سؤال فى دماغى من فترة ؟؟
لية ماينفعش نجمع لاب توب يعنى نجيب البودى ( الكيسة) والشاشة والماذر بورد والحاجات الباقية زية زى الكمبيوتر الديسك توب؟؟
يا ترى ينفع نجمع لاب توب زى ما بنجمع الديسك توب كدة ولا اية ؟؟؟
عاوزين نقاش
عرض للطباعة
سؤال فى دماغى من فترة ؟؟
لية ماينفعش نجمع لاب توب يعنى نجيب البودى ( الكيسة) والشاشة والماذر بورد والحاجات الباقية زية زى الكمبيوتر الديسك توب؟؟
يا ترى ينفع نجمع لاب توب زى ما بنجمع الديسك توب كدة ولا اية ؟؟؟
عاوزين نقاش
كنت سمعت ان فى شركات فى مولات مصر بتعمل كده وان عندها الشاسيهات والشاشات وانت تقول مواصفاتك و جهازك يتجمع زيه زي الدسك توب
كنت قرأت عن الموضوع ده فى منتدى عربي خاص بالهاردوير
في الديسكتوب الكيسة واسعة وفيها اختيارات للبدائل لكن اللابتوب محدود تصميميا وبالتالي اختياراتك محدودة جدا جدا
وغير كده ميزة اللابتوب هي التوافق فكده تبقى خسرت أهم نقطة فيه لاسيما مع ضعف الأداء النسبي للابتوب في مقابلة الديسكتوب
على فكرة ينفع تطلب لاب توب معدل بالمواصفات اللى إنت عايزها من سايت hp أو dell بس ماينفعش تعملوه هنا عشان من رابع المستحيلات يطلع فى جودة ال acer حتى
ذى الموبايل كده ما ينفعش نجمعه ممكن اه نزود الذاكرة بتاعته وكده لكن نجمعه فلأ
اصلا الشركات المتخصصه للمازربورد وكروت الشاشه مش بيخاطبوا المستهلك , يعنى مش هاتلاقى مازربورد جيجا بايت والكلام ده
وكمان الشاشه هو شاشه الابتوب مثلا مش بتبقى سامسونج ولا فيوسونيك ولكن شركات ذى اتش بى او ديل هما اللى بيتعاملوا مع الشركات دى
ونفس الحكايه التاتش باد الكيبورد وبصمه الصباع
موضوع تجميع الابتوب موضوع معقد وعشان كده الموضوع مقتصر على تغيير الرامات والهارد ديسك
هو ممكن بس صعب واختيارات محدودة مقارنة بالديسك توب.......
لأ بلاش لان ضمان dell فى امريكا مش هايسرى فى مصر و التوكيل اصلا مش هيقبل حتا انه يتكشف عليه
acer brand number 1 fe europe and 2nd best selling laptop in egypt after HP
بلاش هاتخش فى قصص كتير و هاتبقى ماشى بجهاز عجيب و فرق السعر مش هاتلاقيه كبير لان قطع غيار اللاب فى مصر غاليه اساسا
اتمنى اكون قدرت افيدك و لو رسيت على لاب ابقى قوللى عليه و انا اقولك ارخص مكان تجيبه منه :):)
ينفع تأبجريد لاب توب, انما تجمع واحد مينفعش
احسنلك هات الاصلى وبلاش تفكير فى الموضوع ده لان هو ممكن يتعمل لكن عواقبه وخيمة لسبب واحد لانه هيتعمل فى مصر ومصر ضعيفة الكترونيا ... لو هتكلم شركة زى Dell او HP وهما يعملهولك اوك ماشى لكن ما تخليش حد من هنا يعملك فيها بيل جيتس ويقولك انا اعرف اعملهولك .
اخوكم يوسف
شكرا لر دكم الجميل دة
طيب لو طلبت واحد من اتش بى او ديل هايفرقوا فى السعر كتيير
يعنى انا عاوز حاجة مينى مش اكبر من 10 بوصة بس بمواصفات كبيرة وكل المينى الموجود البروسيسور والرامات واحدة تقريبا
لو تكبر الشاشة ل 13" هتفرق كتييييييييييييييير و صدقنى و الله مش كبيرة و لا حاجة
ولعلمك ال 10" مش عملى خالص فى الأفلام و الجييمز و الbrowsing وال 13 تحفة و عندك تشكيييلة فيه بالهبل
بص يا سيدى السيناريو كالأتى لو عايز تجيبه من بره (و ما عندكش حد جاى من أمريكا):
1-لازم تفتح box فى أمريكا (أكنك عايش هناك) عن طريق شركة شحن ودول تلاتة فى مصر اللى أعرفهم aramex و DHL و FeDEx و أرخصهم dhl و ماشية زى الفل و فتح ال box ب 100 جنيه lifetime وبعد كده بيحاسبك على الوزن و فيه ضريبة مبيعات 10% للدولة بيتاخدوا فى المطار على أى جهاز كهربائى و فى الآخر لو نفس فى الجهاز كان فى مصر بتلاقى نفسك موفر 200 جنيه مثلا فهى حلوة لحاجات مش موجوده هنا أساسا
1- لو هتشترى من على hp shopping نفسه لازم يكون عندك فيزا us لأنه مايقبلش ال international visa.
