ما رأيكم فى سيارة سكودا فابيا 1400 سى سى 2002

**hamadaghfar** · 28-05-2010 10:39 AM

بسم الله الرحمن الرحيم
أرجومن السادة الأعضاء المشاركة وأبداء الرأى فى سيارة سكودا فابيا موديل 2004 كاملة أستيشن من حيث الأمكانيات وقوة الموتور و الثبات على الطريق وهل بها أربع وحدات رفع زجاج كهربائى وهل هى سيارة سيارة مطلوبة فى السوق فى حالة اعادة بيعها لأنها سيارة عجبانى ولكننى لا أعرف أى معلومات عنها أرجو من سيادتكم التوضيح وهل قطع غيارها متوفرة بالأسواق وسهل الحصول عليها وشكرا :b4_007:

**sharl** · 28-05-2010 11:14 AM

يا جماعة لو سمحتوا بعد ما حد يرد على الاستاذ حماده جعفر يقوللى انا كمان عشان محدش رد عليا فى قسم البيع و الشراء لغاية دلوقتى انا معروض عليا سكودا فابيا هاتش 2006 خليجى فابريقة بره و جوه عربية حالتها زى الفل
عاملة 58000 كم طالب فيها 65 الف من الاخر ايه رأيكوا و العربية دى ايه ظروفها و تنفع عيلة من 4 افراد ولا ايه عشان بصراحة انا حاسس ان صالونها و الشنطة صغيرين شوية عشان انا كان معايا بريليانس frv و الشنطة و الصالون كانوا 100100 ارجوكوا الرد على استاذ حماده و عليا و شكرا

**talg** · 01-06-2010 05:34 PM

يجماعة ياريت حد يرد علينا في اللي فوق دا وكمان سكودا فابيا 2002عاملة 90000 كيلو تكيف باور سنتر تعملها كام وايه رايكم فيها فى كل حاجة نرجو المساعدة (الله في عون العبد مادام العبد فى عون اخيه)

**Moe86** · 01-06-2010 07:40 PM

أنا هاقول اللى عارفه لأنى كنت بدور على واحدة من 3 سنين و انتظروا رأى باقى الأعضاء
العربية طبعا مش منتشرة و لذلك تقيلة فى بيعها زيها زى البونتو و الابيزا و كدة , لأن السوق المصرى مش بيحب الهاتشباك من منطلق غبى بيقول "لية أجيب عربية صغيرة لما ممكن أجيب عربية كبيرة بنفس السعر؟" !
العربية فيها شياكة أختها الكبيرة ال أوكتافيا A4 من جوة, كمساحة لازم تجربه على الطبيعة و تشوفها مناسبة ولا لأ لأن أصغر من ال FRV
قطع غيارها مش منتشرة بس موجودة لو دورت عليها, برضو زى أغلب الأوروبى بونتو أبيزا بيجو 206
النسخة ال1000 CC ادائها غير مرضى تماما على حسب ما قال واحد أعرفه و الreviews على النت
و النسخة ال1200cc سمعت انها 3 سليندر فقط (بس مش متأكد) و دة بينتج عنه زيادة الاهتزازات الى بتطلع من الموتور
العربية ثباتها ممتاز على السريع نتيجة لوزنها الأتقل من العربيات التانية زى البونتو مثلا
السعر بقى ماعرفش نظامه اية

**mahsoona** · 02-06-2010 10:47 AM

انا معايا فابيا 2003 1200 cc الموتور تلاته سلندر فعلا بس كويس قوى ,هو بيكون فيه رجرجه خفيفه فى السلانسيه بتقل قوى لما العربيه بتسخن لكن العربيه غير كده حلوه قوى و واسعه و فخمه و أداء المحرك كويس قوى انا بوصل ل 140 و العربيه بتكون ثابته جدا و الموتور بيكون لسه فيه يجيب كمان .