| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 12 1 2 3 4 5 6 11 ... الأخيرةالأخيرة
النتائج 1 إلى 10 من 116

  1. #1

    الصورة الرمزية ابو ليلى

    رقم العضوية : 61530

    تاريخ التسجيل : 09Feb2010

    المشاركات : 5,916

    النوع : ذكر

    الاقامة : EL Haram

    السيارة: no

    السيارة[2]: kia new cerato 2010

    دراجة بخارية: no

    الحالة : ابو ليلى غير متواجد حالياً

    افتراضي اخطر مشكلة فى السيراتو وحلها مع بائعه البخور - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته


    كما نوهت سابقا انى ساكتب عن المشكلة التى حدثت لى وتم اكتشفها فى مركز صيانة تكنو وان ولمن لا يعرف السيارة كيا سيراتو 2010خليجى سعودى

    نبدا من اعارض المشكلة .

    1 – الrpm بيكون على 4000 وانا على سرعه 100ك 5000 على سرعه 120 ك

    2 – تكون هناك رجه فى مرحلة نقل الفتيس الاوتوماتك من الd الى p العكس ايضا .

    3 – بطى شديد فى مرحلة السلانسيه الاولى

    4 – استهلاك بنزين عالى جدا

    سالت هنا فى المنتدى وكتبت اعارض المشكلة كما يوضح الينكات التالية
    http://www.nilemotors.net/Nile/138806-a.html

    http://www.nilemotors.net/Nile/147545-a.html

    ملحوظة / لا اعرف بالظبط متى بدات المشكلة هل من بداية استلام السيارة او من بعد ذلك ولكن تم عمل صيانة الالف فى التوكيل ولم يكن هناك اى ملحوظه منهم والطبيعى ان يتم ادخال جهاز كشف الاعطال معنى ذلك ان السيارة كانت من البداية سليمة او لم يدخل عليها جهاز كشف الاعطال فى التوكيل ....لا اعلم .

    فى البداية لم اكن اعرف هل السيارة هذا وضعها الطبيعى ام مختلفه لانى لم اكن اركب سيارة اتوماتك الا قليلا لانى كنت راكب مانوال. السيارة كما تعلمون فيها الستيبترونك ولم استخدمه مطلقا من البداية وحتى عندما استخدمته بعد ذلك لم اكن اعلم انه بيكون فى ارقام الغيارات على الشاشة

    من 10 ايام تقريبا كنت بتكلم مع عضو معانا هنا ( محمد حمدى ) عن المشكلة قال بص على الغيار فى الشاشة وانت ماشى وفعلا اخيرة شفت بعد 3200ك من شراء السيارة شفت الشاشة وكانت على الغيار 3 من وضع الثبات ومشيت وهو مازل على وضع الغيار 3 . ما معنى ذلك ؟

    السيارة بتمشى على غيار واحد فقط وهو التالت حتى بعد سرعه 120 ك على الغيار التالت ( من غير شتيمة والنبى ) سفرت الساحل الشمالى والعين السخنة وهى على الغيار التالت جبت ال 140ك وهى على الغيار التالت حوالى شهرين بالسيارة وتمشى على الغيار التالت ( كده بقو اشتمو برحتكو )

    اليوم الاول - الاثنين


    ذهبت الى تكنو وان لعرض المشكلة وتم دخول السيارة مباشرة بعد سماع المشكلة وكتابة امر الشغل وتم رفعها وادخال جهاز كشف الاعطال لمعرفه السبب







    وتم تحديد سبب المشكلة من خلال الجهاز وهى كما موضح بالصورة



    وده معناه فى عطل فى كنترول يونت الخاص بالفتيس تم اخبارى بالمشكلة من المهندس احمدالشحات وقال لا تقلق حصلت قبل ذلك فى سيارات الانترا والسيراتو وتم حلها ومن اجل معرفه دور الكنترول يونت فى هذا الشرح المبسط .