2- عندك سايتات كتير بتقبل international visa و أشهرهم و أأمنهم amazon.com و bestbuy.com و فيه كتير بس أنا مش عارفهم
(لو عايز سايتات إسأل otefa عشان هو بيقول إنه دايس تقريبا فى الحوارات ديه عشان البايك بتاعه)
و اى خدمة أنا تحت أمرك يا باشا
مش هاتلاقى 10" فى مصر غير الاتوماقتباس:
شكرا لر دكم الجميل دة
طيب لو طلبت واحد من اتش بى او ديل هايفرقوا فى السعر كتيير
يعنى انا عاوز حاجة مينى مش اكبر من 10 بوصة بس بمواصفات كبيرة وكل المينى الموجود البروسيسور والرامات واحدة تقريبا
دور على حاجه 13.3 او 14
صدقنى ال10" مقرف جدا و مش مريح للعين تمامااااااا
طيب اية احسن موديلات 13 بوصة تمنها يكون فى حدود ال 4 الاف مع العلم ان استخدامى هايكون انترنت واوتوكاد بس اية اهم حاجة ابص عليها الرام ولا البروسيسور ولا كارت الشاشة وكدة ؟؟
????????????????????? انتوا الى قلتوا انها هاتبقى اريح للعيناقتباس:
هاتفرق معك الـ 2" بوصة ؟؟
أنا لسه جايب من أسبوع تقريبا hp DM3-xxxxx
و ده بيبقى us version بس فهتلاقى الكيبورد مافهاش عربى و عندك حلين للموضوع ده :
1- تجيب لزقه كيبورد ب 5 جنيه بتتلزق على الزراير و بيلزاقوه كويس و شغالين
2- الحل النضيف و ده إن الحروف العربى بتتعمل ليزر على الزراير و ديه بتبقى زى ال original بالظبط و ديه ب 100 جنيه
الseries ديه فى منها كذا إمكانيات ياعنى اللى أنا جيبته :
1- processor AMD 1.6 GHz with cache 512 KB
2- الرامات 4 جيجا DDR2
3-الهارد 320 GB
4- فيه wireless و مافهوش bluetooth بس عادلى الراجل إدانى dongle هدية
ده كان ب 3700 و كان فى منه intel ب 3900 بس أنا مكنتش مهتم أوى بالأداء عشان جايبوه لأختى و والدتى فاستخداماتهم عادية بس هو ما شاء الله تمام و حجمه تحفة بصراحة و جاى معاه win 7 home premium 64-bit ياعنى مش win7 starter
و ربنا يوفقك يا باشا فى الاختيار
shouk_1987
شكرا على تجربتك الجميلة دى ان شاء الله هاشوفة واحطة فى الخيارات
اسف على سوء الفهم دة ... انا عاوز اصغر ما يمكن دة كنت بافكر فى ال8 بوصة !!!اقتباس:
أنا قصدي كمان 2 بوصة أكبر ويبقى 15 بوصة :shyy:
نسيت أقواك نقطة مهمة جداااااااااااااا
ضمان HP دولى ياعنى تجيبه من أى حتة فى العالم و انت حاطط فى بطنك بطيخة صيفى
وبتشيك على الضمان من اللينك ده
HP Product Warranty Status Check - HP Customer Care (United States - English)
بما انك عايز تشتغل اوتوكاد وبرامج هندسيه يبقى على الاقل عايز شاشه 15 وكارت فيجا Dedicated.ورامات وبروسيسور عاليين ودول مش هاتلاقيهم فى الابتوب اللى اقل من 10 انش خالص
بص على ده كده مواصفاته كويسه وسعره فى حدود 4700
http://compume.com/index.php?target=...oduct_id=32515
بما انك عايز تشتغل اوتوكاد وبرامج هندسيه يبقى على الاقل عايز شاشه 15 وكارت فيجا Dedicated.ورامات وبروسيسور عاليين ودول مش هاتلاقيهم فى الابتوب اللى اقل من 10 انش خالص
بص على ده كده مواصفاته كويسه وسعره فى حدود 4700
HP G62-121EE (WP845EA) | CompuMe eShop Egypt