النيو سيراتو زجاج ملون - مراية تعتيم من نوع جديد ... بالدليل و الصور

بسم الله الرحمن الرحيم

تحية لكل الأعضاء و حوش السيراتو و زى ما السيراتو عودتكم دايما إن فيه كل يوم جديد

انا اكتشفت اكتشافين كدة فى السيراتو و عايزكم تساعدونى فى مزيد من البحث فى سياراتكم

الاكتشاف الأول: الزجاج الملون

طبعا حكاية الفاميه دى لاعبة فى دماغنا أغلبية مالكى السيراتو و كل يوم أشوف واحد بيفيم العربية ... بصراحة ببقى عايز أعمل زيه بس بخاف

و علشان تركب فاميه فى بلدنا دى قدامك طريقة من 2

الطريقة الأولى: إنك تظبط بتوع المرور و ده حل مش عاطفى مطلقا
الطريقة الثانية: إنك ترخص العربية على إنها "مصرح بزجاج ملون" و ده حل أفضل بس ازاى

طبعا أغلبيتنا تابعوا موضوع الأخ الفاضل Mshawky عن زجاج السيراتو الملون .... و انا انهاردة جايبلكم الدليل على صدق كلام الراجل ده ...

بالصدفة دخلت على موقع http://www.kia-hotline.com/ و جبت بيانات العربية بتاعى عن طريق ال VIN بتاع العربية و فوجئت بإن الإزاز بتاع عربيتى ملون أو Tinted يعنى غامق و ده اللى انا ملاحظه من يوم ما اشتريت العربية بس قلبى مش مطمن إنى أقول إن عربيتى متفيمة غير لما أتأكد الأول
http://store1.up-00.com/May10/zqB57626.jpg
http://store1.up-00.com/May10/yPg57626.jpg
http://store1.up-00.com/May10/dd557264.png
الإزاز الخلفى و ال4 أبواب الإزاز بتاعهم Tinted لكن الإزاز الأمامى عادى و فيه Sunvisor اللى هو الشريط الأزرق اللى فوق ... السؤال بقى : ليه المرور مرخصهاش على إنها فاميه مع إن هى أصلا فاميه حتى لو كان فاميه خفيف جدا

الإجابة: الله أعلم

يا ريت كله يدخل يشوف عربيته و يقولنا لقى ايه؟؟

بالمناسبة انا سألت على الفاميه اللزق أخف درجة ... كنت قلتلكم إنى هجيبلكم عينة و الأسعار
أدى العينة و السعر 70 جنيه لل4 أبواب:F_eyeb1[1]:
http://store1.up-00.com/May10/Wfv57626.jpg


الإكتشاف التانى: مراية تعتيم من نوع جديد
انا مش عارف حد تانى غيرى عنده الحكاية دى ولا لأ ... بس انا من ساعة ما اشتريت العربية دى و عملت بيها 8000 كيلو و سافرت بيها أكتر من مرة بالليل إلا إنى مش بستعمل زرار القلاب بتاع مراية الصالون كتير ... على عكس ما كنت بعمل فى عربيتى القديمة ... دلوقتى لما حد يضرب نور عالى مش بحس بيه أوى !!!!!

مكتوب على نفس الموقع بتاع كيا ... فى البيانات ... الى هو المربع الأصفر إن المراية D/NIGHT يعنى Dimming Night اللى هو تعتيم ليلى !!!!! هل ده نوع ثالث من المرايات فى السيراتو ولا ايه

و مين تانى عنده الحكاية دى .... افيدونا أفادكم الله

اعتقد ان D/Night معناها DAY/Night
ودة علي اساس ان فية حركتين في المرايا

انا علي فكرة باعمل ابحاث عن كايداهم بقالي فترة والليلة هاستلم باذن الله

انا دخلت الموقع و دخلت رقم العربيه و قالي لازم ادفع علشان اشوف :d

ما اتفهمني اعمل الحوار ده ازاي

انا عن نفسى ياجماعه اتصلت فعلا بالراجل اللى باعلى العربيه وكان معاه الورق فى المعرض وقالى لا مش مكتوب فى الافراج زجاج ملون فمش عارف الكلام عند مين يعتبر لسه موصلتش لحل

اقتباس:

---

المشاركة الأصلية كتبت بواسطة iCeY

انا دخلت الموقع و دخلت رقم العربيه و قالي لازم ادفع علشان اشوف :d

ما اتفهمني اعمل الحوار ده ازاي

---

بص يا باشا الخطة كالتاتى::colsmil:
http://store1.up-00.com/May10/i4s72978.png

لنك الموقع من فضلك ..

