الموضوع: ظـاهرة الاستيقاظ المبكر , هل من حل ؟

ظاهرة الاستيقاظ المبكر : Wake Up Early ..






مشكلة بتواجه كافة انحاء البلد و خاصة العاصمة , و الى الان لا يوجد لها حل ( اى نعم وصلوا لحلول فى بعض الميادين الكبيرة زى ميدان رمسيس و لكن باقى الشوارع محلك سر ) .

يعنى ايه استيقاظ مبكر اصلا ؟

يعنى ببساطة لما حد يكون صاحي بدرى من نومه و لسه كتير على ميعاد شغله او ميعاد دراسته او اى ميعاد , طبيعى انه بياخد راحته و بيفك عضلات جسمه ( يتمطع ) و ممكن يدكع شوية فى عينه و فى احتمال انه يرجع للسرير ينام ( نصف نوم ) يعنى عين مغمضة و التانية لا !

طب الكلام دا بيحصل مع البشر كلها فى بيتها و ده شيء طبيعى جدا , و لكن اللى مش طبيعى انك فى مصر بتشوفه "حصرى" فى الشارع !!!

اه فى الشارع و دى ميزة حصرية لبلدنا انك تشوف مواطن نازل بيتمشي فى وسط الشارع و معتقد كل الاعتقاد ان ده من حقه و الناس كمان بتأيده فى ده .

الرصيف ده اتعمل علشان المحلات تحط عليه منتجاتها او يتزرع عليه شجر او تقف تنتظر واحد فى ظل الشمس و ليه استخدامات تانية كتيرة جدا غير انه مكان للمشاه .

السواقة فى مصر شيء تانى , او دنيا تانية خالص , لابد من اجتياز اختبار الفهلوة و الحداقة و قانون الطواريء الخاص بالطريق .

توقع انك تكون ماشي فى طريق سريع و تلاقى واحد ( مستيقظ بدرى ) وواقف قدامك و بيفكر يعدى او بيشاور عقله لا ده ممكن كمان يختار نوع العربية اللى يعدى من قدامها بمزاجه طبعا و ممكن تلاقيه بيعدى بظهره او بيسلم على واحد و هو فى نصف الطريق .

كل ده طبيعى و عادى مادام كله مستيقظ بدرى , و للاسف لو اى حد حصل له اى حاجة بالطبع || انت اللى غلطان || ..

هل ممكن يا جماعة فى يوم نقوم على ميعادنا مظبوط و لا هنفضل كده ؟؟