    بكل بساطه هو عباره عن كمبيوتر دقيق حبتين بيقوم بأستقبال الاشارات الاتيه منحساسات السياره والتى تعبر عن حالة السياره من سرعه وحمل ودرجة حراره ونسبةعادم..........الخ
    وتقوم بعمل عدة حسابات داخليه لكى تتخد قراراتها التى تناسبالمعطيات المرسله لها ..... وهو مسئول ايضا عن

    Engine Start-up mode.
    يعني و انا بدور العربية
    Engine Idling mode.
    حالةالسلنسيه او بمعني ادق سرعة دوران الموتور قليلة و انا مثلا واقف بالعربية بس مشغلالتكييف او و انا ماشي بس مش دايس بنزين
    Acceleration mode.
    في حالة انيبزود السرعة
    Deceleration mode.
    في حالة تقليل السرعة
    Variable engine speed mode.
    في حالة اني بغير في السرعة

    طيب والحل قال انه هنتصرف لا تقلق وهو مبتسم كالعاده اتفضل فى الاستراحه .
    يوجد خطوتين قبل الوصول الى الكنترول يونت يتم عملهم


    1 – مراجعه ضفيرة الكهربا والفيشة الواصلة للكنترول




    2 – مراجعه شريحه خاصة اسمها – مش فاكر ( تم تجربة شريحيتن )









    وايضا لازالت المشكلة قائمة يتبقى اخر شى وهو الكنترول يونت وتم تجربة كنترول اخر على السيارة ولكن لم تفلح لان عندى فى ( الاومبوليزر ) مانع تدوير السيارة الا من خلال مفتاحها فقط وتمت التجربة بعد نقل الاكود من الكنترول الخاص بى الى الكنترول الاخر ولم تفلح وتم ارجاع الوضع بعد ذلك كما كان ( سوفت وير خاص )

    تبقى المشكلة اننا محتاجين كنترول يناسب سيارتى لكى يتم التاكد تماما من انه سبب العطل ولكن لا يوجد كنترول يناسب سيارتى
    ما معنى ذلك ؟؟؟

    المعنى واضح يوجد عيب صناعه فى الكنترول ولا بد من تغيره !!!!!!!
    العربية 3200 ك من يوم 28/2 واتضح انه فى عيب صناعه.

    بكام طيب الكنترول ده لا غالى ايوة غالى كام يعنى ( انا قلت 500 او 600 ج) ورد وقال ب 12000 الف جنيه ( فقط اثنى عشر الف جنيها مصريا لاغير )

    سالنى هى ليها ضمان خليجى قلتله لا

    (فاكرين فيلم العار لما قله بقى فى حد يحط مخدارت فى صفايح ويحطها فى الملاحه ) نفس المشهد افتكرته
    تنحت وسمعت قلبى هو بيدق والجو سخن مرة واحده المهندس احمد الشحات قلى متقلقش هنحلها ولا هتغير ولا حاجه وكان معانا المهندس احمد عبد الجواد
    وده شخصية محترمه جدا ( قعد فى كوريا فى مصانع تويوتا 10 سنين بيتكلم انجليزى وفرنساوى )

    رحنا عند عبقرى الحرافين اشمه المهندس الهامى الى بيصلح الكنترولات وانا معاهم عارفين الساعه كانت كام 11.3 باليل وانا موجود من الساعه 11 صباحا كل ده والمهندس احمد الشحات معايا قلنله ايه الاخبار العملية منفعتش قال الوقت اتاخر مش هينفع المهندس الهامى يعمل حاجه دلوقتى بكرة ان شاء الله .ورجه وقله المهندس احمد الشحات قله انه شاكك فى بنه ( حاجه كده زى البنات اللى بتبقى فى الهارد ديسك ) قله البنه دى رقمها 19 راح المهندس الهامى قاله طيب هات وكشف عليها قاله انا شاكك ان فى ic بايظ بس ده بنسبة ضعيفه جدا حوالى 2 % بكرة نشوفه طيب والحل لو متصلحش اقترح اننا نجيب كنترول الانترا ونزل وننقل عليه السوفت والاكودا من كنترول السيراتو

