الخوابير وانا خدت خابور

السلام عليكم
اخواني الافاضل
خلي بالكم وانتوا بتلحموا الكاوتش بتاعكم وياريت قبل ما بتاع الكاوتش يعملك اي حاجة فية يكشف علية كلة ويعرفك فية كام خرم
لانة حصل معايا موقف زفت
وانا مروح وداخل عباس العقاد قلت ابص علي الهوا في الكاوتش المهم دخلت بنزينة مصر الي علي الناصية وبتاع الكاوتش قاس لي الهوا الي قدام قالي ان الفردة فيها حاجة المهم في لمح البصر لقيتة حاطط صابون علي الكاوتش وركب فية خزوق قلتلة عملت اية قالي فيها خرم وبعدين قعد يحطلي صابون وحطلي في الفردة 3 خوازيق وقال اية امريكي المهم بصلي كمان علي الكاوتش التاني وحطلي خزوقين وطبعا الباشا قعد يحلفلي بالله ان الخزوق احسن من اللحام وللاسف قريت دلوقتي في المنتدي ان اللحام افضل والخوازيق بتعمل مشاكل
وانا خدت الخزوق الاكبر ودفعت (50 جنية ) لان تمن الخزوق 10 جنية وروحت وانا بعيط

خلي بالكم الله يكرمكم

يا خبر أبيض الخابور ب 10 جنية لية دة كبيرة 5 جنية - عىل العموم معلشى جت على كدة - -أنا عن نفسى لما بكشف على الكاوتش لازم أشوف التنفيس بعنيا مش بخلية يركب وخلاص

معلش محدش بيتعلم ببلاش كلنا حصلنا الموضوع ده

يا باشا ولا يهمك..
علي رأي الاخ عزب..
كلنا اخدنا الخابور ده في اول حياتنا العملية مع العربيات..

جزاك الله خيرا يا أخى العزيز :) شكرا جزيلا على التحذير.
ربنا يكفيك شر الطريق.

النصابون كثيرون شكرا على تحذيرك لنا

اوعىىىىىىىىىىىى بتوع بنزينة مصر الى فى اول عباس العقاد دول حرامية كلهم والله العظيم وانا عارفهم ... لانهم عملو كدة فى عربيت صاحبى من فترة .. دخلنا نزود هوا .. قالى بردة حكشفلك على الفردة المهم .. هوب هوب حط اربع خوابير ... قالنا اكشف على الباقى قولنالة شكرااااااااااااا .... ونفس الموضوع حصل معايا فى بنزينة التعاون الى فى صلاح سالم ............ خلو بالكمممممممممممم

شبه مستحيل ان فردة الكاوتش تتخرم اربع تخرام مره واحدة .. دة كلو بيبقى نصب ربنا ينتقم منهم .

شكرا للتذكره يا باشا.

اقتباس:

---

المشاركة الأصلية كتبت بواسطة fiatmomo

ونفس الموضوع حصل معايا فى بنزينة التعاون الى فى صلاح سالم ............ خلو بالكمممممممممممم

---

انا كمان نفس القصه في نفس البنزينه بس انا مسكتش وجبت مدير البنزينه وهزقته

وبعد ما كانو هايخدو 50 جنيه قالي ادفع اللي تدفعه اديتهم 20 جنيه

وقولتله كده انا اتنصب عليا كمان..المهو انه رضي ب ال 20 جنيه

ومعني انه رضي ب20 جنيه بدل 50 يبقي فعلا نصابين

حصل معايا والله ونفس النزينة وكان معايا الهوندا ... وأخدت 9 خوازيق

ياةةةةة
ربنا يستر علينا
نصيحتي كل واحد يشوفلة واحد موثوق فية من بتوع الكاوتش ويكشف عندة كل فترة قريبة ولو دخل بنزينة او اي مكان وقالي فية خرم خلية يسيبة ويزود هوا بس لحد ماتروح للراجل الثقة بتاعك

هى الخوابير والخوازيق غليت هيا كما ولا ايه الحكاية

اقتباس:

---

المشاركة الأصلية كتبت بواسطة fiatmomo

اوعىىىىىىىىىىىى بتوع بنزينة مصر الى فى اول عباس العقاد دول حرامية كلهم والله العظيم وانا عارفهم ... لانهم عملو كدة فى عربيت صاحبى من فترة .. دخلنا نزود هوا .. قالى بردة حكشفلك على الفردة المهم .. هوب هوب حط اربع خوابير ... قالنا اكشف على الباقى قولنالة شكرااااااااااااا .... ونفس الموضوع حصل معايا فى بنزينة التعاون الى فى صلاح سالم ............ خلو بالكمممممممممممم

شبه مستحيل ان فردة الكاوتش تتخرم اربع تخرام مره واحدة .. دة كلو بيبقى نصب ربنا ينتقم منهم .

---

حصل معايا .نفس البنزينة................كدة بنزينة مصر اول عباس العقاد (خدمة الكاوتش) يجب علينا ان نتوقف عن التعامل معهم........

