جاتلي فرصة ادرس في النمسا ومتردد ومحتاج رايكم معايا

**3mr Farrag** · 29-05-2010 09:12 PM

بس انا قريت ان الاسعار في امريكا بتبدأ من حوالي 10000 دولار في السنه
الكليات النظريه بتبدء من حوالي 10 الف
و طبعا حسب الكليه يعني هندسه مثلا في حدود 20 الف و طب اغلي

**Moe86** · 29-05-2010 11:38 PM

المشاركة الأصلية كتبت بواسطة fadod

لو والدتك معها الجنسية ، يبقى إنت معك الجنسية أوتوماتيك ، داه بفرض انك مولود في مصر مش أمريكا ، أو تكن خدتها متاخر وإنت فوق ال-21 ، بس برد تقدر تاخدها. انسى المعادله ، كان زمان

أنا اتولدت فى مصر (للأسف!) و أهلى مش فى دماغهم موضوع الجنسية و كدة لحد ما عديت ال21
أخر معلوماتى انى علشان أخد الجنسية لازم أكون مقيم فى أمريكا 6 شهور متواصل على الأقل و أمى كمان , دة صعب حاليا علشان دراستى و ودراسة اخواتى

**kar!m** · 30-05-2010 11:21 AM

بص هقولك على حاجه .. بالنسبه للعلم .. مش هقول لك هنا زى هناك .. بس انت هنا ممكن تتعلم كويس و تكون up to date.. باخر ما وصل اليه العلم فى مجالك.
الفرق فى طبيعة التفكير .. انت هناك هتتعلم تفكر ازاى و تنظم وقتك ازاى و تتعامل مع الناس ازاى ودى هتفرق معاك كتير فى شغلك .. بس ده ممكن تكتسبه لو بعد ما اتخرجت من هنا اشتغلت فى شركه محترمه.
الفرق الجامد مستوى المعيشه .. بجد الفرق رهيب .. انت لو قعدت هناك هتكره البلد هنا و صعب انك ترجع تعيش هنا و تسوق فى الشوارع هنا و تلاقى اللى بيكسر عليك و اللى مش ماشى فى حارته واللى ماشى من غير اشارات و الناس اللى مشغله الموبيلات على أغانى بيئه باعلى صوت فى المترو و المواصلات ..والخضار اللى مسقى بمية مجارى و الزحمه و التراب (هناك مفيش ذرة تراب و هتشوف) هناك الناس بتبتسم فى وشك و لو انت خبطت حد فى الشارع هو هيقولك أنا اسف و يعتذرلك.
فى المقابل مش هتسمع الادان خالص .. هتحس بالغربه شوية .. هتفقد شوية حاجات من هنا.
شوف انت ممكن تستغنى عن ايه مقابل ايه و قرر .. بس لو قررت ترجع مصر هتقعد فتره فى صدمه حضاريه و تكلم واحد و تقول له حضرتك تلاقيه بيشتمك لحد ما تتعود على الوضع تانى.
و ربنا يوفقك لما فيه الخير.