أجيب منين صاروخ وهيلتى؟

**أشرف فتحى** · 28-05-2010 08:55 AM

إستفسار بعد إذنكم يا شباب....

عاوز أشترى شنيور دقاق...هيلتى...أو ماركه محترمه...

يصلح للأستخدام فى التكسير والتثقيب فى الخرسانه والطوب والسيراميك...

ليه بقى؟

نويت أفتح شباك مناوله بين الريسبشن والمطبخ....وشويه حاجات تانى كده....

المهم..

عاوز أعمل الكلام ده وقررت أحتفظ بعده كهربائيه زى الشنيور حاليا والصاروخ مستقبلا عشان الازعاج والانجاز...

سمعت ان الشنيور الدقاق اللى زى الهيلتى بس صينى بيبدأ من 190 جنيه ومعقول مش وحش..

ومش عارف ايه أخبار الصاروخ.....

كمان محتاج اشترى أسلاك كهربائيه بمقاسات مختلفه لتبديل السلك ردئ الصنع مجهول الماركه اللى راكب عندى....وشويه طلبات تانى برضو..

حد بقى ممكن يفيدنى أجيب منين شنيور دقاق محترم وسعره حنين وكذلك أسلاك سويدى أو الكابلات المصريه مش مضروبين .....

ولو حد عنده رأى أخر يتفضل يقترحه.....

وعلى فكره إيجار الهيلتى 25 جنيه فى اليوم لو حد هيقول أ أجره...يعنى أشتريه وأحتفظ بيه أنفع وأرخص.....

وسمعت عن شارع الجمهوريه لكن خايف اروح يتضحك عليا فى سعر او ماركه وحاجات كارفور مبالغ فى سعرها وانا عايز حاجه رخيصه..لكن كويسه مش مرتين وارميها..

منتظر ردودكم وأرائكم...

**Ahmed Galal** · 28-05-2010 09:05 AM

شارع الجمهورية بس لف كتير و خد رينج اسعار و روح للمحلات الكبيرة اللى على الشارع و سيبك من محلات الحوارى اللى حوليه

**زهير فكري** · 28-05-2010 10:22 AM

شوف يا استاذ اشرف

بالنسبه للماركات ارشح لك ماركه اسمها ( crown) و دي ماركه صيني و بصراحه ماركه محترمه و عمليه يعني احسن الصيني و سعرها معقول و صناعيه كتير شفتهم بيشتغلوا بيها و انا شاري ( بلاور) 550 وات لتنظيف الأجهزه و كنت شاريه ب 95 جنيه من سنه .

بس خد بالك انها بتتقلد , و الأصلي بتاعها بيبقي جسم الآله او المعده بلون رمادي فاتح قوي و شعار الماركه مكتوب كتابه بارزه و لو ملقتش الكتابه البارزه هتلاقي الكتابه باللون الأحمر ملزوقه بنظافه و عامه الموقع بتاعهم هو www.chaina-crown.com و خد بالك ان شعار الماركه الأصليه لا يوجد به صوره ( تاج) و حرف ( السي) مرسوم بضخامه انما التقليد هتلاقي مرسوم تاج , و عامه ركز قوي في شعار الماركه الأصلي عشان تعرف تميز .

بس انا رايي انه طالما ان استخدامك للمعدات دي مش مستمر يعني الهلتي مش بيستخدم في البيت كتير و كذلك الصاروخ , يعني لو حضرتك من النوع اللي بيفضل يعمل حاجته بنفسه وداخل علي اصلاحات و تغييرات في البيت سواء تغيير سلوك كهرباء ...الخ و انت اللي هتستخدم المعدات دي يبقي اشتري احسن , انما لو هتستعمل مره واحده يبقي التأجير احسن . و ربنا يوفقك

**تامر.محمد** · 28-05-2010 10:56 AM

معلش هو ايه الصاروخ ؟

**mmffor** · 28-05-2010 12:15 PM

الصاروخ ب 350 - 400 جنيه كراون او اي بي تي و الهيلتي برضه من 280 - 370

**Moh.Fahmy** · 28-05-2010 12:26 PM

اشرف باشا واحشني كتير من وقت المقابلة محدش سامعلك حس لا اسكت الله لك حسا
ممكن اعرف لو أجرته منك في اسكندرية حيكون بكام في اليوم عشان عايز اعمل منشر غسيل بقالي سنة و مش عارف و محتاج هيلتي ضروري ...روري روري

**the-hero** · 28-05-2010 12:55 PM

سعادة الباشا نصحيتى ليك بلاش الصيني حاجة بتاعت بوظان مش بتاعت الوحد يقتنيها
والشنيور اللى بتاجر ده هتلاقيه أصلى عشان كدا غالى
فلو حابب تجيب حاجه تبقي معاك على طول كعدة يبقي هات الاصلى اينعم غالى بس تمنه فيه
بوش الالمانى 1500 وات يعمل فى حدود 900 ج ولو ليك حد فى السعوديه بيعمل350 ريال والصاروخ ب 450 ر يال بس ايه حاجة كدا أصلى وتفتح النفس
وحش بجد ما شاء الله