سؤالى عن العربيات و المواتيرالحديثة (انا عربيتى معايا من الزيرو و عاملة حاليا 25 الف).... يا ترى بيتم غسيل الموتور كل اد ايه؟ و ما هى افضل طريقة للغسيل يعنى بماء مضغوط مع غسل الشاسيه و لا هواء مضغوط فقط لازالة الاتربة و لا احسن علب الفوم بتاعة غسل الموتور..... برجاء الافادة الكاملة و شكرا مقدما.....
انا شخصيا معايا بيكانتو 2010 عامله دلوقتي 10000 كيلو غسلت الموتور فيهم مرتين مره اتعملت وانا مكنتش جنب العربيه الواد فتح الكبوت و غسل الموتور بالجاز و طبعا من غير ما يسألني و اخد اللي فيه النصيب من التوبيخ و المره التانيه كانت بالفوم كنت اشتريت علبه من كارفور و انا اللي رشيت بايدي عالموتور و طبعا ما هوبتش ناحيه الحساسات ولا اي سلوك و خليت الواد ينفخلي بالهوا الموتور
انا تقريبا بنفخ الموتور بالهوا كل تغييره زيت (بغير كل 3000)
أنا لسه الولد اللي في البنزينه عاملي موضوع تنضيف الموتور بالجاز ده امبارح ؟؟؟
دي ايه عيبها ؟؟؟
متابع بإهتمام...
(انا مغسلتش موتور عربيتي غير مرة واحدة فقط بالفوم - 40 ألف كم - اكتر من سنتين)
بغسل موتور الفيرنا علي طول من ساعة ما جبتها,,,و الدنيا ماشيه تمام
لما تروح تعمل الصيانه خليهم يغسلو الموتور وده الأفضل ...
او تشترى فوم وتغسل الموتور بنفسك بدون مياه يعنى فوم بس ...
كما قرأت إن الأنسب للموتور هو بالفوم ..
احسن حاجة الفوم و ممكن تطيره بالهوا او بقطعة مبلولة زى ما تحب
الافضل بالفوم طبعا حفاظا على الموتور
اقتباس:
المشاركة الأصلية كتبت بواسطة smileyface
احيانا تسبب تشقق الخراطيم الكاوتش
الفوم المخصوص اضمن حاجة......
ممكن تقولولى اسم الفوم ايه
وسعره كام وبيتباع فين
مش هتلاقى نوع معين
اللى موجود صينى
هتلاقيه فى البنزينات وكارفور
من 25 الى 35
وبص على موبيل اللى عند كايرو مول
انا اشتريت نوع تاني بس مش فوم زي ما يكون كده زيت منظف ححاول اصوره وانزلكم الصورة بس بصراحه احسن من الفوم