    طيب هينفع قال ايوة بس بشرط لاازم يكون فيه الستيبترونك زى عربيتى
    ومشينا رجعنا المركز وانا مسهم مش فاهم اى حاجه ومش شايف قدامى وهريت المهندس احمد الشحات اسئله وهو يرد ويشرح وبرضه مش فاهم لانى وقتها مكنتش عاوز افهم غير حاجه وحده بس ايه السبب وكان الرد بعد ما زهقته............ ان حظى وحش
    وقال ان المفروض ان العربية كده على الوضع الامان ( سيف مود ) يعنى لحد ما توصلك الى مركز الصيانة بس ومكنش ينفع تمشى بيها كده

    من البداية وهو عارف انه عيب كنترول بس قلى كنا لاازم نجرب كل حاجه علشان نتاكد وصمم انو يروحنى بنفسه فى عربيته الساعة كانت 12.3 باليل وقلى حماتى عندكو فى فيصل هعدى عليها علشان عندها الولاد وهو ساكن فى العبور ومكنش ناوى يروح من الاساس بس راح علشان يوصلنى

    اتفقت معاه اننا هنجرب نصلح العطل اللى فى الكنترول
    ( ic ) منفعش هاخد العربية وامشى وابقى اعرضها فى مكان تانى علشان اتاكد... قلى انا متاكد وبرضه اللى انت عاوزه اعمله . واتفقنا انى هاجى بكرة نشوف الموضوع .

    اليوم التانى - الثلاثاء

    رحت المركز على الساعة 1 وكان المفروض المهندس احمد عبد الجواد ياخد اجازة بس المهندس احمد الشحات قله مافيش اجازة غير لما العربية تتصلح وفعلا رحت لقيته ....وقلى انا جى علشانك انت بس ومكنش لابس هدوم الشغل وقالى المهندس الهامى اللى هنروحله بيجى الساعه 5 مساء وقعدت منتظر وانا متسمك باخر امل .

    الوقت بيمر بالعافية وانا ولا اكلت حاجه من امبارح رحت اتغديت مع عضو كان هناك وقتها علشان عنده مشكلة فى عربيته ( هو هيكتب موضوع عن مشكلته ) .. ....
    رحنا بالعربية المرة دى عند المهندس الهامى اللى بيصلح الكنترول وده بالمناسبة بيفك اى كود عربية وساعات بتجيله عربيات من الجمرك مش عارفين يدورها علشان الاكود وهو خبير ومشهور انه عبقرى لانه شاب صغير حوالى 26سنة .
    عمل ال ( ic )وقال نجرب بعدها ....العربية مدرتش من الاساس ( يا نهار ابيض فى ايه ) ياخد الكنترول ويرجع تانى ندور ابدا العربية مش راضيه تدور ( يا نهار اسود فى ايه ) 6 مرات نفس الشى وانا خلاص مافيش اعصاب وقربت اقع من طولى

    اخر مرة قال لاازم العربية تكون فى وضع التموير لمده ساعه كاملة
    انا كان عندى مشكلة واحده بقو اتنين والمهندس الهامى بقى يستغرب ويقول اول مرة تحصل معايا واخيرا ركب جهاز كشف الاعطال والنتيجة ان العربية مش راضيه تدور علشان الامبوليزر ومعنى كده ان الكنترول سقط منه الكود بسبب تغير ال ic والعربية مش شايفه المفتاح طب والحل قلى اصبر الموضوع مش بالسهولة دى واخد ال vin ودخل قعد على الجهاز ونزل الكود بتاع العربية ( ازى ومنين معرفش ) وجه حاول يدخل الكود منفعش واليأس وصل الى المنتهى ودخل جو كل ده وانا لسه عايش وبحاول اخد نفسى دخلت جو العربية وانا مش مصدق انا فى حلم ولا ايه
    قريت كل اللى حفظه من القران .. وخرجت وكان المهندس احمد عبد الجواد راح يشوف كنترول يونت لعربيتى من مكان علشان نقدر ننقل ليه السوفت وعلى اساس ان مافيش امل فى كنترول عربيتى

    وانا واقف لقيت واحد من عند المهندس الهامى خرج وكان متابع معانا بس من بعيد حكيتله اللى حصل ....راح جاب الجهاز ورجع ودخل الكود الجديد قامت العربية دارت ......احمدك يارب
    وقالى بس كده هنحتاج المفتاح الاستين علشان محتاج يتكود ابقى هاته مرة تانيه قلت ماشى

