مؤشر الحرارة

**kimoo2002** · 28-05-2010 01:43 AM

السلام عليكم
والله عندى مشكلة غريبة شوية وهى انى لما بكون فمصر وبلف طول اليوم بلاقى مؤشر الحرارة على على اخر حاجة فالتبلوة والمراوح مش بتشتغل لما بخبط على التبلوة المؤشر بينزل تانى على الوضع الطبيعى اطفى وادور الاقى المراوح اشتغلت الموضوع دة حصل معايا مرتين امس ومن اسبوع وامس المراوح شغالة والمؤشر على على الاخر خبطت على التبلوة المؤشر رجع مكانة ياترى العيب من اية ؟
بكون مشغل التكييف
طول النهار لف من الساعة 7 الصبح لحوالى 8 بليل على مبكون روحت طنطا

**samirayad** · 28-05-2010 09:05 AM

راجع على توصيلات تابلوه العدادت وجرب

ثبت آداء المؤشر .........يبقى كويس

مفيش فايده برضه .....يبقى المؤشر بدأت حالته فى التدهور

**kimoo2002** · 29-05-2010 01:08 AM

المشاركة الأصلية كتبت بواسطة samirayad

راجع على توصيلات تابلوه العدادت وجرب

ثبت آداء المؤشر .........يبقى كويس

مفيش فايده برضه .....يبقى المؤشر بدأت حالته فى التدهور

والله كنت متوقع ان حضرتك اول من سيرد على استفسارى اولا بشكر حضرتك جدا على سرعة الرد
ثانيا اليوم كنت فمشوار جيت ادور لقتها قطعت خالص زقيت تدور بس امسك فرامل تبطل تانى كان معايا الوصلة فالشنطة دورت من عربية تانية دارت على طول طلعت على الكهربائى قاس الشحن لقى الدينمو تمام والبطارية ضايعة طلعت على بتاع البطاريات قاس البطارية لقاها ضايعة غيرتها بواحدة اماراتى نازلة جديدة ثمنها 350 جنية 70 امبير وخد بتاعتى ب 50 جنية المهم وكلة تمام
فبعمل ايدل ليرن علشان البطارية كانت اتفصلت خالص لقيت حصل الاتى
مؤشر الحرارة طلع لفوق لفوق ولحد موصل للناحية التانية تقلشى عدى البحر ولا امبلش
المهم ادور وابطل وادور وابطل نزل لمكانة وكل دى والمراوح تشتغل وتبطل عادى وبعد كدة طلع تانى ومش عامل حساب لحد اخبط علية بعد شوية من الخبط نزل لوضعة تانى جريت على الميكانيكى بتاعى قالى ان مؤشر الحرارة فالتبلوة هوة الى بايظ المهم انا عندى طبلوة عدادات كامل كنت شارية وواخد منة عداد السرعة فهجرب اخد منة عداد الحرارة وقالى ان لو الحرارة بتزيد مش هتلحق توصل للاحمر الا وتعمل فضايح وتدخن وتلم عليك الناس وحتى لما ببطل العربية مؤشر الحرارة مش بينزل بيتنية ينزل ببطء تاريبا فهل دة كدة يكون بايظ ولا هوة دى الصح اصلى ناسى شكلة كان ازاى وهوة سليم

**samirayad** · 29-05-2010 01:27 AM

أسمع كلام الميكانيكى ده

واضح أنه راجل فاهم

**kimoo2002** · 29-05-2010 01:51 AM

المشاركة الأصلية كتبت بواسطة samirayad

أسمع كلام الميكانيكى ده

واضح أنه راجل فاهم

مابالك هوة فاهم علشان شاف الوضع بعنية والعربية مش بعمل فيها حاجة الا عندة
يبقى ماشاء الله على حضرتك استاذ

على رائ وديع ومن الشرح بس
ربنا يسدد خطاك ويباركلك ياباشمهندس

**samirayad** · 29-05-2010 08:11 AM

الله يخليك يامحمد

وربنا يهيىء لك الخير

**mummy_47** · 30-05-2010 12:01 PM

بمناسبة مؤشر الحرارة...انا خصلي حاجة امبارع على الطريق الدائري..قلت احكيلكم عليها عشان الكل يستفيد....وانا ماشي عادي امبارح رايح مشوار على الطريق الدائري..فجأة لقيت المؤشر على ال h فرحت على طول واقف يمين وفتحت الكبوت لقيت العربية مدخنة على الاخر..والكوعة اللي عند الخرطوم اللي فوق مكسورة..الكوعة ديه عبارة عن جزئين من الفبر مكبوسن في بعض مش ملحومين وبيبقى جواها حساس الميه اللي بيفتح ويقفل حسب درجة الحرارة...المهم انا تصلت بالميكانيكي ولصمنهاها وزودت ميه ومشيت بالعربية لحد الورشة وقالي انا ممكن اركبلك واحدة المونيوم افضل عشان تنساها خالص...فتا لقيت كلامه صح..لاني شفت القطعة الاصلية انها فبر وممكن يحصل فيها نفس الي حصل في القديمة....المهم ركبت الالمونيوم من غير حساس الميه..وفعلا العربية بقى ادائها افضل بمعنى ان وانا ماشي على سرعة عالية وانا الهواء بيخبط في العربية الحرارة بتقل بعض الشئ وقبل كده مكنتش بتتاثر نهائي...فهمت بعد كده انا الحساس ده معمول للبلاد الباردة عشان العهربية تسخن بسرعة يعني وظيفته انه يخلي العربية عند درجة حرارة معينة لاتقل ولا تزيد ....يغني بيقفل الميه عن الموتور لما العربية تكون باردة ويفتح الميه لما العربية تكون سخنة....

وديه تجربتي وفي انتظار راي مهندس سمير

تحياتي
محمد

**MMamdouh** · 30-05-2010 12:27 PM

الغاء الترموستات غلط... العربية حتغلبك جدا فى الشتا

MMamdouh

**MMamdouh** · 30-05-2010 01:22 PM

هى فعلا الكوعة الفبر دى ضعيفة و ناس كتير واجهت المشكلة دى... انت ممكن تخللى معاك كوعة احتياطى و جركن مية بس دة مش حل واقعى... الحل الواقعى هو تبديل الكوعة بواحدة الومنيوم

MMamdouh