مساعدة في عمل مشروع قطع غيار سيارات

السلام عليكم
أخواني الاعضاء

ان شاء الله ناوي ومعايا 2 من الاصدقاء بفتح مشروع قطع غيار سيارات
وان شاء الله هيكون لادا و شاهين
السبب اني اخترت النوعين دول انهم منتشرين وهو نوعين اتنين بس يعني بقدر الامكان هحاول الم كل قطع غيارهم من الاكصدام للاكصدام بقدر الامكان
يعني بحلم اني اكون زي مركز أحمد محرم اللي في عين شمس
او مركز الجندي في الكيا

انا عندي المكان والحمد لله موقع ممتاز على شارع رئيسي كبير وجانبي شارع كبير فيه قطع غيار سايارات واكسسورات

المشكلة في اني مش عارف أبدأ ازاي
يعني اشتري بأسعار جملة إزاي ومنين ؟

ومنين أضمن ان المورد اللي بيجيبلي قطع الغيار دي أصلية أو تقليد ؟

هل من نصائح ؟

بص ياباشا اولا ربنا يباركلك فى المحل بتاعك و يسهلك اموراك انت تنزل التوفقية دة سوق كبير اوى و دة الناس اللى متعرفهوش كلو تجار و مستوردين و مصدرين انزل وحاول تفتح شغل معاهم و لاف و اعرف الاسعار و طريقة السداد و اية المطلوب و مرة مع مرة هتعرف الموردين اكبر من دول و طرقق اية بس لازم الاول تتعب و تتكلم مع ناس كتير بدال انت معندكش خبرة فى الموضوع دة هتاخد وقت و مجهود جامد لحد لما تتظبط علاشان تكون لمم كل حاجة و ربنا يكرمك يارب بس لية مفكرتش انك تدخل 128 و 127 فى الشغل بتاعك دول اكتر من الهم على القلب فى مصر جرب ياباشا انك تشتغل فى الفيات ككل و ان شاء الله ربنا يكرمك و بالتوفيق

اقتباس:

---

المشاركة الأصلية كتبت بواسطة sary005

بص ياباشا اولا ربنا يباركلك فى المحل بتاعك و يسهلك اموراك انت تنزل التوفقية دة سوق كبير اوى و دة الناس اللى متعرفهوش كلو تجار و مستوردين و مصدرين انزل وحاول تفتح شغل معاهم و لاف و اعرف الاسعار و طريقة السداد و اية المطلوب و مرة مع مرة هتعرف الموردين اكبر من دول و طرقق اية بس لازم الاول تتعب و تتكلم مع ناس كتير بدال انت معندكش خبرة فى الموضوع دة هتاخد وقت و مجهود جامد لحد لما تتظبط علاشان تكون لمم كل حاجة و ربنا يكرمك يارب بس لية مفكرتش انك تدخل 128 و 127 فى الشغل بتاعك دول اكتر من الهم على القلب فى مصر جرب ياباشا انك تشتغل فى الفيات ككل و ان شاء الله ربنا يكرمك و بالتوفيق

---

شكرا ياباشا على النصيحة الغالية
بالنسبة لموضوع ال 128 وال 128 هي فعلا فكرة تحتاج لدراسة
لكن انا غرضي الاساسي ان مالك السيارة الشاهين وقت ما يحتاج حاجة لعربيته يبقى انا اول واحد يفكر فيه لانه متأكده انه هيلاقي اي حاجة لعربيته عندي واصلي وبسعر مناسب
هو ده غرضي الاساسي

علشان كده في البداية انا مش مستحمل 4 انواع بس ممكن قدام شوية

لا جديد ؟؟

انا اعرف مستورد قطع غيار لادا فى التوفيقية

بالتوفيق ان شاء الله

بفكر في الموضوع ده من فتره بس انت عايز تشتغل جديد و لا استعمال خارج

اقتباس:

---

المشاركة الأصلية كتبت بواسطة lada2010

انا اعرف مستورد قطع غيار لادا فى التوفيقية

---

ممكن ياباشا تبعتلي رقم تليفون حضرتك ؟

اقتباس:

---

المشاركة الأصلية كتبت بواسطة mr_sameh

بالتوفيق ان شاء الله

---

شكرا ياباشا

اقتباس:

