عرض للطباعة
رحت النهاردة مركز السبع و عملت الصيانة . . بجد ناس فاهمة و محترمة . . غيرت تيل فرامل قدام و فلتر زيت وهوا و الزيت . . غيرولي الوحدة اللي فيها الاربع زراير بتوع القزاز الكهربه علا حساب الضمان " استغربب كنت مستني يدفعوني بتاع ١٠٠٠ جنيه فيها " . .و ظبطولي زوايها منهم لنفسهم . . . و غسلوا العربية ف الاخر
اه نسيت التلكس كانت فردة منه باظت . . اتغيرت علا حسابهم بردو . . . معنهم الصيانة هنا ف اسيوط كانت هتدفعني تمنهم . . و تقولي سوء استخدام
مقلتلناش دفعت كام وموديل عربيتك سنه كام
2009 دفعت حوالي ١٠٠٠ بعد البكششة و كده يعني
الف مبروك الصيانة وكدا تنزل مصر من غير ما تقولنا عشان كنا قومنا بالواجب معاك
ياريت تقولنا المصنعية كانت كام , وتيل الفرامل سعره كان , وفلتر الهواء والزيت , بالتفصيل , ووحدة الازجاج الكهرباء كانت مالها
ومرة تانية الف الف مبروك وربنا يباركلك فيها
على فكرة يا جماعة بالنسبة لملاك التيدا او حتى الصنى اللى عاوز يركب مرايا صالون فيها كاميرللبركن ةوسسنسور وبلوتوث وبيتوصل عليها الديفيدى موجودة فى توكيل مودرن اصلى كنت هناك امبارح وهى جت عندهم عشان كانت ناقصة , وتمنها بالتركيب 1400 ومعاها ضمان فحبيت اقولكم
لان انا ناوى عليها لان التيدا عالية بصراحة والواحد محتاج مرايا بكاميرا خلفية
لما سالتهم قالولى مش بنخرم فى الكابوت وبيروشوها بالون العربية كمان
وكل ده عند المهندس سامر
والراجل ده راجل محترم جداااااااااا وذوق فى تعاملاته مع العملاء
مش عارف بالظبط التفنيطة بتاعتهم . . ههجيبها و اقولكم الحساب بالظبط . . معلش يا استاذ احمد استعجال بقا و الظروف سربعتني . . القزاز مكنش بينزل و لا بيطلع . . الزرار كان بايظ بس عشان ده الباب بتاعي اضطر يغير الاربع زراير كلهم
الحمد لله انك عملت الصيانة على خير وان ظبط امورك وده اهم حاجة , ودايما اعمل صياناتك عند مركز خدمة قوى السمعة , وبعدين اعمل صيانتك فى القاهرة دايما واهى فرصة كفسحة وتغير جو وبتنورنا
الوكيل ده محترم وسمعته كويسه
ربنا يخليك يا استاذ احمد بس المشوار مش سهل صدقني . . و الواحد بيعول همه . بس اكيد هتعرف بحضرتك ف اقرب فرصة . . . بس بالنسبة لموضوع المرايا و السنسور دول . . انا شايف ملهمش لزمة . . دي مسألة تعود . . بس ان جيت للحق انا عايز سنسور قدام مش ورا :d
الشرف لينا يا فندم وتنور فى اى وقت
وبالنسبة الى الكاميرا الخلفية مع السينسور , فى ناس كانوا سالونى عليها كتير , فكان لازم ابلغكم اكيد لانها كانت ناقصة ,
وبعدين بالنسبالى انا مش عارف اتعود فعلا لان كان معايا بولو قبل كدا ومن البولو الى التيدا ارتفاع مهول هههههههههههه وبعدين العربية طويلة , ففعلا عن نفسى محتاجها ,
وموضوع قدام ده سهل طلع الكرسى لقدام الامور حتتظبط عندك وحتحس بسهولة بابعاد وش العربية زى ما كنت بعمل فى البولو عندى
انا عكسك بالظبط . . كان معايا اوبل و والدي معاه ١٣١ ال 2 قدام باين جدا فيهم .
الطول . . متعود علي اللي اطول منها . . و اعرض . . بس قدام دي مش لاقيلها صرفة خالص . . بطلع الكرسي قدام مش نافع بردو . . الحل اني ارفع الكرسي و ده بيضايق الرؤية جدن
السلام عليكم,اقتباس:
المشاركة الأصلية كتبت بواسطة ahmed.tv
الف مبروك لأخونا بونا صيانة ال 30 الف وعقبال صيانة ال 300 الف ان شاء الله...
خبر جامد جدا يا أحمد حكاية الباركنج سنسور والبلوتووث..والديفيدي ...ممكن الواحد يركبهم من غير المراية دي؟..
بس موضوع التخريم في العربية ده مش ظريف...بيخرموا ايه بالضبط..الاكصدام الخلفي؟
انا بحمد الله وفضله رخصت امبارح ..وبدأت أستعمل العربية...رائعة ...
الموضوع الي تحت البحث فعلا عندي ..هو زيادة عرض الكاوتش..من 185 الي 205...عشان الثبات..
حد جرب الموضوع ده قبل كده علي الجنوط الاصلية ال 15 بوصة؟
بص انا جربتهم ف عربيات تاني . . . فرقت جامد ف الفرنا لما عملت كدا . . . بس مع واحد صاحبي معاه لانسر . . مفرقش بدرجة تخليك تغيرهم و هما جداد لسه . . سيبهم ياخدو دورهم . . و غيرهم بعد كده . . بس صدقني العربية مش محتاجة
انا حسالك بالضبط على موضوع التخريم ده بيكون فين , لان لما سالت المهندس قالى مش بنخرم فى الاكصدام خالص ,اقتباس:
المشاركة الأصلية كتبت بواسطة sskarim
وبعدين انا ناوى اعمل زيك فى موضوع تغير عرض الكاوتش بس مستنى لما ادوب الكاوتش اللى راكب فيها , وبعد كدا لما اغير ال4 فرد الكاوتش حركب عريض لان فعلا حيفرق فى الثبات وغير كدا حيخلى شكل العربية حلو كمان ,
ألف مبروك و عقبال صيانة الـ 100000
ألف مبروك يديك خيرها ويكفيك شرها
الف مبروك علي الصيانة و عقبال 500000
الله يبارك فيكم . . ربنا يخليكم