اعتقد ان مافيش اتنين مننا هايختلفوا على ان الكلاب الضالة و القطط الضالة برغم انها روح فهى مضرة و ممكن تعمل مشاكل ، و بالتالى حكاية حرام قتلها اعتقد انها مش مضبوطة ...
الكلام ده لو الواحد عمال يموتهم بسبب او بدون ، لكن علشان المشاكل اللى احنا شايفينها دى ، ماعتقدش... و الله العلم.
نرجع لمشكلة الكلاب بقى ... جنب العيادة ابتدوا يبنوا عمارة جديدة ، و طبعا مكان البناء المليان رمل و زلط و مساحة كبيرة فاضية ابتدأ يلم الكلاب الضالة تدريجيا ..
فى الأول كنت بتسمع تعليقات ما بين "يا حرام" و "شوفى البوبى ده يا مامى" و "الحقونى ... انا باخاف من الكلاب" و غيره ...
و بالتدريج بدأت الكلاب فى الغارات على اى اكياس زبالة ... و مع الوقت (اقل من شهر) بدأت فى التحرش بالناس الرايحة و الجاية و اخيرا الجرى وراء اى حد يمشى فى الشارع ليلا و محاولة الهجوم عليه...
هنا كانت مكالمة لبتوع الكلاب الضالة (واحد جارنا تبرع مشكورا و كلمهم) ...
جم و فى خلال ربع ساعة كانت المشكلة خلاص بفضل الله ... الراجل بتاع الكلاب الضالة الله يكرمه يروج جاى و منشن على الكلب من دول و يقرب لما يتأكد انها تمام و يروح ضارب ... و على فكرة ... بينشن فى الرأس ... يعنى هى طلقة و بالسلامة ... و بيروحوا واخدين الكلاب قى عربية زى عربية الزبالة (مش عارف بيودوها فين بصراحة)...
و الحمد لله رجع الشارع حلو و أمان زى زمان...
اعتقد ده ممكن يكون حل كويس...
و تحياتى