اقتباس:

---

المشاركة الأصلية كتبت بواسطة د.محمود صلاح

لنك الموقع من فضلك ..

---

http://www.kia-hotline.com/

مكتوب فوق فى الموضوع على فكرة :shine[1]:

ممكن بعد اذنك تقول بعمل registration ازااااااااااااى؟؟؟؟؟؟؟؟

انا فعلا يامورا كل مااسيرش بعد ماسجلت مش عايز يعرض التكنيكال ديتالز الا لما ادفع غريبه ديه

عندي نفس الي عندك ب الظبط و برضه مكتوب زجاج ملون

ده اللى قدرت اوصله لكن كل التفاصيل زى اللى انت حاططها مش راضى يطلعها الا بالفلوس تقريبا الموقع ده اتعدى من مصر

http://img121.imageshack.us/img121/5259/captureyjq.png

اقتباس:

---

المشاركة الأصلية كتبت بواسطة Mshawky

ده اللى قدرت اوصله لكن كل التفاصيل زى اللى انت حاططها مش راضى يطلعها الا بالفلوس تقريبا الموقع ده اتعدى من مصر

http://img121.imageshack.us/img121/5259/captureyjq.png

---

دوس على العلامة اللى جنب engine no. هيجبلك الاوبشنز كلها بس بطريقة مختلفة بس مفصلة اكتر شوية
لو عاوز تشوف الاوبشنز بنفس الشكل اللى فى الموضوع هنا ادخل على kia-hotline.com ودخل الvin بتاعك فى المكان المخصص ليه بدل ما تدخل parts catalog

علي حد علمي انه لازم يكون مكتوب في الافراج الجمركي ان العربيه زجاج ملون

أنا برضه عندي مكتوب في السايت tinted

بس مافيش حاجة في الافراج الجمركي خالص عن الزجاج الملون

ايه العمل ؟؟؟؟

اقتباس:

---

المشاركة الأصلية كتبت بواسطة waleedelpiloot

ممكن بعد اذنك تقول بعمل registration ازااااااااااااى؟؟؟؟؟؟؟؟

---

http://store2.up-00.com/May10/gF293293.png

اقتباس:

---

المشاركة الأصلية كتبت بواسطة yasserelsayad

دوس على العلامة اللى جنب engine no. هيجبلك الاوبشنز كلها بس بطريقة مختلفة بس مفصلة اكتر شوية
لو عاوز تشوف الاوبشنز بنفس الشكل اللى فى الموضوع هنا ادخل على kia-hotline.com ودخل الvin بتاعك فى المكان المخصص ليه بدل ما تدخل parts catalog

---

متشكر ياباشا على اهتمامك انت راجل محترم والله

بس انا كل مادخل VIN فى مكانه فعلا ببيطلع صفحه انى لازم ادفع علشان اشوف المواصفات :majd(4):

ديه الصفحه الى كل شويه ارفانى

http://img101.imageshack.us/img101/1702/captureyk.png

اقتباس:

---

المشاركة الأصلية كتبت بواسطة Mshawky

متشكر ياباشا على اهتمامك انت راجل محترم والله

بس انا كل مادخل VIN فى مكانه فعلا ببيطلع صفحه انى لازم ادفع علشان اشوف المواصفات :majd(4):

---

اقتباس:

---

المشاركة الأصلية كتبت بواسطة Mshawky

ديه الصفحه الى كل شويه ارفانى

http://img101.imageshack.us/img101/1702/captureyk.png

---

شوقى من الموقع الى أنت فيه ده أعمل سين إن و دوس على لينك parts catalog
هيدخلك على موقع تانى الى هو عليه المعلومات متوافره بدون فلوس
هتدخل الvin وبعدين تدوس على العلامه الى جنب engine no

اقتباس:

