يعني ايه الكلام اللي بيتقال ان توكيل رينو توكيل محترم ؟؟؟؟ صيانة 15000
يعني احجز بالتليفون وآخذ رقم حجز بالوقت بتاعه واتصل اعدله مرتين وعادي عشان مشغول جدا
يعني اروح العبور الناس مبتسمه والامور هادية
يعني اسلم العربية للمهندس
اول كلمة قلتها له : مش ناويين تحننوا قلبكوا علينا وتركبوا مجموعة البريك ؟
قاللي بس حتقعد العربية لحاد الساعة خمسة (والساعة كانت عشرة)
ولا مناهدة ان فيه حاجه اسمها مجموعة البريك لأ مفيش, ولا حتى طلبت الموضوع بالحاح مثلا
واضح ان القطعة لما بتكون موجودة بيركبوها على طول
انا: طب فيه حاجه ممكن توصلني بره عشان عندي مشاوير
مهندس أحمد: ايوه يا فندم باص رينو حيتحرك كمان نص ساعة , هات نمرة حضرتك وخد نمرتي واي حاجه بخصوص العربية حكلمك على طول
أنا: ممكن بالمرة تعملوا تشيك على التكييف ورجلاش على فرامل اليد ؟؟؟
مهندس احمد : ممكن يا فندم
يعني اكون بتكلم في التليفون بسماعة البلوتوث جوا القاعة الازاز بتاعة الانتظار والاقي رقم المهندس بيتكلم على waiting رغم انه على بعد 10 متر مني في نفس القاعة
ولما اروح له بيقولي أنا اسف مرضيتش اقطع عليك المكالمة فكلمتك عشان تظهر على الويتنج عندك :L_bhuhhh[1]::L_bhuhhh[1]:
الباص جاهز !!!!
يعني باص رينو يتحرك بيا لوحدي من العبور لغاية صلاح سالم عشان اعمل مشاويري
يعني ارجع الساعة 4 للعبور اسال على العربية الاقيها مش موجودة على اللستة في شاشة الكمبيوتر اللي عاملة زي المطار بتوريلك status بتاعة العربية اولا باول
ولما اسال عليها يقولولي اصل الحلوة بتستحمى عشان الشغل اللي فيها خلص
يعني العربية تخرج متلمعه ومفيهاش شحماية واحدة من بره او من جوا رغم ان الفتيس اتفك
يعني اشوف التكييف والاقي الناس عملت فيه معجزة
التكيييف اصلا انا كنت بقول عليه ممتاز عشان عمري ما عليته على 2
وقلت لهم اصلا شيكوا على التكييف عشان بس الصيف وبصراحة بتلكك
ايه اللي هما عملوه انا مش فاهم
التكييف سرعاته لا تقارن بالاول لدرجة ان السرعة الرابعة ممكن تطير شعرك :C_laugh[1]::C_laugh[1]:
يعني الاقي الفرامل اتعمل لها رجلاش وواقفة مكلبشة في الارض والعفشة اتربطت والعربية عاملة زي ما تكون حته واحده
يعني الاقي المفاجأة الكبرى: مجموعة البريك اتركبت والغيارات بقت زي الناس الطبيعية
لدرجة اني لحاد دلوقتي ساعات بجيب حركة الخامس الاول وبعدين المارشدير برضه (معلش فلح بقى)
يعني بعد كل الموضوع ده مدفعتش جنيه واحد دخلت اخدت التصريح وطلعت بالعربية
وانا في دماغي
العربية رينو لوجان الآن لا توجد بها عيوب بالنسبة لي على الاطلاق
توكيل رينو من افضل توكيلات مصر احتراما :S_thum1[1]::S_thum1[1]::S_thum1[1]:
