الموضوع: سؤال عن الثيرموستات واسلاك البوجيهات

العربيه عندي مش بتسخن مؤشر الحراره بيوصل الربيع ويبتدي يعلي سنه صغيره وبعدين المراوح تشتغل ويبتدي يرجع تحت الربع وهكذا كلمت واحد قالي ان ثرموستات الكهربا مش بيخرف لا يبوظ خالص يفصل لا اما يقدي قرايه ثابته وميتغيرش لاكن طالمه بيقرا يبقي سليم طيب فين المشكله قالي ثرموستات المكانيكا طيب ليه اصلي انا كنت شايل الكوع وكانت قافله وانا بنظف الردياتير يعني سليمه قالي لا هي قافله بس بتفتح في توقيت غلط يعين عند درجه حراره قليله طيب برده هي ليه السبب عشان هي اللي بتعدي مياه سخنه علي الردياتير عشان كده المراواح بتبرد المياه السخنه ديه ولو هي مش معديه مياه يبقي كده مفيش حاجه بتبرده المراوح يبقي المتور هايسخن مظبوط انا بصراحه حسيت انه كلام منطقي جدا لو حد عنده تفسير تاني يقولهولي شكرا

المشاركة الأصلية كتبت بواسطة عصام غنايم

تجربة الثيرموستات

تدور العربيه وهى بارده وتمسك الخرطوم الاسود الخارج من المكنه رايح الريداتير من فوق وتشوف درجة حرارته

لو لاقيته بيسخن عل طول يبقى الثيرموستات بايظ

اما لو قعد فتره بارد وبعدين بدأت تحس بسخونية الميه وهى ماشيه جواه يبقى كده سليم

ليه ؟

لان الثيرموستات وظيفته حبس الميه داخل الموتور طول ما العربيه بارده حتى يسخن الموتور بسرعه وعند درجة حراره معينه يفتح فيسمح بمرور الميه الى داخل الريداتير فيبدأ عمل دورة التبريد

كلام وتفسير ممتاز الصراحه