    المهم اتحلت المشكلة الاولى نيجى بقى للمشكلة الرئسية ( الساعة 10 مساء ) نقدر كده نشوف المشكلة الاولى اتحلت ولا لا نشوف نلاقى العربية على الغيار التالت مافيش جديد ..... قلت فى سرى ( قدر الله وما شاء فعل )
    وجه المهندس احمد عبد الجواد وقال لفيت فى كل حته ولقيت كنترول ينفع لعربيتك.... بكام يا باشا 4000 ج وهنا جه المهندس احمد الشحات وطبعا هو كان متابع معانا اول باول بالتليفون وقلى مافيش حل غير اننا نغير الكنترول قلتلها مش هينفع طيب الحل التانى كنترول الانترا قال لا المهندس الهامى قلى كنترولى غير اللى فى الانترا قلتله طيب سيبنى اخد نفسى ودخلت قعدت فى المكتب

    دخلت عليا وانا لوحدى ست كبيرة ومعاه بخور والمكان بقى كله دخان رحت خارج بره وهى خارجه حطيت ايدى فى جيبى واخدت اللى فى النصيب وقالت

    ....... روح يبنى ربنا يستر طريقك

    ورحت عند المهندس احمد كان معاه 4 من المركز بتاعه جين معاه وقلى هتعمل ايه قلتله هاخد العربية وامشى ومش هغير الكنترول دلوقتى وهروح واللى فيه الخير يقدمه ربنا ....قال بس كده غلط الماتور ممكن يتحرق والجير بوكس يتحرق قلتله سيبها على الله

    حسابك كام يا بشمهندس قلى انا قلتلك من البدايه انا كان اهم حاجه عندى العربية تتصلح مش مشكلة فلوس ....قلتله يعنى ايه قالى خد عربيتك وروح وانا هروح توكيل كيا يوم الاحد واعرف ناس هناك علشان اشوف ايه مشكلتك دى
    قلته ازى بس العربية بقلها يومين وانتو بتعملو المستحيل والراجل كان اجازة وجبته مخصوص علشانى قلى روح .....طيب حتى حساب المهندس الهامى قلى مش هياخد اى حاجه ( عارفين علشان يفك او ينزل كود بكام 500 ج للمرة الواحده )
    قلتله انا مش عارف اقولك ايه حضنى وسبنى ومشى ومرضيش حتى انه يسمعنى .

    رحت عند العربية وانا مش عارف هروح ازاى


    دورت العربية وقلت اجرب اجيب الفتيس على المانول لقيتها جابت الغيار واحد قلت هتقلب دلوقتى ما هى عملتها اكتر من مرة يجى واحد وبعد كده فى اقل من ثانية يقلب على تلاته
    المرة دى مقلبتش فضلت على واحد مشيت وهى على واحد زودت لقيتها جابت اتنين.... فى ايه (انا صعبت عليكى ولا ايه ) العربية لقيتها بتسحب عن الاول فى السلانسيه قلت خير المهندس احمد كان قدامى علشان يوصلنى الى اول الدائرى اديته كللكس وقف قلته العربية بتجيب الغيارت وانا ماشى قلى طيب وزعلان ليه اتكل على الله طيب يعم نقف قلى روح وجرب ولو حصل حاجه كلمنى

    طلعت على الدائرى العربية بتجيب اول وتانى وتالت ورابع ..........واخدت نفس بقالى كتير مكنتش بحس بيه وفتحت شبابيك العربية كلها شمت الهوا والعربية بتجرى 100 ك وال rpm على 2.5 على 120 وال rpm على 2.7على 140 وrpm على 3.2

    ضحكت ....وقلت الله اكبر ....بصوت عالى
    وحسيت ان العربية فرحانه معايا عاوز تجرى وتجرى وتجرى وهى بتقولى انا السيراتو بس كنت بهزر معاك شويه
    وجه فى سرى سؤال امال اللى كنت عمال اقوله ده قوله فى مواضيعى عن العربية كان ايه اذا كان كانت مخنوقه وكنت بقول شعر امال دلوقتى هقول ايه !!!!!