---

المشاركة الأصلية كتبت بواسطة powerofhelll

بفكر في الموضوع ده من فتره بس انت عايز تشتغل جديد و لا استعمال خارج

---

جديد يا زعيم

بالتوفيق يا باشا باذن الله , انا برده بفكر مع ناس اصحابى فى نفس الفكرة بس اكسسوار عربيات وصوتيات

اللى اقدر افيدك بيه انا فيه شركات جملة بالتوفقية زى شركة غريب و لو حد ضمنك هناك ممكن تشترى بالاجل

اقتباس:

---

المشاركة الأصلية كتبت بواسطة أبو صلاح

شكرا ياباشا على النصيحة الغالية
بالنسبة لموضوع ال 128 وال 128 هي فعلا فكرة تحتاج لدراسة
لكن انا غرضي الاساسي ان مالك السيارة الشاهين وقت ما يحتاج حاجة لعربيته يبقى انا اول واحد يفكر فيه لانه متأكده انه هيلاقي اي حاجة لعربيته عندي واصلي وبسعر مناسب
هو ده غرضي الاساسي

علشان كده في البداية انا مش مستحمل 4 انواع بس ممكن قدام شوية

---

ياباشا ابداء كبير علشان تفضل كبير باذن الله فيه عربيات كتيير منتشرة زى الفيات القديمة و الكورى الشعبى ( لانوس فيرنا ) و الاسبيرانزا

و بالتوفيق

بالتوفيق يا أبوصلاح وإن شاء الله نباركلك ونهنيك قريب

بالتوفيق يا ابوصلاح ونصائحي كالتالي :

- اولا كويس انك اخترت المكان فيه تجمع لقطع غيار السيارات والاكسسوارات لأنك هتحتاج تعمل مع المحلات الأخرى شغل في المستقبل من تبادل اصناف الى استكمال بضاعة للزبائن ومهم جدا متكونش في مكان لوحدك

- مهم جدا كمان التعرف على الورش اللي شغالة حواليك في الماركات اللي عندك والاتفاق معهم على التعاون وانه ممكن يتصل بيك بالتليفون لارسال البضاعة له

- اختيار الموديلات اللي هتشتغل فيها يحدها عامل مهم جدا وهو رأس المال ، يعني لو راس المال المخصص لقطع الغيار مش كبير يبقى نصيحتي المهمة جدا جدا هي عدم التوسع في عدة موديلات وانما التركيز في ماركة واحدة وموديل او اتنين (الاكثر انتشارا) وتوفير معظم الأصناف لهم
وليس توفير أصناف السيرفيس مثلا لموديلات وماركات كتيرة لأن اي زبون هييجي مرة واتنين يسأل على صنف وميلاقيهوش عمره ما هييجي المحل تاني ودائما تذكر ان الانطباع الأول هو الانطباع الأخير First impression is the last impression

علما بان اصناف قطع الغيار تنقسم الى اصناف سريعة الحركة زي الفلاتر والسيور والبوجيهات (السرفيس) واصناف متوسطة الحركة واصناف بطيئة الحركة فطبعا المفروض تجيب في المحل الأصناف السريعة والمتوسطة اما البطيئة فتكون عند الطلب يتم توفيرها بدلا من ركن الفلوس فيها

- البداية في الشراء تكون بالمرور على محلات الجملة واخذ قوائم اسعار الأصناف منهم والاختيار منها (ممكن تخللي صديق لديه محل مشابه هو اللي يختار الأصناف والكميات اللي هيتم شرائها في الأول وبشكل عام بلاش كميات كبيرة من اي صنف لحد ما تشوف ماشي ازاي) واكبر غلطة ممكن ترتكبها في حياتك هي الاعتماد على حد من الموردين في اختيار الأصناف لك باعتباره صاحب خبرة طالما متعرفهوش

والنصيحة الأساسية في الموضوع كله (لا تثق في اي حد متعرفهوش وتوكلوا على الله واعتمدوا عليه ثم على انفسكم)

وبالتوفيق

موفق ان شاء الله يا ابو صلاح و كل شئ في اوله صعب بس ربنا يقويك و يعينك

اقتباس:

---

المشاركة الأصلية كتبت بواسطة مصراوي جدا

بالتوفيق يا ابوصلاح ونصائحي كالتالي :

- اولا كويس انك اخترت المكان فيه تجمع لقطع غيار السيارات والاكسسوارات لأنك هتحتاج تعمل مع المحلات الأخرى شغل في المستقبل من تبادل اصناف الى استكمال بضاعة للزبائن ومهم جدا متكونش في مكان لوحدك

