زحام الطرق فى الاسكندرية

**zyadahmed** · 28-05-2010 03:01 AM

اللى عاش طفولته فى اسكندرية فى الثمانينات اكيد هايفتكر جمال المدينة ونظامها والنسبة والتناسب بين طرقها وعدد عربياتها لكن الوضع حاليا اصبح بجد لا يطاق تحولت الاسكندرية العروس الجميلة الى ارملة كئيبة وتحولت الطرق المنظمة الى سيرك كبير واصيبت شراين العروسة بجلطات وانسدادات واصيب صدرها بضيق نفس ووسطها بانتفاخات وتقلصات
وجاء الطبيب عبد السلام المحجوب بحلول سحرية ووصفات علاجية وعاد للمدينة رونقها ونظامها فى عهده القصير الطويل
حتى جاء خلفه فاضاع ما بدأه سلفه . وظهرت الكسور والحروق والتشوهات على وجه العروس وزادت التنقيبات والحفريات الاثرية فى طرق الاسكندرية الشرقية والغربية وانفجرت كل مواسير المدينة وتحطمت الارصفة البازلتية الجميلة

لابد من حلول لمشاكل الاسكندرية المرورية لان السكوت عليها اصبح غير منطقى وخصوصا مدخل محرم بك الذى اصبح الضغط عليه شديد بعد افتتاح المشاريع العملاقة التى تجتذب الاف السيارت يوميا فى مدخل الصحراوى مثل كارفور وداون تاون ومنتجعات لاجون واكاسيا وغيرهم بالاضافة لافواج المصطافين والزوار والمغامرين

حقيقى مدخل واحد لوسط البلد غير كافى ياريت نشوف بديل من الموقف الجديد لمحطة مصر بعيد عن محور محرم بك - قناة السويس يقلل الضغط شوية ياريت ننشط محور المحمودية المهمل ياريت اى حل من خبراء الهندسة بجامعة اسكندرية البلد بتموت بجد حررررام ...

**dode2002** · 28-05-2010 03:06 AM

والله عندك حق بس المشكله عامه في كل ارجاء مصر مش في الاسكندريه فقط

**zyadahmed** · 28-05-2010 03:15 AM

المشاركة الأصلية كتبت بواسطة dode2002

والله عندك حق بس المشكله عامه في كل ارجاء مصر مش في الاسكندريه فقط

معاك ان المشكلة عامة لكن اسكندرية ليها طبيعة خاصة لانها مدينة طولية شريطية تمتد بمحاذاة البحر بطول كبير وعرض بسيط ( مستطيلة يعنى ) والاخوة عندنا ركزوا كل خبراتهم فى طريق الكورنيش القاتل وطريق ابو قير ( الحرية ) ا الضيق المخنوق
محتاجين محاور جديدة مش خارج البلد زى السريع والدائرى لكن داخل المدينة وفى عمقها زى طريق المحمودية - محور ترام الرمل يشوفوا له حل - قطار ابو قير يحاولوا يستغلوه ويبقى مترو تحت الارض والسطحى يبقى طريق رائع
الحلول كتير بس التفكير والابداع قليل

**kemoelord** · 28-05-2010 03:26 AM

يا باشا شوف تخطيط البلد كلها اساسا عامل ازاي واذا كانت القاهره عامله زي السيرك القومي والملاهي هيهتموا بباقي المحافظات ؟!!!
والمشكله كلها والله راجع الى الاستثمار بدون تخطيط استراتيجي له ومادام المساله فيها فلوس ومصالح ومكاسب يبقى طظييييييييييين في التخطيط والزحام والقرف الي واحد بيشوفه , يعني عندك منطقه في القاهره اسمها مدينه نصر , المنطقه دي مش عاوز اقولك فاتح بين المول والمول "مول" , وكل كافيه ومحل ملابس ومطاعم فاتح بدل الفرع فرعين وتلاته حاجة تقرررررررررررررررررف وتخلف وعقم في التخطيط وجهل , وسمعت من مصادر ان الطين هيزداد بله بانهم ناووين يبنوا فندق ومول عند ارض المعارض على اساسا انها ناقصه زحام مش مكفيهم المعارض وقرفها والاستاد وقرفه , حسبي الله ونعم الوكيل