    نزلت من العربية وانا بسال هو فى ايه ؟؟؟

    وافتكرت الست الكبيرة بتاعه البخور وهى بتقولى

    روح يابنى ربنا يستر طريقك


  2. #2

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    أرد الأول ..........

    كفاااااااارة

    هاقرا بقى بعد ماخدت شرف أول رد في الملحمة دي


  3. #3

    الصورة الرمزية 2faster

    رقم العضوية : 57300

    تاريخ التسجيل : 29Dec2009

    المشاركات : 1,045

    النوع : ذكر

    الاقامة : alex

    السيارة: F16 معدلة لـــF22

    السيارة[2]: bmw 316i coupe modified to m3 بأذن الله

    دراجة بخارية: yamaha R1 or R6 بأذن الله

    الحالة : 2faster غير متواجد حالياً

    افتراضي -

    ههههههههههههههههه


    انا قرائت الموضوع ومش لاقي تفسير غير كده


    روح يابني ربنا يستر طريقك


    المهم انتا عامل ايه دلوقتي
    والعربية تمااااااام

    والحمد لله

    [img2]http://www.zercustoms.com/news/images/BMW/2008-HR-BMW-M3-Coupe-3.jpg[/img2]
    soooooooooooooon


  4. #4

    الصورة الرمزية aly_hosny

    رقم العضوية : 26401

    تاريخ التسجيل : 28Nov2008

    المشاركات : 3,812

    النوع : ذكر

    الاقامة : Benha-Egypt

    السيارة: NA

    السيارة[2]: Chevy Lanos

    دراجة بخارية: NA

    الحالة : aly_hosny غير متواجد حالياً

    افتراضي -

    والله الموضوع اثر فيا
    قشعرت كدا وكنت بنفعل مع الاحداث
    اكيد حضرتك راجل محترم ونيتك صافية وربنا بيحبك عشان كدا العربية اتعدلت
    ربنا يحفظهالك


  5. #5

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    بس تعرف

    أنا لو اتسألت ..هاقول الناس دي هي اللي صلحت العربية

    لأن بعد اللي عملوه و كانت محاولات للتشخيص و الإصلاح ....العربية اتصلحت

    ممكن يكون العيب تم اصلاحه بدون تشخيص مباشر

    ممكن مجرد اعادة التكويد صلحت العطل

    المهم في النهاية

    ان أنا شايف ان المشكلة اتصلحت بعد مجهود كبير

    أنا لو مكانك ...كنت هانزل من العربية و اقول " ربنا جاب تعب الناس دي بفايدة" قبل ما أفكر في بياعة البخور

    وطبعا فضل الله هو قبل كل شيء

    ألف الف مبروك


  6. #6

    الصورة الرمزية M!SHO

    رقم العضوية : 50256

    تاريخ التسجيل : 18Oct2009

    المشاركات : 1,697

    النوع : ذكر

    الاقامة : .

    السيارة: .

    السيارة[2]: .

    دراجة بخارية: .

    الحالة : M!SHO غير متواجد حالياً

    افتراضي -

    انا تعايشت الموقف مع حضرتك لدرجت انى اتفاعلت معاه وانبسط زى محضرتك انبسط لما ربنا فرجها
    يا باشا ربنا يباركلك فيها ويديك كل خيرها ان شاء الله ....


  7. #7

    الصورة الرمزية ابو ليلى

    رقم العضوية : 61530

    تاريخ التسجيل : 09Feb2010

    المشاركات : 5,916

    النوع : ذكر

    الاقامة : EL Haram

    السيارة: no

    السيارة[2]: kia new cerato 2010

    دراجة بخارية: no

    الحالة : ابو ليلى غير متواجد حالياً

    افتراضي -

    اقتباس المشاركة الأصلية كتبت بواسطة ahmed samy مشاهدة المشاركة
    أرد الأول ..........