- مهم جدا كمان التعرف على الورش اللي شغالة حواليك في الماركات اللي عندك والاتفاق معهم على التعاون وانه ممكن يتصل بيك بالتليفون لارسال البضاعة له

- اختيار الموديلات اللي هتشتغل فيها يحدها عامل مهم جدا وهو رأس المال ، يعني لو راس المال المخصص لقطع الغيار مش كبير يبقى نصيحتي المهمة جدا جدا هي عدم التوسع في عدة موديلات وانما التركيز في ماركة واحدة وموديل او اتنين (الاكثر انتشارا) وتوفير معظم الأصناف لهم
وليس توفير أصناف السيرفيس مثلا لموديلات وماركات كتيرة لأن اي زبون هييجي مرة واتنين يسأل على صنف وميلاقيهوش عمره ما هييجي المحل تاني ودائما تذكر ان الانطباع الأول هو الانطباع الأخير first impression is the last impression

علما بان اصناف قطع الغيار تنقسم الى اصناف سريعة الحركة زي الفلاتر والسيور والبوجيهات (السرفيس) واصناف متوسطة الحركة واصناف بطيئة الحركة فطبعا المفروض تجيب في المحل الأصناف السريعة والمتوسطة اما البطيئة فتكون عند الطلب يتم توفيرها بدلا من ركن الفلوس فيها

- البداية في الشراء تكون بالمرور على محلات الجملة واخذ قوائم اسعار الأصناف منهم والاختيار منها (ممكن تخللي صديق لديه محل مشابه هو اللي يختار الأصناف والكميات اللي هيتم شرائها في الأول وبشكل عام بلاش كميات كبيرة من اي صنف لحد ما تشوف ماشي ازاي) واكبر غلطة ممكن ترتكبها في حياتك هي الاعتماد على حد من الموردين في اختيار الأصناف لك باعتباره صاحب خبرة طالما متعرفهوش

والنصيحة الأساسية في الموضوع كله (لا تثق في اي حد متعرفهوش وتوكلوا على الله واعتمدوا عليه ثم على انفسكم)

وبالتوفيق

---

والله العظيم كلام غالي وكبير وتقريبا ده نفس التفكير اللي عايز امشي عليه وانت فعلا نورت دماغي بالكلام ده
شكرا ليك جدا

اقتباس:

---

المشاركة الأصلية كتبت بواسطة ahmedhilmy

موفق ان شاء الله يا ابو صلاح و كل شئ في اوله صعب بس ربنا يقويك و يعينك

---

الله يخليك يا زعيم

اقتباس:

---

المشاركة الأصلية كتبت بواسطة أبو صلاح

المشكلة في اني مش عارف أبدأ ازاي
يعني اشتري بأسعار جملة إزاي ومنين ؟

ومنين أضمن ان المورد اللي بيجيبلي قطع الغيار دي أصلية أو تقليد ؟

هل من نصائح ؟
[/center]

---

شوف يا ابو صلاح (لو سمحتلي )
هي دي مشكلة مشاكل قطع الغيار...خصوصا الشاهين أو الفيات و اللادا...
لأن معدش فيه حد عنده قطع مضمونه...كله مضروب ..أو على الأقل مش كله..بس المستوردين بيجيبوا الرخيص لان الواحد فى مصر بقى مؤمن إن فعلا معدش فيه غير المضروب فى السوق...فيحجيب حاجه غاليه ليه...
لو عايز تميز نفسك فعلا...نصيحتى ليك هي إنك تسعى إنك تجيب الأصلي..معرفش سككه منين...بس لازم تتعب عشان تعرف..وتلاقيه...وربنا يوفقك إن شاء الله..
وهو مشروع ممتاز...لو قدرت تكسب ثقة العميل

ابو صلاح
جرب تسال مهندس طلعت بتاع رينو
لاني عارف انه بيشتغل فيات جملة

موضوع في الهيدر فوق اسئلة على الخاص مش في موضوعه
او خد تليفونة اسئلة مانت هاتبقي عميل

ربنا يوفقك للخير ويسر لك كل امر عسير:S_thum1[1]:

ممكن تشرفني و نروح ل احمد محرم انا عسرة معاهم من زمان

اقتباس:

