دلوقتي في فكره جتلي بصراحه من وحي مشكله زمايلنا ملاك الكيا الخليجي ومشكله عدم قبول التوكيل الصيانه او قبوله ليها بس بسعر اغلي من الطبيعي وده بصراحه ظلم جامد .
لاكن الحمدلله الاستاذ كريم قدر بمجهود مشكور بجد والله عليه بأذن الله انه يجتهد في حل اعتقد حل نسبه كبيره من المشكله بيه .
ده خلاني افكر في مشكلتي واعتقد مشكله اعضاء تانيين غيري يشاركوني فيها وهيه مش مشكله اكتر ما تكون هاجس نفسي عندي , دلوقتي انا عربيتي موديل 2007 و العربيه عامله 75000 كم يعني انا طلعت من الضمان بتاع الحج منصور من الناحيتين .
ففكرت هل من الممكن نطبق حاجه ذي اللي اتعملت في قسم كيا علينا او علي اي ماركه عربيه ظروفها مشابها لينا والملاك بتوعها مش عايزين يكملوا صيانات في الوكيل اما عشان اسعار الصيانه المبالغ فيه او عدم ثقه في الوكيل وزياده في الاطمئنان وخصوصا ان موديلات عربيتنا تعتبر حديثه مقارنه بماركات تانيه الضمان بتاعها مدته اطول سنين وكيلومتر وده من مزايا التوكيلات التانيه .
طبعا عربيتنا مش جديده وممكن تكون حصلت فيها مشاكل واصحابها حلوها سواء داخل الوكيل او بمجهودات شخصيه منهم فممكن المركز يعمل فحص شامل للعربيه ويحدد الاجزاء اللي يغطي فيها ضمان العربيه حسب حالتها نظير مبلغ مناسب والتزام المالك بأجراء الصيانات الدوريه ليها في مواعيد يتم تحديده بالتوافق مع بعض وده طبعا حيعزز من كفائه العربيه والواحد يستفاد انه بيعمل الصيانه مع ناس فهمه بسعر مناسب ويكون مطمن علي العربيه .
ياريت تقولولي رايكم في الموضوع ده وهل فيه مقترحات اضافيه تعزز الموضوع .