تابلوة الريجاتا

**hossam_nasr** · 28-05-2010 01:45 AM

عندى التابلوة كان متشرخ و خلعته و صلحته بس المشكلة ان الكهربائى لما فك العدادات معرف يرجعها تانى و مفيش فيه اي حاجة شغالة و المشكلة التانية ان السمكرى و هوه شغال ولعت منه حتة فالتابلوه اللى فيها علبة الفيوزات و لما رحت للكهربائى قالى حاخد 700 جنية و اشغلك كل حاجة بس طبعا معرفش يشغل غير الانوار بس لكن التابلوه مات و مش عارف اعمل اية
فلو اى حد يعرف اى تابلوه يركب على الريجاتا يبقى عمل فيا معروف جامد اوى لان تابلوه الريجاتا غالى اوى
معلش طولت عليكم

**mahmoodallam** · 28-05-2010 03:15 AM

شوف تابلوه الريتمو
شوف الموضوع ده كده
http://www.nilemotors.net/Nile/86131-a.html

**sandras** · 28-05-2010 10:30 PM

إنزل عزبة شلبي وهات تابلوه جديد ممكن تجيبه كله بالعدادات وصندوق الفيوزات ب600 جنيه ولما تجيبه ممكن أقولك على كهربائي ممتاز في شبرا

**mahmoodallam** · 29-05-2010 09:13 PM

المشاركة الأصلية كتبت بواسطة sandras

إنزل عزبة شلبي وهات تابلوه جديد ممكن تجيبه كله بالعدادات وصندوق الفيوزات ب600 جنيه ولما تجيبه ممكن أقولك على كهربائي ممتاز في شبرا

يا ريت تقولنا عالتاجر قبل ما تقولنا عالكهربائي .
أنا دخت في عزبة شلبي على تابلوه ما كانش اقل من 1500

**khaled_yassin** · 29-05-2010 11:36 PM

هل من الممكن تركيب تابلوه لاى عربيه تانية غير الريتمو او الشاهين على الريجاتا ؟
مثلا اللانسر الكريستاله او الاكسيل او الكروولا او حتى اللانوس وكلها عربيات مكيفة وشكله شيك شوية او فكره تانيه

ايه رايكو واحد يفصل تابلووه شكلة حلو وكويس كده وشيك زى بتاع عربيات اليومين دول خشب او حتى فيبر ويكون تفصيل على مزاجك برجاء الافادة

**magyver** · 30-05-2010 03:13 AM

يعني اية الكهربائي لما فك لاعدادات معرفش يركبها تااني
ازااي يعني
مش انت موديهاالو شغاالة

**hossam_nasr** · 30-05-2010 11:55 AM

شكرا على الردود و الاهتمام
الكهربائى معرفش يشغل العدادات لانه غير الدفيرة و باين عليه اشتغلنى و اخر الموضوع انى اتخانقت معاه و قللت من فلوس المصنعية بس طبعا التابلوه خلاص الله يرحمه

**hossam_nasr** · 30-05-2010 12:13 PM

محدش يعرف ادور فين فى اسكندرية

وعايز كهربائى كويس
جزاكم الله خيرا

**AMA** · 30-05-2010 07:16 PM

يا جماعة دا الناس بتركب تابلوه أوبل كورسا على فيات 128 و بالعدادات كمان (دا غير أنواع كتيرة جدا بيتركبلها تابلوهات غير التابلوه بتاعها)

يبقى أزاى تابلوه نفس موديل العربيه و عدادات نفس عدادات العربيه و الكهربائى مش عارف يعملها

**hossam_nasr** · 31-05-2010 02:30 PM

النهاردة نزلت الفرهدة و صلاح الدين في اسكندرية
لقيت تابلوه ريتمو ب 800 جنيةةةةةةةة
و كمان مرضاش يوريهولي و قالي هات الكهربائي الاول طبعا سيبته و مشيت
ولقيت تابلوه ريجاتا بس اية حتة جتوه و معاه علبة الفيوزات و الكبلات و الكمبيوتر بتاعه بيقول شغال بس ب 1500 جنية
قولولي اية الحل

الموضوع: تابلوة الريجاتا

LinkBack

أدوات الموضوع

عرض

-

-

-

-

-

المواضيع المتشابهه

حد يعرف ملمع تابلوة ماركة محترمة علشان عايز اللمع تابلوة ميجى

تابلوة البورا

تابلوة اليارس

ينفع اغير تابلوة سيات133الى تابلوة 128؟؟

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة