الموضوع: سؤال علي موبايلات بخطين؟؟

المشاركة الأصلية كتبت بواسطة semsem67

أنا عندي سامسونج sgh-d 880 ولما لشتريتة أول ما طلع مكانشي فيه غيره وكان ثمنه 2100 جنيه - نزل بعدها بشهور إلى 1600 جنيه - لآ أنصح به إطلاقا ولا بماركة سامسونج من ألأصل لأن:
1- لونه تغير من الأطراف -في فترة الضمان - ورفضت شركة رينج اللي في شارع الميرغني إصلاحه والموظف اللي هناك كان واضح إنه بيتلكك : فاتورة الشراء فين؟؟ لالا دي معليهاش رقم التسجيل الضريبي !!! قلت له الفاتورة من هيئة البريد المصري -يعني جهة حكومية - المهم رفضوا التصليح تبع الضمان وصمموا على 250 جنيه لتغيير الوش وشرط أساسي إنهم ياخدوا الوش القديم وميرجعهوليش - ليه ياسيدي ؟ قال أصل إحنا لازم نعدمه علشان لا يلوث البيئة حتى لو كنت دافع ثمنة - قلت له : وهل حتعدمه أمامي - قال طبعا لأ --أترك لكم التعليق
2- بعد سنة وأربع شهور السماعة لا تعمل ولا الكاميرا فقلت كده الضمان خلص مش حاروح للناس دي ثاني - رحت لشركة راية في شارع الحجاز ورحت لشركة ثانية في ميدان الحجاز كانت لسه واخدة التوكيل حديثا و الإثنين طلبوا 250 جتيه للتصليح - دفعتهم طبعا - ليه ؟ لأنو مفيش فنيين بيفهموا في السامسوتج ولا قطع غيار برة التوكيلات دي - على عكس النوكيا
3- بعد ستة أشهر أخرى التليفوت بيعمل ريستارت لوحده وبمزاجه وقلت أتعايش مع العيب وخلاص

الخلاصة : من وجهة نظري بالنسبة لبلدنا الحبيب : اشتري أرخص حاجة تؤدي الغرض - الصيني كويس - وأول ما يبوظ لو لقيت سعر إصلاحه غالي إرميه وهات جديد وتمتع بالآتي:

1-تحنب شعور القهر و الإستغلال من الوكلاء اللي بيبيعوا أبو 100 بألف
2- مش حتحتاج تغير بطارية بأخرى مضروبة عشان عمر التليفون مش حيبقى طويل
3- تحنب شعور الأسى بإتهيار سعر موبايلك لربع قيمتة -أنا اشتريته من سنتين ب 2100 - دلوقتي ميسواش ربع المبلغ
4- إذا اتسرق منك - الحرامي هو اللي خسران مش إنت
5-جدد وهات الأحدث بأقل الأسعار

افادكم الله ياباشا
ححاول بقي اصلح اللي معايا وخلاص