عروستي؟؟؟؟
عرض للطباعة
عروستي؟؟؟؟
شكرا سبعاوى باشا وخلتنى بدأت احمل الفيلم ههههههه :D
طب هو سؤال مهم يا استاذ سبعاوي هل الشاهين كان عليها علامة الكتكوت اللي بنحطها في الشاهين الجديد و لا عليها علامة التي القديمة :d
ههههههههههههه حلو الخبر دة !!! الشاهين دخلت العالمية :D:D
:rolleyes:مش عارف يا جماعة ... انتو بتتريقو على الشاهين والتوفاس كدة لية بغض النظر عن شكل الشاهين القديم جدا ... وانى شخصيا بفضل شكل ال 131 عن الشاهين لانى بحس ان شكلها مظبوط عن الشاهين ...
بس انا اعرف ناس معاهم شاهين ... بيعملو فى العربية عماليل وبيفترو عليا ... يعنى اكاد اقسم انها لو اتعملت فى اى عربية تويوتا من الى انتو طالعين بيها السما .... مكانتش حتستحمل وكان موتورها فوت واتحرق كمان .......... كفاية اوى انهم مايعرفوش حاجة اسمها صيانة دورية ( ماراحوش ولا مرة التوكيل ) ............ مايعرفوش حاجة اسمها تغير زيت كل 5 الاف كيلو .... ممكن يقعدو بيه ل 12الف كيلو ( زيت موبل Xhp ) يعنى زيت عادى ...
كفاية جدا ان عربية شاهين تروح وترجع من اسكندرية بطرمبة بنزين بايظة تماما وبتقطع ؟؟؟؟؟؟؟؟؟؟؟؟؟؟؟؟
وكفاية جدا انها تطلع من جولف 4 على الكورنيش!!!!:confused:( بتاع الجولف كان بيشد علاشان محدش يقول حاجة )
كفاية جدا انها بيركبلها قطع غيار مضروبة وبتمشى بيها من غير ماتشتكى ولا تقف !!!!!!!!!!!!!:confused:
كفاية جدا انها فى مرة تمشى من غير مية فى عز النار وتوصل الحرارة 130 ... وربنا يستر وميحصلش حاجة :confused::confused::confused:
على فكرة فى الاخر انا مابحبش العربية الشاهين ولو معايا فلوسها مش حجيبها بس بحترمها جداااااااا لانها اثبتت كفائة بجد غير طبيعية فى مصر
والى بيتكلمو على التويوتا ... اة هية فعلا ماركة محترمة ... بس والله كتير جدا بشوف كورولات عطلانة فى الطريق وبتتزق وبتتجر ... عادى يعنى بتبوظ بردة وواحد اعرفة معاه يارس لسة شاريها نزل فى بلاعة واطية شوية فى الطريق ... المساعد الخلفى اتنى وبقى يخبط وغيرة ........يعنى مش فولاذ
الحاجه الاخيره شكرا بشمهندس سبعاوى :cool:على الخبر الغريب دة :D... انا دلوقتى بنزل الفيلم علاشان اشوف الشاهين بتعمل اية :D:D:D:D:D وبعد كدة حمسحة لانى مابحبش جاكى شان:D:D
هل الفرعون اللى على الشاهين دى علامة مصرية ولا هى بتاع شركة توفاش - بس دا شاكلة تبع الفراعنة!!
ده مش فرعون ولا كتكوت ده وجه صقر
وشاهين يعنى صقر
السبب ان الشاهين تصميم قديم و بالتالى مش متوقع ان يبقى فيه دقة شديدة فى عمل اجزائها... يعنى ايه؟؟
يعنى لو لاقينا الحاجات دى فى عربية لانسر 2007 الزم حتقف لان الكمبيوتر حيحس ان فيه مشاكل و بالتالى ممكن يفصل الموتور تماما عشان يمنع تلفة و لمبة التشك حتنور و حاجات كتير مش حتشتغل لان كل حاجة لازم تبقى 100% اما الشاهين فا حتشتغل فى اسواء الظروف و تتعامل عادى لان مش مطلوب من قل قطعة تكون 100% عشان العربية تشتغل
اما موضوع الجولف دة فا عادى لان الجولف 4 كلبة... زمان شديت مع واحد لدرجة انه صعب عليا من اللى اتعمل فيه
MMamdouh