اولا دمعتني ... وجميل اوي صدقك وصدق احساسك احيانا كتير بنحتاجه حتي لو في حزن او قلق ..انا بقا ساعت الحادث شريط حياتي بي معاصيه كلها انعرضت امام عيني
ولما نزلوني من العربيه وعملين يقوله لي خاليك نايم علي الارض والقميص كله دم وبقي عمال ينزل دم قولت انا كده بموت انا قولت انا اكيد كده منتظر انهم هيجي احد يلقني الشهاده طبعآ خوفي ده خالني اني عايز اقوم بي العفيه علشان ما اخليش الوهم يمسكني واثبت لي نفسي اني سليم مفياش حاجه اقوم القي الناس بتنيمني تاني علي الارض وبيقولولي علشان الدم ده يقف وانا رافض لغايه لما سمعت واحد بيقول هيا الاسعاف فين كل ده تاخير قولت اكيد في حد منا احنا الاربعه حالته حرجه واعتقدت انه ممكن أكون انا لي اني كنت لما بشوف حد في دم بينزل من بقه بيكون بيموت طبعآ جيه وحد عايز يتاكد اني سليم قالي انتا حفظ نمرت حد من قريبك يجلك علي المستشفي قولت ليه اه المهم خدت الموبيل منه واتصلت وقولت ليه انا عملت حدثه بعد شغلي فا الراجل خد الموبيل مني وقاله حصاله علي مستشفي كذا كذا ولما جالي المستشفي اطمن عليا وراح يشوف العربيه اتصل بي والدتي كانت معايه في المستشفي قاله هما مفيش حد ميت قالها اصل شايف عربيه ممكن متكونش بتاعت رشقه في العمودي الصلب الكبار الي بيكونه شيلين اليفط الكبيره جدآ
وقلها العربيه شبه علبه الكنز المطبقه والحمد الله اي نعم طلعنا بي اصابات بس أحسن ما كنا نطلع ميتين لي ان الحدثه دي حدثه موت مش حدثه عاديه حتا انا كل ما بشوف حدثه علي الطريق مابعتبرهاش زي الي انا عاملها دي
بس انا جت عليا فعلآ وقت وزعلت اني فقدت عربيه من ضمن مشاريع احلامي بس اهو نعمل ايه الحمد الله
اكيد اتعلمت منها حجات كتيره الحدثه دي انك ماتجريش بي عربيتك الا لما تعرف ان حالت عربيتك سليمه 100 %
وانك مش كل حاجه فرامل في حاجه اسمها تسقيط غيار واني احترم قزاره الطريق المعوج والمكسر عندنا
بس عارف انا مشكلتي اني ممكن مكنش اتعلمت الدرس كويس المفروض حدثه زي دي تخليني ابقا في المسجد علي طول اني مغلطش اني واني بس لي الاسف يمكن بعد الحدثه بقت عصبي جدآآ بقت مبقدرش اتحكم في لساني واعصابي في الي بيستفزوني وغير الحياه المستفزه الي احلمك بتتلاشي وتحس انك انسان اهدافك ابقا احلمها في الاخره علشان احنا هنا مش في ارض الواقع فا دي بتسبب ليه انزاعج اكتر وعصابيه جدآ
وانا نسي كل الي في الموقع هنا ان يدعو ليا ربنا انه يغفرلي زنوبي وان يرفع البلاء عني وان يفرجها عليا من حيس لا اعلم وان اصل لي اعلي المناصب التي ترضي الله ثم ترضيني وان اكون عون للمسلمين اللهم امين يارب
اللي انت بتمر بيه طبيعي جدا ... عادي احنا بشر و لو مازعلناش نبقي مش طبيعين .. طبعا لازم تزعل .. بس ازعل حبة صغننة لان اي حاجعه في الحياة قابلة للتعويض طالما في نفس خارج و داخل يا حبيبي ...
حط زعلك في حجمه الطبيعي و اسعي بقي بسرعة انطك تعوض خسارتك و ديما افتكر ان ربنا بيحبك و قووي كمان علشان ينجيك وتعمل خير في حياتك وكل ما تيجي تتنرفز او تتعصب افتكر رحمته و رحمة قضائه بيك
هاقولك علي بيتين شعر والله كل ما اقرأهم اهدي هدوء مش طبيعي بيقولو
وكم لله من لطفٍ خفيٍّ .... يَدِقّ خَفَاهُ عَنْ فَهْمِ الذَّكِيِّ
وَكَمْ يُسْرٍ أَتَى مِنْ بَعْدِ عُسْرٍ .... فَفَرَّجَ كُرْبَة َ القَلْبِ الشَّجِيِّ
وكم أمرٍ تساءُ به صباحاً .... وَتَأْتِيْكَ المَسَرَّة ُ بالعَشِيِّ
إذا ضاقت بك الأحوال يوماً .... فَثِقْ بالواحِدِ الفَرْدِ العَلِيِّ
تَوَسَّلْ بالنَّبِيِّ فَكُلّ خَطْبٍ .... يَهُونُ إِذا تُوُسِّلَ بالنَّبِيِّ
وَلاَ تَجْزَعْ إذا ما نابَ خَطْبٌ .... فكم للهِ من لُطفٍ خفي
علي قدر بقي ما الموضوع كان كبير ... علي قد ما ربنا كان مخبي فيه لطف كبيييير قوووي ... حاول تفكر فيه
تحياتي
المفضلات