ايه افضل موتور ل 128

**disha_2020** · 28-05-2010 01:24 AM

يا جماعه انا ناوى اجيب 128 ايطالى العاده وكنت عاوزا عرف ايه احسن موتور لى العربيه دى يتسقطلها يعنى و هيكلفنى اد ايه

**yuyu0000yuyu** · 28-05-2010 01:30 AM

احسن موتور ميبهدلش الشاسه هو 1.3 لانشيا 75 حصان وفى منه مكيف وده سعره فى حدود 1500 تقريبا بس طبعا محتاجه للتقويات المعروفع شدادات فوق وتحت وطب رصاص وكده

**khaled_rafea** · 28-05-2010 01:31 AM

الريجاتا ال 1500, بس حتحتاج تعديلات فى الشاسية

**yoko** · 28-05-2010 01:32 AM

أفجر موتور ممكن يركب بس محتاج تعديل وحد فاهم أونو تربو وجيب ال٢٢٠كم\س مستريح!!!

**bassem.naguib** · 28-05-2010 01:50 AM

المشاركة الأصلية كتبت بواسطة khaled_rafea

الريجاتا ال 1500, بس حتحتاج تعديلات فى الشاسية

المشاركة الأصلية كتبت بواسطة yoko

أفجر موتور ممكن يركب بس محتاج تعديل وحد فاهم أونو تربو وجيب ال٢٢٠كم\س مستريح!!!

مع احترامي الشديد لأرائكم 128 مش حتستحمل الكلام ده .. رحم الله أمرء عرف قدر نفسه .. لا شاسيه ولا حوض ولا أي حاجة ممكن تتخيلها تستحمل قوة المواتير دي ولا السرعة دي .

كل عربية وليها تصميمها ومحسوب ليها أيه المواتير والعفشة والفرامل ... إلخ المناسبة ليها .

**yoko** · 28-05-2010 01:53 AM

المشاركة الأصلية كتبت بواسطة ziabassem

مع احترامي الشديد لأرائكم :zb_sor1[1]: 128 مش حتستحمل الكلام ده .. رحم الله أمرء عرف قدر نفسه .. لا شاسيه ولا حوض ولا أي حاجة ممكن تتخيلها تستحمل قوة المواتير دي ولا السرعة دي .

كل عربية وليها تصميمها ومحسوب ليها أيه المواتير والعفشة والفرامل ... إلخ المناسبة ليها .

أيوه لكن لو مستعد تصرف ممكن تعمل فيها كل الي إنت عاوزة ومن غير ما تفتح شاسيه وتكون ثابته وفرامل تحفه بس لازم الواحد يكون فاهم هو بيعمل إيه

**bassem.naguib** · 28-05-2010 01:56 AM

المشاركة الأصلية كتبت بواسطة yuyu0000yuyu

احسن موتور ميبهدلش الشاسه هو 1.3 لانشيا 75 حصان وفى منه مكيف وده سعره فى حدود 1500 تقريبا بس طبعا محتاجه للتقويات المعروفع شدادات فوق وتحت وطب رصاص وكده

أوافقك في الرأي في موتور اللانشيا 1300 .. بس مش لازم تقويات وشدادات والكلام ده .. لأن أساساً ال 128 فيها مواتير 1300 ابتداء من موديل سنة 1988 .

أنا مبرجحش فكرة التكييف دي ولو بفرض ركبنا تكييف .. حتقدر تحل مشكلة أنها ممكن يكون فيها تسريبات للهوا جوا الصالون ازاي .. دي بتبقى نازلة فبريكة موديل السنة .. وبحس أنها مفتحة من كل حته .

**bassem.naguib** · 28-05-2010 02:20 AM

المشاركة الأصلية كتبت بواسطة yoko

أيوه لكن لو مستعد تصرف ممكن تعمل فيها كل الي إنت عاوزة ومن غير ما تفتح شاسيه وتكون ثابته وفرامل تحفه بس لازم الواحد يكون فاهم هو بيعمل إيه

بص يا أحمد (اعذرني أني بقولك أحمد من غير أي القاب .. وده راجع لتقدير لشخصك كأني أعرفك بالظبط) العملية مش مصاريف وبس .. العملية اقتصادية بحتة .. بمعنى أني حصرف أد أيه في مقابل أيه وفي الأخر أيه الاستفادة والجدوى اللي حتعود عليا .

متفق معاك أنك حتصرف علشان تظبط الحاجات دي .. وحتصرف كتير كمان .. وذلك في مقابل أني حاخد أداء عالي .. بس تعالى بقى للواقع العملي أو الفعلي وأمشي معايا واحدة واحدة .. أنت حتعمل تقويات في الحوض والشاسية ولو التقويات دي متعملتش بشكل احترافي عالي عمرها ما حتديك اللي أنت عاوزة .. يعني فيه مخاطرة ومجازفة ان شغل التقويات ده ميقعدش كتير أو على أقل تقدير ميكونش مناسب ومش حيستحمل الموتور اللي حيتسقط .

نقطة تانية أنا حصرف كام وعلى حاجة تستاهل ولا لآه .. ما تخلينا صرحة مع بعض شوية .. ما اللي راكب 128 (وأنا واحد منهم) لو معاه فلوس أنا رأيي بدل ما يظبط العربية ويعمل تقويات والكلام ده يبيع العربية ويكمل عليها ويجيب حاجة أحسن شوية تديله الأداء اللي هو عاوزه ..وفي الأخر لو جه باع العربية حيقولك مش عارف راشه أيه وعامله أيه .. وأنت عارف الثقافة المتبعة في مصر .. علشان كدة بقول يجيب الموتور المناسب .. والله العظيم أنا لا أقصد أي إساءة لمالكي 128 بكلامي ده .. ودول ناس على دماغي من فوق .

تيجي تقولي بقى أصل فيه ناس غاوية تسقيط وتعديل والحوارات دي .. دي بقى قصة تانية وعلى ما اعتقد الأخ الفاضل صاحب الموضوع ميقصدش كدة .. أو على الأقل ده اللي أنا فهمته .. تحياتي

الموضوع: ايه افضل موتور ل 128

LinkBack

أدوات الموضوع

عرض

-

-

-

-

-

-

المواضيع المتشابهه

افضل زيت موتور

افضل زيت موتور للجين ؟؟؟؟؟؟؟؟؟؟؟؟

افضل نوع زيت موتور ايه......؟

موتور افضل للدايو

افضل زيت موتور

الكلمات الدلالية لهذا الموضوع

المفضلات

المفضلات

ضوابط المشاركة