الموضوع: معقوله الشارك تكون كده؟؟؟؟؟

معقول يا جماعه ان الشارك الكامله الهاى لاين الكامله يوصل سعرها ل 128 الف زيرو .... لاو ايه كمان هيعملى تخفيض ويبيعها ب 126 الف ؟؟؟

انا قلت الموضوع فيه ان ...المهم قلتله انا موافق واحجزلى واحده...قعد يقولى طيب هتصل بحضرتك بعد ما ادور فى المخزن على واحده تكون جاهزة للتسليم...وروحت البيت وبعد ساعه لا حس ولا خبر..فكلمته..ويقولى حضرتك ادينى فرصه لسه بدور...وسيبته تقريبا من العصر لغايه بعد المغرب..ومتصلش...فروحت متصل انا ..ولقيته بيقولى...ان العربيات محجوزة..ومفيش عربيات قدامى خالص فى اى فرع..قلتله اتصرف قالى مش فى ايدى؟؟؟
هل بقى كده المعرض بيجر رجل وخلاص...وخاصه ان سعرها معتقدش ان يوصل كده زيرو هاى لاين حتى لو كانت خليجى؟؟؟
ولا ممكن يكون معاه حق؟؟؟؟انا مش عارف بس بصراحه موقف خنيق...لو كان فعلا ده هدفهم
وهل فيه حد من الرجاله سمع السعر ده قبل كده؟؟؟

انصحك بالابتعاد عن الشارك لان فيها عيب فى حساس البنزين الكلام دا اتقلى من واحد فى صيانو ميتسوبيشى

المشاركة الأصلية كتبت بواسطة sherbeni

انصحك بالابتعاد عن الشارك لان فيها عيب فى حساس البنزين الكلام دا اتقلى من واحد فى صيانو ميتسوبيشى

عيب فردى ولا عيب تصنيع
بصراحه اول مره اسمع العيب ده لأن العربيه مع واحد صاحبى وعامل بيها اكتر من 90 الف ومشتكاش منها فى حاجه ...

المشاركة الأصلية كتبت بواسطة sherbeni

انصحك بالابتعاد عن الشارك لان فيها عيب فى حساس البنزين الكلام دا اتقلى من واحد فى صيانو ميتسوبيشى

ممكن بعد اذن سيادتك تقولي مصدر الخبر ده بالظبط ؟؟ يعني مين العبقري بتاع الصيانه اللي قالك كده
والله العظيم قرفت من كتر الفتي اللي في البلد دي

الناس معاها العربيه ومعديه الـ100 الف كيلو في سنتين (معدل مفتري) ومحصلهمش مشاكل
اصدق اللي معاه العربيه ولا اللي سمع من واحد صاحب صاحب صاحبه ؟؟

المشاركة الأصلية كتبت بواسطة sherbeni

انصحك بالابتعاد عن الشارك لان فيها عيب فى حساس البنزين الكلام دا اتقلى من واحد فى صيانو ميتسوبيشى

العربيه معايا من يناير 2008 وماشي 72 الف كم ومفيش اي عيوب من اي نوع الحمدلله .... كل اللي عملته الصيانات العادية

المشاركة الأصلية كتبت بواسطة sherbeni

انصحك بالابتعاد عن الشارك لان فيها عيب فى حساس البنزين الكلام دا اتقلى من واحد فى صيانو ميتسوبيشى

عفواً ياسيدى الفاضل لاتصدق كل ما يقال لك عن الشارك وياريت كلامك يكون عن تجربة شخصية يعنى يكون معاك سيارة شارك وياريت بلاش اشاعات عن العربية اكثر من كده ولو فعلاً واحد من صيانة ميتسوبيشى قالك الكلام ده فهذا الشخص عار على صيانة ميتسوبيشى مفيش حد اشتكى من حساس البنزين وانا واحد من ملاك السيارة ولو حضرتك عاوز تتأكد اسأل الباشمهندس طارق ( مصراوى جداً )

مين المعرض اللى قالك كده لو المصريه يبقى مش جديد عليهم ....
وعلى العموم هى فعلا"سعرها قل بس مش اوى كده والسبب ان فيه مخزون كبير منها واللى موجود 2009 بس ولسه 2010 منزلتش واعتقد لو التوكيل هيجيبها يبقى هيجيب ال 2011 على طول ...