5 تحقيقات NM بالصوت والصوره (والله صعب جدا تصدقوا)

**PAYOO** · 23-05-2007 09:37 AM

والله يا جماعه صعب جدا تصدقوا إللي أنا هاقولو لكم أنهارده

أحنا زي ما أنتم عارفين بنعمل لكم تحقيقات عن مايحدث في الطرق والشوارع وخلافه

واليوم بعد أن توجهت إلى نهاية طريق "الأوتوستراد" عند مساكن شيراتون قبل محطة تموين "كالتكس" عديت على المنحنى الأكثر خطرا في هذا الطريق المليئ بالمنحنيات وكنت قد عزمت أن أصور لكم فيديو الملف الصعب هذا (وللعلم هذا المنحنى قد أنقلبت عنده سيارتي البيجو وقتها عام 2000 والسياره)

وكنت قد عزمت ان أنقل لكم مدى خطورة هذا المنحنى وكم السيارات التي تنقلب عنده وكنت سوف أتوجه بعدها إلى نقط شرطة شيراتون لأصور لكم العدد المهول من السيارات المحطمه التي يتم نقلها إلى هذه النقطه

إلى هنا وكل شيء عادي جدا قمت وانا داخل السياره بتصوير المنحنى والحوائط المحطمه والسور الحديدي المتحطم من جراء تصادم السيارات به (وللعم هذا السور جديد هو الحائط)
وهذا هو الشريط [youtube]http://www.youtube.com/watch?v=bFG-MofYkhg[/youtube]

بعدها ركنت سيارتي جانب الطريق ونزلت لكي أرجع على قدمي وأصور لكم صور فوتوغرافيه عن قرب للحوائط المحطمه والسور المحطم(ولحد هنا والموضوع عادي برضه ما فيش حاجه غريبه)

طيب إيه إللي حصل يا عم بايوو ؟؟؟

إللي حصل وخلا تفكيري أتشل لمدة ثواني أني وأنا رايح أصور الحوائط المحطمه لقيت عربيه بوكس فورد (شرطه) في الملف بتطوح وها تتقلب ومن هول المنظر تفكيري وقف لثواني وبعدها رجعت ركزت بسرعه بعد ما ربنا ستر مع الولد إللي كان سايق البوكس وقدر يوقف العربيه بعد ما اتخبطط شمال ويمين في الرصيف والحمد لله ربنا ستر بعد ما العجلات الجنب الشمال أترفعت من على الأرض أكثر من متر

المهم غيرت وضع الكاميرا للفيديو بسرعه وحاولت أني ألحق أي حاجه لكن الموضوع عدى عليه ثواني لكن برضه صورت لكم إللي قدرت عليه هنا [youtube]http://www.youtube.com/watch?v=rRFYQD4C9b0[/youtube]

الغريب وإللي خلاني في قمة الدهشه أني نازل عشان أنقل لكم مدى سوء الحال الموجود عليه هذى المنحنى وألاقي فجأه حادثه بتحصل بسبب المنحنى إللي جاي أنقل لكم حاله وأكلمكم على كم الحوادث إللي بتحص من تحت راسه

أبقو قولولي بقى أنا مكشوف عني الحجاب وللا أيه ؟

**M_ElSabaa** · 23-05-2007 09:45 AM

والله مشكور على المجهود العظيم ده يا بايو والحمد لله انك كنت بعيد عن البوكس
هو فعلا الملف ده من اوحش الملفات الموجودة فى الطرق وربنا يسترها علينا كلنا

**وائل عطية** · 23-05-2007 09:46 AM

فعلاً المنحنى ده خطير جداً
ياأخي والغريبة إن فيه ناس بتاخده بسرعة شديدة جدا
ً

أبقو قولولي بقى أنا مكشوف عني الحجاب وللا أيه ؟

بركاتك يا مولانا !! :lol:

**إسلام شاهين** · 23-05-2007 09:53 AM

شكرا أستاذ بايو ............... مع تحياتي

**hazem_khidr** · 23-05-2007 09:57 AM

مكشوف عنك الحجاب دي شويه يا باشا :lol:
بصراحه قلبك دليلك

**PAYOO** · 23-05-2007 10:39 AM

وأدي أثبات تاني لقيته في الكاميرا بالصدفه

[youtube]http://www.youtube.com/watch?v=MW-dtKO3Kio[/youtube]

**MMamdouh** · 23-05-2007 11:18 AM

الملف مش غبى بس الناس هى اللى بتتعافى على الملف

اولا الطريق دة يعتبر داخل المدينة و بالتالى سرعتك القصوى المفروض متزيدش عن 60 كيلو و على السرعة دى معتقدش حتحصل مشكلة... يبقى ليه فى حوادث؟؟