---

المشاركة الأصلية كتبت بواسطة karim_monir

ابو صلاح
جرب تسال مهندس طلعت بتاع رينو
لاني عارف انه بيشتغل فيات جملة

موضوع في الهيدر فوق اسئلة على الخاص مش في موضوعه
او خد تليفونة اسئلة مانت هاتبقي عميل

---

شكرا يا كريم
أكيد هكلمه واشوف الدنيا ماشية معاه ازاي

اقتباس:

---

المشاركة الأصلية كتبت بواسطة magdy1963

ربنا يوفقك للخير ويسر لك كل امر عسير:s_thum1[1]:

---

ربنا يكرمك

اقتباس:

---

المشاركة الأصلية كتبت بواسطة engahmedsamy

ممكن تشرفني و نروح ل احمد محرم انا عسرة معاهم من زمان

---

ياباشا احمد محرم يعتبر ده حوت المنطقة اللي انا فيها
ومكدبش عليك بعتبره مثلي الاعلى وهدفي
وبالمناسبة تقريبا انا عرفت الموردين اللي بيجيب منهم وكان ليه طلبية كبيرة بالصدفة كانت بتتحمل قدامي

اقتباس:

---

المشاركة الأصلية كتبت بواسطة أبو صلاح

شكرا يا كريم
أكيد هكلمه واشوف الدنيا ماشية معاه ازاي


ربنا يكرمك


ياباشا احمد محرم يعتبر ده حوت المنطقة اللي انا فيها
ومكدبش عليك بعتبره مثلي الاعلى وهدفي
وبالمناسبة تقريبا انا عرفت الموردين اللي بيجيب منهم وكان ليه طلبية كبيرة بالصدفة كانت بتتحمل قدامي

---

بيوردله الحاج احمد سليمان

الف مبروك يا ابو صلاح ، وان شاء الله فتحة خير عليك

الف مبروك يا ابو صلاح وربنا يرزقك ان شاء الله

الف الف شكر ليكم يا رجالة
بس فعلا الموضوع كبير
وانا باخد وقتي لحد ما الم اكبر كم معلومات ممكنة

خصوصا ان في احد الشركاء انسحب من الموضوع

بالتوفيق
ان شاءاللة

بالتوفيق ان شاءاللة

اقتباس:

---

المشاركة الأصلية كتبت بواسطة أبو صلاح

الف الف شكر ليكم يا رجالة
بس فعلا الموضوع كبير
وانا باخد وقتي لحد ما الم اكبر كم معلومات ممكنة

خصوصا ان في احد الشركاء انسحب من الموضوع

---

بالتوفيق يا باشا

استفسار بسيط انت ناوى تفتح فى منطقة ايه ؟؟؟ و الشريك هيتكلف كام كتجهيزات و ايجار وبضاعة ؟؟؟

بص يا ابو صلاح روح معرض اتوماك كان فيه شركه تركيه عارضه قطع غيار اصليه للشاهين و الدوجان

اقتباس:

---

المشاركة الأصلية كتبت بواسطة maka

بالتوفيق يا باشا

استفسار بسيط انت ناوى تفتح فى منطقة ايه ؟؟؟ و الشريك هيتكلف كام كتجهيزات و ايجار وبضاعة ؟؟؟

---

ياباشا المكان عندي يعني مبدأيا على الاقل لمدة سنة مفيش ايجارات
فاضلب التجهيزات والبضاعة ودي على حسب نسبة مشاركته في المشروع

اقتباس:

---

المشاركة الأصلية كتبت بواسطة crazylambada

بص يا ابو صلاح روح معرض اتوماك كان فيه شركه تركيه عارضه قطع غيار اصليه للشاهين و الدوجان

---

شكرا ياباشا على المعلومة

اقتباس:

---

المشاركة الأصلية كتبت بواسطة أبو صلاح

ياباشا المكان عندي يعني مبدأيا على الاقل لمدة سنة مفيش ايجارات
فاضلب التجهيزات والبضاعة ودي على حسب نسبة مشاركته في المشروع


شكرا ياباشا على المعلومة

---

فى انى حتة فى القاهرة

اقتباس:

---

المشاركة الأصلية كتبت بواسطة maka

فى انى حتة فى القاهرة

---

في عين شمس
بجوار مستشفى جراحات اليوم الواحد

اليلام عليكم
على فكره يا باشا احمد محرم مبقاش ز ى زمان و المضروب عنده بقى كتيييييييييير .. اسال مجرب