**mahamedaraby** · 28-05-2010 03:34 AM

انت فعلا عندكم فى اسكندريه الوضع غريب شويه يعنى بلاقى عماره 13 دور ادمها عمار 13 دور او اكتر فى شارع مايخدش عربيتن مع بعض طب ازاى مين اللى ساب الناس دى تبنى كده من غير تخطيط

**zyadahmed** · 28-05-2010 03:36 AM

كلنا فى الهم سوا والادارة المستهترة دى سمة فى كل المحافظات لكن للصبر حدود تعبنا
احنا بجد محتاجين وقفة احتجاجية زى اللى بينظمها الناس عند مجلس الشعب اللى هو الحزب الوطنى ( اللى هو الخصم والحكم )
ابسط حقوقنا الادمية تنظيم الطرق انا عشت فى الخليج فى قطر وشوفت هناك حلول سحرية وبامكانيات عادية نقدر نعملها وهاتوفر كتير من الاموال المهدرة على البنزين الضايع فى الاشارات والتوقفات والمشاكل الانسانية زى الاسعاف اللى مش بيعرف يعدى وممكن المريض يموت جواه والخناقات ووووووو حاجات كتير بسبب الزحام اللى هو بيئة خصبة للانفعال

**abogogo** · 28-05-2010 10:41 AM

انا عشت طفولتي في الاسكندرية في حي الازاريطة اوائل الثمانينات حتي اخرها فعلا الوضع اختلاف عن زمان كتير وللأسف للأسواء من ناحية النظافة والنظام والزحام ..... افتكر كنت أخد النصف فرانك وآجر مستعجلة وألف بيها اليوم كله في شوارع المنطقة كانت الشوارع متبلطة جرانيت ونظيفة غير الان حتى الجو نفسة اختلف عن زمان....... فعلا الموضوع عايز وقفه واعادت ترتيب اوراق بس للأسف الموضوع اصبح عام في جميع محافظات مصر ..... ولكي الله يا مصر

**DR.M** · 28-05-2010 12:48 PM

المشاركة الأصلية كتبت بواسطة mahamedaraby

انت فعلا عندكم فى اسكندريه الوضع غريب شويه يعنى بلاقى عماره 13 دور ادمها عمار 13 دور او اكتر فى شارع مايخدش عربيتن مع بعض طب ازاى مين اللى ساب الناس دى تبنى كده من غير تخطيط

ههههههههههه

**N.a.j.d** · 28-05-2010 04:25 PM

ربنا يصلح الحال دا

**AMA** · 28-05-2010 06:13 PM

الصيف جاى و هنشوف الزوار من كل المحافظات و المدن فى أسكندرية بيطيروا بعربياتهم دا غير زيادة الحوادث بسبب التعود على نوع معين من السواقة كل واحد أتعود عليها فى محافظتة أو بلده
دا غير البطيخ و الفراخ إلى بيترمى فى البحر هههههههههههههههههه
للأسف أسكندرية فى الصيف مش بتاعة أهلها (عايز تشوف أسكندرية على حق شوفها على البحر من أول أبو قير للأنفوشى لحظة الفجر و أتمتع بيها مع عدد قليل من الناس هتحس أنك فى أيطاليا أو رومانيا) لكن يعدى حوالى 5 ساعات و هتشوف وشوش الناس هتلاقى نفسك رجعت تانى أسكندرية

الموضوع: زحام الطرق فى الاسكندرية

LinkBack

أدوات الموضوع

عرض

زحام الطرق فى الاسكندرية - انشر الموضوع فى :

-

-

-

-

-

-

-

-

المواضيع المتشابهه

اقولكم حل جميل عند زحام السيارات

زحام وفوضي عند حديقة الاورمان

زحام وفوضي عند حديقة الاورمان

نظرية المؤامرة في زحام القاهرة

لنك لعبة تدربك على التخلص من زحام المرور

الكلمات الدلالية لهذا الموضوع

المفضلات

المفضلات

ضوابط المشاركة