انتباة أيها القاهريين , يبدو إن فى عاصفة ترابية شديدة فى الطريق !!

**Ahmed Nouh** · 27-05-2010 05:09 AM

لسه راجع من برا حالا , الجو مكتوم بشكل فظيع ومفيش ولا نسمه هوا برغم ان الايام اللى فاتت كان الجو فى الوقت ده فيه هوا

لكن المميز انى من ساعه ما خرجت من البيت لحد ما رجعت مش شايف قصادى اكتر من امتار والجو مغيم جدا زى الشبورة بالظبط لكن تراب , سحابه كثيفه من التراب مغطيه المنطقه عندنا كلها والسما صفراء بشكل غير طبيعى وحتى سلم البيت وانا نازل كان كله تراب من الجو

ريحه الجو كمان صعبه قوى من كتر التراب والناس تقريبا كلها ماشيه بتكح فى الشارع من التراب اللى فى الجو لأن فعلا كثيف زى ما يكون قاعد فى غرفه مغلقه وحد بينفض جنبك بشده , ياريت الكل ياخد حذره خصوصا اخواننا اللى عندهم مشاكل فى التنفس وحساسيه من الحاجات دى

الغريبه انى لما راجعت نشرات الارصاد الجويه دلوقتى لقيت مكتوب ان فى رياح محمله بالرمال والاتربه هتكون موجوده النهارده لكن مكتوب انها معتدله وده مش منظر الشارع نهائى دلوقتى

ياريت الكل يقفل شبابيك البيت لأن الجو ممكن يشد بالتراب ده ويبهدل الدنيا فى الشقق , وياريت كمان الكل ياخد حذره فى السواقه لأن الرؤية نهارا اكيد هتبقى ضعيفه وربنا يعديها على خير

**O.M.S** · 27-05-2010 05:49 AM

انا نزلت في الجو ده وكنت حاسس ان ماشي بقرقش تراب
ولما طلعت البيت لقيت عليا تراب اكني كنت مركون علي الرف
ربنا يرزقنا بشويه مطرة تنزل التراب ده

**Ahmed Nouh** · 27-05-2010 05:56 AM

المشاركة الأصلية كتبت بواسطة osama mahmoud

انا نزلت في الجو ده وكنت حاسس ان ماشي بقرقش تراب
ولما طلعت البيت لقيت عليا تراب اكني كنت مركون علي الرف
ربنا يرزقنا بشويه مطرة تنزل التراب ده

فعلا السما دلوقتى صفرا جدا والتراب بيزيد فى الجو

ربنا يسهل وتمطر قبل الظهر لحسن مع الحر ده التراب هيبقى حاجه لا تطاق

وربنا يستر كمان على الناس اللى على الصحراوى