لو بصيت قبل الملف حتلاقى مسافة كبيرة عبارة عن طريق مستقيم و اعتقد لنة منحدر لاسفل شوية يعنى مغرى للجرى... كمان المنطقة دى مشهورة ان فيها سباقات و شد و كدة فا دايما فى سرعات عالية فى المنطقة دى

تعالى بقى و انت داخل الملف دة على سرعة 100 او اكتر و تبداء تلف و الطريق مش مايل ناحية الشمال عشان يعادل ميل السيارة لليمين مع شوية مكبات صغيرة حتلاقى العربية بدات تعوم شوية... مش حقول لو دس فرامل لكن بس لو شلت رجلك من على البنزين حيبداء ضهر العربية يتزحلق و العربية حتحود لوحدها للشمال... اى رد فعل من السائق على الفرامل حا يسبب انزلاق كامل للسيارة و فقدان للسيطرة و غالبا حادث

يعنى الموضوع فى الاخر سرعة زائدة على طريق اخرة 60 كيلو بس... حتسالونى اشعرفك بكل القصة دى اقولكم انى حصلتلى شبة حادثة زى اللى ملحقش بايو يصورها فى 6 اكتوبر و كانت على اول ملف شمال بعد ميدان جهينة و انت خارج من اكتوبر... العربية لفت شمال و لمتها زيادة اوى لليمين فا لفت حوالين نفسها و كل سنة و انتم طيبين

الدروس المستفادة:

السرعة تعرضك للخطر (لا و شوفوا مين اللى بينصحكم) بس فعلا السرعة بتسبب خطورة كبيرة عليك و على الاخرين... اسال مجرب

هدى السرعة قبل المنحنيات... و بقول قبل لان مينفعش تفرمل فى وسط الملف... فى قاعدة عارفنها كويس سواقين السباقات بتقول متفرملش و انت بتلف ولا تلف و انت بتفرمل لان الفرملة مع الملفات بتخل باتزان العربية و تؤدى لفقد السيطرة... لما العربية لفت بيا عملت الغلطتين فى نفس الوقت لانى كنت ماشى 110 و حاولت اخد غرزة فى وسط الملف :roll:

الحل

لو حصلت حاجة زى كدة لا قدر الله متحاولش تفرمل بعنف... الفرملة حتزحلق العربية زيادة لكن اولا تحكم بقوة فى عجلة القيادة و حاول تسيطر على ضهر العربية بانك تحود فى الاتجاة اللى الضهر رايح ناحيتة opposit lock...يعنى فى الملف اللى فات الضهر حيروح يمين يبقى انت كما تحود يمين عشان الضهر ميلفش العربية حوالين نفسها

لو العربية جر خلفى دوس دبرياج لفصل القوة عن العجل الخلفى... ممكن يكون الضهر اتزحلق نتيجة عزم زائد للعجلات الخلفية سبب دوارانها بشكل زائد و فقدها للتماسك... الحل هو وقف العزم تماما حتى تستعيد العجلات تماسكها

لو جر امامى اكبس بنزين على الاخر... هنا الوش حيحاول يسحب العربية للامام و يعادل محاولة الضهر انة يلف العربية... انا هنا بتكلم عن حالة الضهر لما يلف العربية oversteer اما لو وش العربية هو اللى اتزحلق و العربية ملفتش و مكملة عدل فى الملفunder steer يبقى تعمل زى ما شرحت فى الجر الخلفى و تفصل القدرة عشان تدى فرصة للعجل يمسك فى الارض

ربنا يكفينا شر الطريق

MMamdouh

**alaaaboelata** · 23-05-2007 11:57 AM

بصراحة
مجهود جبار منك يابايو والله
انا طبعا بشكرك على المجهود العظيم دة

**MMamdouh** · 23-05-2007 12:07 PM

المشاركة الأصلية كتبت بواسطة sh_masry

الملف ده يدل على مدى ثبات الألانترا هههههههههه لأنى باخده على 140 و فى نفس الحاره .........

a7'ookom
Sherif

طيب ابقى خلى بالك لا تكون عربية نقل عدت قبل منك و اندلق منها شوية سولار على الارض فى الملف

MMamdouh

-

الموضوع: 5 تحقيقات NM بالصوت والصوره (والله صعب جدا تصدقوا)

LinkBack

أدوات الموضوع

عرض

-

-

-

-

المواضيع المتشابهه

يااااااااااااااااااااه اخيرا روحت !! بس والله والله والله فى امل

تصدقوا بالله ؟؟!!

بس تصدقوا زعلت !

4 تحقيقاتNile Motors بالصوت والصوره(نموذج حي لتخزين السياره)

الكلمات الدلالية لهذا الموضوع

المفضلات

المفضلات

ضوابط المشاركة