---

المشاركة الأصلية كتبت بواسطة Mshawky

ديه الصفحه الى كل شويه ارفانى

http://img101.imageshack.us/img101/1702/captureyk.png

---

دخل الـ vin بتاعك وعلم صح على المربعين زى فى الصورة كدا وبعدين دوس على search

http://i49.tinypic.com/6oda2v.jpg

وبعدين دوس على علامة + زى فى الصورة باردوا

http://i48.tinypic.com/2d9bk7s.jpg

هتلاقى علامة loading ظهرتلك وبعدين هيظهر كل الاوبشنز بقى

http://i50.tinypic.com/e707pj.jpg

لو باردوا مش عايز يعملك ممكن تبعتلى الـ vin بتاعك وابعتلك الاوبشنز كلها

يا جماعة انا اعتقد ان كل السيراتو الزجاج بتاعها مفيم بنسبة معينية علشان يخفف من الشمس لأن انا كمان طلعلي انه مفيم .. بس ده مش معناه انه يترخص كزجاج مفيم علشان مش مكتوب في الافراج .. علشان اللى بيترخص كده بتبقى نسبة التفيم اعلى شوية ... فاعتقد ان كل الناس حتلاقي الزجاج tinted

ديه الصفحه اللى خنقانى وملبحلقش ادوس حتى على اللنك اللى قولت عليه

http://img580.imageshack.us/img580/879/capturebx.png

اقتباس:

---

المشاركة الأصلية كتبت بواسطة Mshawky

ديه الصفحه اللى خنقانى وملبحلقش ادوس حتى على اللنك اللى قولت عليه

http://img580.imageshack.us/img580/879/capturebx.png

---

طيب ادخل على internet options فى الـ explorer
واختار privacy

http://i46.tinypic.com/x29t3t.jpg

وبعدين دوس على settings اللى عند pop-up blocker

http://i45.tinypic.com/15plgmv.jpg

واختار high من blocking level

http://i48.tinypic.com/15h1tn9.jpg

وجرب كدا .. بس متنساش ترجع الـ blocking level لـ medium تانى بعد لما تخلص عشان لو سبتها على الـ high هيعمل حظر لاى pop-up حتى لو انت كنت عايزوا

ولو باردوا البتاعة دى طلعتلك ابعتلى زى ما قولتلك الـ vin وانا اريحك خالص وابعتلك الحاجة

اقتباس:

---

المشاركة الأصلية كتبت بواسطة morasystem

http://store2.up-00.com/May10/gF293293.png

---

يا باشا ما تتعبش نفسك انا عامل يوزر و باس لاعضاء نايل موتورز
user name nilemotors2010
password 123456789

انا كمان طلعلى Tinted

طب دلوقتى أعرف منين ان عربيتى مكتوب فيها زجاج ملون ولا لآ

أروح المرور يعنى أشوف الورق ولا مينفعش؟

أصل الورق اللى عندى مفيش اى حاجة خالص لمواصفات العربية

ولا الإفراج ولا شهادة البيانات اللى عندى مكتوب فيهم اى حاجة!!

أنا خلاص كبرت فى نفوخى وهفيم بس على خفيف :)

اقتباس:

---

المشاركة الأصلية كتبت بواسطة yasserelsayad

طيب ادخل على internet options فى الـ explorer
واختار privacy

http://i46.tinypic.com/x29t3t.jpg

وبعدين دوس على settings اللى عند pop-up blocker

http://i45.tinypic.com/15plgmv.jpg

واختار high من blocking level

http://i48.tinypic.com/15h1tn9.jpg

وجرب كدا .. بس متنساش ترجع الـ blocking level لـ medium تانى بعد لما تخلص عشان لو سبتها على الـ high هيعمل حظر لاى pop-up حتى لو انت كنت عايزوا

ولو باردوا البتاعة دى طلعتلك ابعتلى زى ما قولتلك الـ vin وانا اريحك خالص وابعتلك الحاجة

---

كل التحيه للمعلم ياسر صاحب السايت :biggrin2:

اصلا باب النجار مخلع يعىن قولتلك انى مهندس شبكات وسيكورتى هتضحك هههه بس انا فعلا مليش دماغ الحاجات ديه كتير بس هقفل البوب اب وهشوف يارب يفتح وشكلى كده هديك الفى اى ن واخلص وتشوفهولى انت

وشكرا مره تانيه لتعبك معايا

thanks ,,,
good info.

