الأخ الفاضل محمد عيسى جزاك الله خيرا على الرابطاقتباس:
أخي و صديقي و زميلي دكتور "شيكو " اسمح لي إستعارة جملة توقيعك " فاضل على الحلو دقة ":)
كم نحتاج لسماع مزيد من الاخبار المفرحة يوم الأحد بإذن الله
عرض للطباعة
الأخ الفاضل محمد عيسى جزاك الله خيرا على الرابطاقتباس:
أخي و صديقي و زميلي دكتور "شيكو " اسمح لي إستعارة جملة توقيعك " فاضل على الحلو دقة ":)
كم نحتاج لسماع مزيد من الاخبار المفرحة يوم الأحد بإذن الله
إيه الحلاوة دى
إيه إللى حصل إمبارح دا
من الاخر المنتخب بقى جامد قوى و بقى بيعرف يتعامل مع الفرق القوية
لأ و إيه بيغلبهم بالأربعة
أنا بصراحة صعبان عليه الكاميرون دا زمانهم مرعوبين منا دلوقتى
أنا مش مصدق إن أخيرا جه يوم إللى فرق أفريقيا تبقى مرعوبة من منتخبنا
شكرا لحسن شحاته و الحضرى وكل اللاعيبة الرجالة
من الأخر أقولها بقلب جامد
إللى خايف يروح دا منتخب مصر جااااااااى كله يوسع
يا جماعة خدوا بالكم ان الحمد لله الجول كيبر بتاعهم الاساسي من اول المتش خلع
يعني ده ساعدهم كتير قوي
لان الجول كيبر بتاعهم جامد جدا وده الاحتياطي
ماعتقدش النتيجة كانت هاتبقى 4 في وجود الاصلي ابدا
انا شايف ان الاتنين اي كلام و مش فارقة الاحتياطي من الاساسي
حراسة المرمي اضعف خطوط كوت ديفوار
كمان الاجوان بتاعتنا كانت صعب تترد ..
مع ان الحضري في الماتش ده اقنعني ان مفيش كورة صعبة
+1
أضعف خطوط المنتخب الإيفوارى الدفاع و الجون
عشان كده إختراقتنا كانت ليهم كتيير...... كمان لو تلاحظوا إن إحنا بمجرد ما مسكنا هجومهم .... لقينا وسط الملعب بقى بتاعنا و دخلنا فى منطقتهم
وائل جمعه كان ليه أكبر دور فى إزالة الخطر بتاع خط الهجوم بترويض دروجبا
الماتش ده هو الماتش الوحيد اللى اتفرجت علية من الأول للآخر من اول البطولة ، بل ومن بعد البطولة اللى فاتت
وشايف ان الفريق اجتمعت له عوامل توفيق بعضها بسبب الإداراة الحسنة وبعضها بسبب الإجادة وبعضها من توفيق الله سبحانة وتعالى
فالتشكيل الجيد للفريق والتغييرات المتقنة فى الشوط التانى اجادة ادارية رائعة
والإلتزام القتالى من اللاعبين بأداء الواجبات الجهومية والدفاعية وفرض ايقاعنا على المباراه(فيما عدا الداقائق العشرة الأخيرة من الشوط الأول) مجهود يحسب للاعبين تماما
اما عصام الحضرى فهو نجم المبارة الأول، اعتقد ان ديلوقتى الفرق التانية بقت فكرتها عنه زى فكرتنا زمان عن الزاكى حارس مرمى المغرب اللى كان مسبب لنا عقدة ازلية فى حياتنا وكان سبب رئيسى فى وصول المغرب لدور 8 فى كاس العالم وفرحة المانيا العارمة لما كسبت المغرب فى دول 8 بضربة ثابتة فى اخر دقيقتين من الشوط التانى، اعتقد ان نظرة الآخرين حاليا للحضرى العملاق اللى خلا دوروجبا يكش لحد ما بقى من غير ركبة، هى نفس نظرتنا زمان للزاكى
وخروج حارس مرماهم الأساسى واحلاله بالواد بلية الحارس الإحتياطى اللى كان بيلعب مباراه تانية خالص غير مباراة مصر دة كان توفيق من ربنا ، خصوصا وان الحارس الأول كان عايز يكمل وكان بيكلم المدرب انه يكمل ، لكن الأخ جيرار جيلى اصر انه يشيله وينزل بلية
يبقى ان نقول ان الكاميرون ليست سهلة وليس معنى اننا غلبناها 4 فى الدور الأول اننا نستطيع تكرار ذلك فى النهائى بدون روح قتالية فكاميرون الدور الأول بالتأكييد ليست هى كاميرون النهائى وهو ما رأيناه فى البطولة السابقة من كوت ديفوار ، فكوت ديفورا التى انسحقت ببساطة فى الدور الأول كانت غير كوت ديفوار التى خلعت قلوبنا فى النهائى
وان كنت اثق فى مهارات الفنان حسن شحاتة وطاقمة الفنى الذى اعاد لأهاننا فكرة ان كرة القدم لعبة جماعية وان الفريق الأقوى تنظيما وترتيبا هو الفريق الذى يفوز،وان فريق فيه ابو تريكة وعماد متعب لا يساوى شيئا بدون مجهودات احمد حسن وسيد معوض، ولذلك اتوقع منه الكثير ان شاء الله فى المباراه النهائية
فعلا يا سبعاوى ماتش الكاميرون إللى جاى دا مش سهل خالص بالعكس حيبقى أصعب ماتش فى البطولة و ربنا يستر و أنا متوقع إنه ينتهى بالتعادل و مصر تفوزر بضربات الجزاء
سبعاوى باشا تعليق بسيط على معلومة المغرب فى كاس العالم
المغرب صعدت لدور الـ 16 (مش دور ال8) فى بطولة 1986 و إتغلبت من المانيا بالعافية فعلا
الكاميرون هى من صعدت لدور الـ 8 فى بطولة 1990 و السنغال فى بطولة 2002 فقط
ربنا يستر
بصراحه حسن شحاته ده راجل مبروك والمفروض يتعمل له مقام
http://nadorlive.we.bs/2008.htm
Thanks for the link