الخوابير دى اسوأ حاجة للكاوتش .. يعنى مش بس بتدفع .... وكمان بيخرب الفردة .. وتدبدب بعد كدة !! ربنا يكفينا شرهم ..

البنزينه دى بتستهل كده على كول واحد صحبى برده من شهر راح علشان الفرده كانت مريحه منه أعد الراجل يخزأله فى الكوتش وأخد من 30 جنيه وفى الاخر راح عند واحد تانى علشان يلحمهاله وطلعت مش نافعه وغيرها خالص

الحل بسيط جداً يا جماعة ، وهو إنك تشتري شنبر كاوتش وتسيبه في العربية ، واي بتاع كاوتش يستهبل قل له ركب الشنبر ، وبعدين روح لبتاع الكاوتش بتاعك وشوف السبب الحقيقي .
الغريب إني سمعت عن البنزينة دي كثير جداً في هذه الأمور ، وغيرها كثير جداً ، وفي الغالب عامل الكاوتش بيكون في إيده خاتم بدبوس يقعد يخرم في العجلة ويطلعلك 8 اخرام في كل فردة حاجة تقرف .
واللي عايز خدمة كاوتش في عباس العقاد يروح مركز بريدجستون في بنزينة كالتكس .. ناس محترمة وفاهمة جداً ، وعندهم لحام ألماني هايل ب15 جنيه للخرم العادي .
وزي ما قلنا قبل كدة : أفضل الخيارات هي :
اللحام ألماني
يليه اللحام اليدوي بالمكواة
ثم اللحام اليدوي بالاستيكر ويحط اتنين استيكر على بعض
يليه الخابور المكسيكي وهو معروف بلونه الأسود
ثم الأمريكي وهو لونه برتقالي وهو أسوأ اختيار على الإطلاق
والأهم في اللحام بالخوابير حرفية الصنايعي عند وضع الخابور بحرفية ودقة وسرعة ، لكن لو لقيت أي صنايعي بيوسع الخرم وبيتغابى وقفه فوراً .
والأهم حرصوا كلكم من السير على قطع الزجاج والتي انتشرت بطريقة غريبة في كل شوارع وكباري وطرق مصر ، فخرم الزجاج اسوأ الاخرام جميعها .
وربنا
يكفينا جميعاً شر الخوازيق والخوابير .. اللهم آمين
تقبلوا جميعاً خالص مودتي وتقديري

شكرا على النصيحة يا د/ أحمد وربنا يعوض عليك يا al_manara

اقتباس:

---

المشاركة الأصلية كتبت بواسطة د.أحمد سمير

الحل بسيط جداً يا جماعة ، وهو إنك تشتري شنبر كاوتش وتسيبه في العربية ، واي بتاع كاوتش يستهبل قل له ركب الشنبر ، وبعدين روح لبتاع الكاوتش بتاعك وشوف السبب الحقيقي .

---

طيب واللى كاوتشه تيوبلس

يا سوكا ما هي دي هيه الفكرة ..
انت هتدخل عليه هيحاول يعمل عليك شغل علشان الفردة تيوبلس مش كدة ؟؟؟ ويوقلك لحام وخوابير ودياوله
قل له : لأ ، ركب لي شنبر ومش عايز لحام .. هيتخرس .. وهياخد 5 جنيه بكتيره ثمن تركيب الشنبر ، ولما توصل لمحل الكاوتش بتاعك فك الشنبر والحم على نضيف .. تمام

اقتباس:

---

المشاركة الأصلية كتبت بواسطة Eng_aly

شكرا على النصيحة يا د/ أحمد وربنا يعوض عليك يا al_manara

---

امين يارب
جزاك الله خير

اقتباس:

---

المشاركة الأصلية كتبت بواسطة د.أحمد سمير

يا سوكا ما هي دي هيه الفكرة ..
انت هتدخل عليه هيحاول يعمل عليك شغل علشان الفردة تيوبلس مش كدة ؟؟؟ ويوقلك لحام وخوابير ودياوله
قل له : لأ ، ركب لي شنبر ومش عايز لحام .. هيتخرس .. وهياخد 5 جنيه بكتيره ثمن تركيب الشنبر ، ولما توصل لمحل الكاوتش بتاعك فك الشنبر والحم على نضيف .. تمام

---

فكرة الشنبر دي جميلة جدا
تسلم ايدك

ايه الشنبر ده

الشنبر يا كاسبرينو هو الإطار الداخلي الذي يركب في الكاوتش العادة (البالونة يعني )

نصيحه أخويه لو حد مش موثوق منه قال لك إن الكاوتش مخروم قوله: آه ما أنا عارف إنه مخروم بس مش عاوز أصلحه دلوقت عشان هاجيب كاوتش جديد
كده هايفقد اﻷمل إنه يشتغلك

انتو عايزين الخابور فى عباس العقاد يكون زى الخابور فى اى مكان تانى ؟
اكيد خابور العقاد بيكون مظبط اوى
خيرها فى غيرها
:D:D:D:D:D:D:D