اقتباس:

---

المشاركة الأصلية كتبت بواسطة Mshawky

ديه الصفحه اللى خنقانى وملبحلقش ادوس حتى على اللنك اللى قولت عليه

http://img580.imageshack.us/img580/879/capturebx.png

---

الصفحه دي لازم تظهر يا شوقي اعملها close عادي و هيكمل و يجبلك المواصفات عادي

ياجماعه بهدوء كل العربيات الجديده غالبيتها زجاجها ملون عايز تعرف وتتاكد هات ورقه بيضاء وحطها من جوه الزجاج وبص عليها من بره حتلاقيها واخده لون خفيف
المرور مش بيعتبر ده انها تفييم .....علشان كده مش بيتكتب في رخصه العربيه
التفييم يعني فيه لون واضح وفيه نسبه اعاقه للرؤيه .....70% مثلا
انما الزجاج الملون لا يشكل اي اعاقه للرؤيه اطلاقا
وكل النيو سيراتو زجاجها ملون .......وبيبقي واضح اوي الضهر
وجربو موضوع الورقه البيضاء بس الضهر لما الشمس تخبط في العربيه شويه

بالنسبة لموضوع المراية وتعتيمها، أنا بتفق تماما مع حضرتك ان النور العالى ومن غير ماتستعمل زرار القلب النور العالى مابيأثرش قوى وفعلا مش بيضايق ومع ذلك فى نوع تانى من المرايات بينزل مع السيراتو وهو مرايات تعتيم وهتلاقى المراية فيها زى سنسور ونور من تحت كده

اقتباس:

---

المشاركة الأصلية كتبت بواسطة aaet1

بالنسبة لموضوع المراية وتعتيمها، أنا بتفق تماما مع حضرتك ان النور العالى ومن غير ماتستعمل زرار القلب النور العالى مابيأثرش قوى وفعلا مش بيضايق ومع ذلك فى نوع تانى من المرايات بينزل مع السيراتو وهو مرايات تعتيم وهتلاقى المراية فيها زى سنسور ونور من تحت كده

---

إظاهر و اله أعلم إن الإزاز بتاع مراية الصالون غامق عن المرايات التانية !!! و ده اللى يقصدوه بال D/Night

اقتباس:

---

المشاركة الأصلية كتبت بواسطة morasystem

إظاهر و اله أعلم إن الإزاز بتاع مراية الصالون غامق عن المرايات التانية !!! و ده اللى يقصدوه بال D/Night

---

على فكرة حوار D/Night.مش معناه ان المراية اغمق ولا حاجة دا قصدهم ان المراية فيها الاوبشن اللى تعملها تعتيم للنور بس مانوال مش اوتو زى مراية التعتيم الزاتى

اقتباس:

---

المشاركة الأصلية كتبت بواسطة yasserelsayad

على فكرة حوار d/night.مش معناه ان المراية اغمق ولا حاجة دا قصدهم ان المراية فيها الاوبشن اللى تعملها تعتيم للنور بس مانوال مش اوتو زى مراية التعتيم الزاتى

---

طب مهى دى حاجة موجودة فى كل العربيات

اقتباس:

---

المشاركة الأصلية كتبت بواسطة yasserelsayad

على فكرة حوار d/night.مش معناه ان المراية اغمق ولا حاجة دا قصدهم ان المراية فيها الاوبشن اللى تعملها تعتيم للنور بس مانوال مش اوتو زى مراية التعتيم الزاتى

---

ازاي يا ياسر باشا تتعمل تعتيم مانيوال

اقتباس:

---

المشاركة الأصلية كتبت بواسطة morasystem

طب مهى دى حاجة موجودة فى كل العربيات

---

طيب ما انا عارف ما قولتش حاجة .. بس كان فى عربيات ولسه فيه باردوا مفيهاش الموضوع دا

اقتباس:

---

المشاركة الأصلية كتبت بواسطة alzwawy

ازاي يا ياسر باشا تتعمل تعتيم مانيوال

---

من الحتة اللى بتبقى فى ظهر المراية دى بشدها عليك بتعمل تعتيم للنور اللى ورا

سلام يا جماعة

أنا دخلت الموقع بس ماكنتش واخد بالي من حاجات كتير وفي الموضوع ده رجعت للمواصفات و مفرحتش صراحة كان
البلور عندي clear مش tinted
و كمان صدمت بحاجة و هي مقاومة الصدأ مكتوب عندي LOW
و المناخ مش Tropical

والمراية الداخلية ETCS ؟؟ يعني ايه؟؟

بس في حاجات كتير كمان لفتتني و حاجات مش فاهمها ياريت لو تعرفوها تقولولي و خاصة اللي جنبها أحمر

http://img52.imageshack.us/img52/7771/68820352.jpg