح ممتاز عند المستهلك المصرى .

بس يارب يكونوا حللوا مشكلة العفشة الناشفة مع الجنط ال 17 و كده هتبقى ميت فل و 14 و لا إيه رأى حضراتكو ؟؟؟؟

يعنى لو يحطوا نفس نظام التعليق و العفشة بتاع الألنترا بجد العربية هتبقى وحش و غووووووووووول و سندريللا و طبعا كيداااااااااااااهم و لا إيه يا دكتور ؟