How To Buy Used Gen 2

**Grovy** · 27-05-2010 04:22 PM

السلام عليكم
دا اول موضوع ليا فى المنتدى لان ده اول يوم ليا فيه اصلا بس كنت عايز اسال الناس الخبيره فى ال gen2 كام سؤال و ياريت تقدروا تفيدونى. انا بفكر جديا انى اشترى GEN 2 و لكن للاسف مش معايا ثمن زيرو و مش بحب التقسيط عشان كده عايز اجيبها مستعمله بس موديل قريب. نيجى بقى للاسئله:
1- ايه الحاجات الى لازم اخد بالى منها قوى و انا بشترى مستعمل؟
طبعا قصدى غير الحاجات العاديه. قصدى حاجات خاصه بال GEN 2.
2 - ايه العيوب الى ممكن الاقيها بس تكون طبيعيه يعنى مش Deal breaker ؟
3- السعر المناسب للعربيه لو مو 2007 مانوال فول ابشن لان ده الى انا بفكر فيه (انا مش عارف اذا كان ف هاف ابشن اصلا ولا لأ بس انا عارف ان الجديد مفيهوش) ؟
الموضوع ده بالذات انا عارف انو صعب لان كل واحد عربيته غاليه عليه و لو فكر يبيع عايز يبيعها اغلى من ما اشتراها بس الفكره انى عارف ان العربيه دى ال resale بتاعها وحش عشان مش منتشره و الناس بتخاف من توكيلها و قطع غيارها و ده مالوش علاقه بجودة العربيه الموضوع عرض و طلب و على فكره فى ناس كثيره نصحتنى انى مشتريش عربيه ال resale بتاعها وحش بس العربيه فعلا عاجبانى بس خايف ادفع مبلغ و العربيه يطلع فيها حاجه و اندم ف الاخر.
اسف جدا للاطاله و شكرا

**ramyar** · 27-05-2010 04:44 PM

اهلا بيك يا فندم نورت المنتدي
بي النسبه للجين فعلا سعر اعاده البيع بتاعها مش منصف وزي ما حضرتك قولت فعلا عرض وطلب
نيجي بيقي للعربيه
سيادتك لما تلاقي عربيه مناسبه ممكن تحجز في التوكيل وتخليهم يكشفوا علي العربيه كشف كامل وهيطلعلك كشف مفصل بحاله وكفائه العربيه
وعلي فكرخه ده هيكون علي حسابك انتا مش علي حساب الراجل الي هتشتري منه

**khpopo** · 27-05-2010 05:16 PM

التوكيل بيبقى فى عربيات مستعمله
وممكن الكشف على اى عربيه فى التوكيل او بره التوكيل عشان فى مراكز بتشتغل فيها عادى عشان تشترى وانت مطمن
اهلا بيك
ربنا يوفق

**m.3abdel3al** · 28-05-2010 02:44 AM

فعلا حضرتك شوف التوكيل او شوف اي حد من الاعضاء تكون عربيته مضمونة و يكون بيبيع

**Grovy** · 28-05-2010 03:16 AM

شكرا جدا للناس الى اهتمت انها ترد. بس فى السؤال الى محتاج اجابته.
السعر المناسب كام؟؟؟
طبعا انا عارف على حسب العربيه بس ال range تقريبا بين كام و كام
و شكرا مره تانيه

**hobaz** · 28-05-2010 06:02 PM

متابع معاك.........

**powerofhelll** · 28-05-2010 06:32 PM

اهلا بيك في المنتدي و ان شاء الله الاعضاء يقدروا يفيدوك و الجيناويه كلهم هيقلولك علي كل مسمار في العربيه

**ahmed ismail** · 28-05-2010 09:58 PM

جرب الاتى :
بالنسبة للكهرباء
1- الاربع ابواب طلع و نزل اكتر من مرة
2- كل الانوار عالى واطى يمين شمال انتظار توقف و الفوج
3- المالتى افنكشن اللى فى الدركسيون
4- الكلاكس
5- الكاسيت
6- المساحات و قرب المساحات و مواتير قربه المياه اللى بتغذى المساحات
السمكرة :
ديه اهم حاجه عشان معظم اللى بيركبوا جين تو شباب فممكن تقع فى حظك عربية متهانة بص اهم حاجه تتفق مع الراجل انك تاخد العربية يومين او يوم و تروح على السمكرى بتاعك ويكون مضمون و يكشف على العربية كويس اوى اوى و يفليها و لو حكمت يشيل الفيبر بتاع الابواب و يبص وراها و اهم حاجه تلاقى الكلام اللى البائع بيقلوهلك متطابق مع الواقع يعنى خبطة شمال يبقى متلاقيش الا خبطة شمال و اخبارها ايه ياترى قويه ولا لا المهم لازم يكون السمكرى خبرة و متعتمدش على التوكيل فى مسألة الكشف عن السمكرة عشان غالبا مش حيهتم بيها و معندوش العين الخبيرة فى السمكرة كل سمكرة التوكيل بتتم بره
الميكانيكا:
بالنسبة للميكانيكا متروحش لاى صانيعى و نصيحتى ليك متروحش للتوكيل من وجهة نظرى مفيش حد هناك عنده خبره بالعربية الا المهندس هانى الباقى معلوماتى و معلومات اى حد هنا فى المنتدى احسن منه بمراحل الافضل تروح لمركز امير و جوزيف او مركز الماجد و تفهم الناس انك حتشترى العربية ديه و انها مش بتاعتك و محتاج تكشف على الاجزاء الميكانيكية و العفشة بتاعتها كلها
اخيرا حاول تعرف تاريخ العربية و كام مالك كان ليها و عاملة قد ايه كيلو متر و سبب البيع و مين كان راكبها و حاول تستشف من شخصية اللى راكبها اسلوب تعامله مع العربية عامل ازاى يا ترى كان بيهينها و عايش دور الشاب الطائر اللى باباه جايبله عربية :) ولا كان بيشكر نعمة ربنا و يحافظ عليها و يراعيها
و اخيرا استعن بالله انه يوفقك و صلى ركعتين قضاء حاجه عسى ربنا انه يوفقك لما فيه خير ليك ان شاء الله و بعدين اى استفسار اخواتك هنا فى المنتدى تحت امرك