اولا احب اشكر الاخ الفاضل ابو عبد الله ....لانة عرفنا علي العربية دي ...وشجعني للتعرف عليها اكتر ..
بعد زيادة سعر الياريس....وزيادة سعر الكورولا...الغير مبرر...الا لاسباب الطمع والجشع ...
حبيت اشوف اختيار تاني ....ولاني من عشاق السيارات اليابانية ....سيئة السمعة ...وسارقة تكنولوجيا الغرب...... :) فمالقتش اختيارات تانية ...كتير غير اني اشوف الداياهاتسو وايلي هي برضة تويوتا بس متخفية في قناع مختلف....
المهم علشان ماطولش عليكوا....
روحت اتفرجت علي العربية المذكورة اعلاة.....
العربية من برة شكلها تحفة (انا شفت اللون الاسود وعليها شكلة جميل جدااا)...مع الجنوط الاسبور...والاسبويلر... شكلها يوحي بالرياضية...فعلا...
العربية من جوة ....مش هاقول اكتر من ايلي اتقال علي السيريون بشكل عام....بس بالنسبة لي كانت المرة الاولي ايلي اشوف فيها العربية بنفسي واقعد فيها واشوف من قريب الخامات المصنع منها التابلوة والكراسي المريحة وايلي ما تقلش عن مثيلاتها من شركة تويوتا...
العربية واسعه بشكل غريب فعلا ...وتستغرب لما تشوفها من برة ...وتقعد فيها من جوة....
العربية فيها كل شيء محتاجة....اوتوماتيك....4 زجاج كهرباء...مرايات كهرباء...سنتر...تكيف ...بور...كاسيت CD صوت مش MP3 شكلة تحفة ودة لانة مدمج في التابلوة.....
الشيء الظريف انهم عاميلن Aux in علشان الايبود او اي MP3 Player
العدادات شكلها جميل جدااا....والسرعه والـ RPM بقوا مع بعض في مكان واحد...
كرسي السائق مريح جدااا... وفية منفاخ ...بيعلي الكرسي علشان يزود مقدار الرؤية...
الشنطة صغيرة الي حد ما ....بس مناسبة لاسرة صغيرة...
اهم شيء ....ان كل المواصفات دي.....بـ 90 الف جنية وموتور 1500 يعني اقل من الياريس ال 1300 الكاملة الاوتوماتيك السبور .....بحوالي 15 الف جنية دة غير انها موتور 1500 105 حصان...
بصراحة العربية عجباني جداااا جدااا جدااا.... بس كنت عايز اسال عن شوية حجات لو في حد جربها...
اولها استهلاك البنزين....وهل الموتور دة هو بتاع الماتيريا....ولا دة موتور مختلف....؟؟؟
العربية شكلها مش قريب قوي من الارض....بس برضة مش عالية قوي....وكنت عايز اعرف بتعمل اية مع الحفر والمطبات ايلي...مالية مصر.....خصوصا والعربية محملة...
وشكرا ليكوا مقدمااا...
المفضلات