    كفاااااااارة

    هاقرا بقى بعد ماخدت شرف أول رد في الملحمة دي

    هههههههههههه حبيبى يا د / احمد مش ممكن انا لسه يدوبك بفتح الصفحة الرئيسية بعد ما نزلت الموضوع على طول لقيتك رديت

    انت كنت مستخبى فى الدرة ولا ايه

    كل الشكر لكل اللى كان معايا فى المركز وفعلا كانو فى قمة القلق زى واكتر ومن خلال المتابعه حتى بالتليفون بعد ما سبونى .
    د / احمد سامى بجد صديق غالى واستحالة افرض فيك
    محمد حمدى - مسبنيش لحظه متابع معايا بالتليفون فى كل وقت .
    الزواوى - بجد اطيب قلب شفته وكان عنده استعداد انى اخد الكنترول اللى فى عربيته علشان اجربه عندى بس منفعش علشان هو سمارت كى ( ربنا يكرمه ويحل مشكلته على خير )
    عمرو عبد السلام - حسيت انه كان هيطير من الفرحه لما عرف ان المشكلة اتحلت .
    محمد الجيزى - كلمنى ومعرفش جاب رقمى منين وكان قلقان جدا عليا

    واخيرا الاستاذ / كريم منير كان معايا على التليفون لحد الساعه 1 باليل فى اول يوم وربنا يكرمه عرف ان المشكلة اتحلت كان فى قمة السعادة ( عملت اللى قلتى عليه )

    دول اللى كانو شايلين همى وبيهونو عليا ربنا يكرمكم ويجعله فى ميزان حسناتكم يارب


  8. #8

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    حمد لله على سلامة السيراتو الجميلة يا أبو ليلى ... مبروك التصليح
    ربنا يبارك لك فيها

    بجد عجبني اوي سردك للقصة ... خصوصاً .... انا السيراتو .. بس كنت بهزر معاك

    تحياتي :)


  9. #9

    الصورة الرمزية hishammb

    رقم العضوية : 32836

    تاريخ التسجيل : 13Feb2009

    المشاركات : 386

    النوع : ذكر

    الاقامة : Alexandria

    السيارة: Optra 2010

    السيارة[2]: Opel Corsa 2004

    الحالة : hishammb غير متواجد حالياً

    افتراضي -

    الف مبروك بس انا عيني دمعت من الحكايه بجد


  10. #10

    الصورة الرمزية ahmed_khalil

    رقم العضوية : 22312

    تاريخ التسجيل : 16Oct2008

    المشاركات : 1,163

    النوع : ذكر

    الاقامة : cairo..maadi

    السيارة: لايوجد

    السيارة[2]: Elantra 2007

    دراجة بخارية: no

    الحالة : ahmed_khalil غير متواجد حالياً

    افتراضي -

    hasad">

    مبروووك يا باشا :):):):):)

    الله يرحمك يا محمد جمعه



 
صفحة 1 من 12 1 2 3 4 5 6 11 ... الأخيرةالأخيرة

المواضيع المتشابهه

  1. مشكلة تيل فرامل اوكتافيا وحلها وتغيير زيت الفرامل
    بواسطة mezo73 في المنتدى زيوت وسوائل أخري
    مشاركات: 16
    آخر مشاركة: 22-09-2013, 03:41 PM
  2. مشكلة الحرارة وحلها
    بواسطة DESIGNER105 في المنتدى بــروتـــون
    مشاركات: 17
    آخر مشاركة: 06-11-2012, 02:28 AM
  3. تعرف علي اجود انواع البخور ((العود))
    بواسطة النوبي في المنتدى المنتــــــدى الاجتمــاعى
    مشاركات: 21
    آخر مشاركة: 22-06-2012, 05:35 AM
  4. اخطر مشكلة فى السيراتو - الجزء الثانى
    بواسطة ابو ليلى في المنتدى كـــــيا
    مشاركات: 75
    آخر مشاركة: 22-09-2010, 12:56 AM
  5. لما قلت اخطر مشكلة فى السيراتو ....كان عندى حق
    بواسطة ابو ليلى في المنتدى كـــــيا
    مشاركات: 93
    آخر مشاركة: 16-09-2010, 01:17 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2