و ربنا يوفقك للصالح

اقتباس:

---

المشاركة الأصلية كتبت بواسطة mohamedsalaheldeen

اليلام عليكم
على فكره يا باشا احمد محرم مبقاش ز ى زمان و المضروب عنده بقى كتيييييييييير .. اسال مجرب

و ربنا يوفقك للصالح

---

ياباشا انا عارف الكلام وعن تجربة في قطع غيار لادا بتاعة والدي

وصلت لايه يا ابو صلاح في الموضوع ده نفذت ولا لسه

بالتوفيق ان شاء الله وربنا يسهل لك طريقك ويدلك على طريق الخير ان شاء الله

ابو صلاح مساء الفل
انا كمان لسه عامل المشروع ده مع اخويا بس انا ياباني وايطالي وبيجو
وعموما كل حاجه من التوفيقيه جوه المولات وفي الادوار العاليه علشان دول بتوع الجمله
وكل واحد متخصص حاجه
هتلاقي واحد فوانيس وواحد كاوتش وواحد قطع غيار وواحد قطع الكهربا
كل واحد بيكمل التاني

خالى عنده محل قطع غيار شاهين وفيات
بس فى الصعيد (قنا) هو بيجيب كل البضاعة بتاعته من القاهرة
واللى ماسك كل حاجه عنده هو ابن عمى لو تحت ابعتلك نمرته وتكلمه وتعرف منه كل حاجه انا تحت أمرك
هو مش هيبخل عليك بأى حاجه
من أسعار واماكن وكل اللى تحتاجه
وربنا يوفقك ويكرمك بالخير إن شاء الله

بالتوفيق انشاء الله
واحب لقولك نصيحة صغننة فى التجارة اتعلمتها من ناس من ايام اليهود
انت تخش على واحد بتقول ايه ده يقولك ده بصل . طب بكام البصل يقول ب 5 تقوم تخش على اللى بعده تقوله بكام البصل يقول ب 4 (مانت عارفه بقى) طب ايه اللى جنبه يقولك كوسه وهكذا
من غير هزار وخضار المقصود انك ماترميش بياضك كله انت فى الاول تشترى ب نص او تلت سيولتك علشان احتمال كبير فى البداية تاخد اسعار غالية او تجيب بضاعة مش مطلوبة او نوعيتها مش قوى وحاول قدر الامكان تشترى كميات صغيرة بس تشترى من كل الاصناف يعنى 100 صنف كل صنف حتتين احسن من 10 اصناف من كل صنف عشرين وواحدة واحدة السوق هايدلك واهم حاجات لنجاح المشروع :
1 قدر الامكان اتعامل مع اول يد
2 اشترى كاش وبكده لو عايز ب 100 جنيه المستورد مش هايقول لا
3 بيع كاش وماتطمعش انك تكسب زبون بالاجل لا ده لو زبون وحش هاتخسره لانه طبعا بعد ماينصب عليك مش هاييجى تانى وهاتبقى حسرت زبون كمان
وبالتوفيق

عاوزينك هنا يا ابو صلاح

يا ريت ترد وتشارك

http://www.nilemotors.net/Nile/17658...post3873003276

انا عايز اقولك ان شغل اللادا والشاهين الي شغالين فيهم عملوا اسم من زمان
وطبعا انت مش هتبتدي تعمل اسم في شاهين ولادا
الي ماشي حاليا العربيات الكوري هيونداي دايو كيا والصيني بردو بس قطع غياره غاليه شويه
ولو ناوي تشتغل لادا وشاهين يبقي لازم يكون عندك فيات عشان فيه حاجات فيات بتركب علي الادا والشاهين
عشان تبقي زي مركز احمد محرم لازم سيوله كتيره جدا
وقصه البضاعه مش مشكله بتتجاب من تجار الجمله في التوفيقيه
وانت وتعاملك مع التاجر كل ما الكميه تزيد تاخد خصم اكتر
وبرضه اعرف الورش الي عندك في المنطقه بتشتغل في عربيات ايه جديد ولا قديم
وخالي بالك من الصنايعيه بعد كده عشان هيتحكم فيك بعد كده في نوع البضاعه
ولازم تظبط سعر بيعك علي المنطقه الي انت فيها
عشان الصنايعي في عرض جنيه يطلعه مصلحه علي صاحب العربيه
ولو عايز اي حاجه انا في الخدمه

وكفايه علي قد كده