متشكر جدا للردود يا جماعه والمشاركات..
فى الحقيقه انا هوضح ليه عايز أشترى العده دى..
أنا بحب أعمل اى حاجه بأيدى وفى نفس الوقت عندى تجديدات وترميمات وهفتح شباك وحاجات كتير فى شقتى...ومش عاوز أعمل إزعاحج للجيران وفى نفس الوقت عايز أنجز ...
يعنى لما شوفت واحد بتاع سيراميك شغال بصاروخ ولاقيته خلص فى ثوانى وقارنته بواحد بيشتغل بالأجنه والشاكوش لاقيت الشغل أنظف وأسرع واللى عرفته أن فى ماركتين فى الصينى كويسين...
واحده وهى كراون وتجربتى معاه سيئه فى شنيور عاده لكن كده أبقى اشتريت المضروب منه..(سبحان الله حتى الصينى بقى يتضرب صينى برضو )
والاخرى ايه بى تى وده أنا شوفته مع سباك كان شغال عندى وقللى انه بيعيش معاه سنه كامله يعنى على استخدامى يعيش عشر سنين وينفع أكسر وأخرم واعلق ستاير بيه فى جميع الاسطح....
واللى فهمته ان سعر الشنيور الصينى (أحسن الوحشين ) هيكون فى حدود من 200 ل 250 جنيه
يعنى بدل ما أجيب واحد وياخد منى 200 جنيه مصنعيه تكسير لحيطه وفتح شباك عندى وشايه وقهوته وغداه وسلاطاته وبابا غنوجه يبقى اخلص بالهيلتى وأحتفظ بالعده بعد كده لتركيب فيشر او تعليق تابلوه او ستاره او اى حاجه ....
المفضلات