بطاريتي اتسرقت يا جماعة .... الحمدلله علي كل شيء

**thegoodhacker** · 28-05-2010 07:30 PM

امبارح كنت رايح اخرج مع اصحابي فركنت العربية في منطقة سيدي جابر وقلت اتمشي معاهم علي الكورنيش ... الكلام ده كان حوالي الساعة 10 بالليل ....
بعدها بساعتين حوالي الساعة 12 ونص بالليل رجعت لقيت البطارية مش موجودة .... كان فيه كافيه اللي انا راكن بعده بشوية سالت العمال اللي شغالين فيه لو حد قفش الحرامي ده ولا حاجة قالولي ان فيه 3 عربيات قبل مني اتسرقت بطارياتهم برضه وما حدش اخد باله من الحرامي وهو بيسرق ....
وتخيلوا وقت زي ده بعد نص الليل ومفيش محلات بطاريات فاتحة وما ينفعش اسيب العربية في نفس المكان احسن الحرامي يرجع يقشط علي بقية العربية من كاوتش وخلافه ده لو ما اخدش العربية كلها ...
الحمدلله اتصلت بالحاج والدي ربنا يخليه صعبت عليه راح جالي بعربيته وقطرني لغاية البيت ....
والنهاردة رحت ادور علي بطارية جديدة واشتريت بطارية نسر 55 امبير زي اللي كانت راكبة فيها ....
ربنا ما يبارك للحيوان اللي سرق البطارية ربنا ينتقم منه وما يعرف يتهني بالفلوس اللي حيبيع البطارية بيه.... قولوا امين

**FunnyMickey** · 28-05-2010 07:33 PM

انا مش عارف يعني البني ادم الجرئ اللي بيفتح كبوت العربيه ويسرق البطاريه
يعني هوا الكبوت سهل يتفتح اوي كده يعني

**thegoodhacker** · 28-05-2010 07:45 PM

اولا شكرا علي مروركم ...
بالنسبة لفتح كبوت العربيات القديمة زي ال127 و ال128 واللادا فاسهل من كده مفيش ( ممكن يحاول يفتح الكبوت باي اداة ويزنق اي حاجة في الفراغ ده بحيث يزق اللسان بتاع الكبوت او ممكن بسلكة ناشفة شوية يشد بيها سلك الكبوت )
بجد حسبي الله ونعم الوكيل في الحرامية و الشرطة اللي سايباهم يعملوا كده في الناس

**AirForces** · 28-05-2010 07:53 PM

العربيات القديمة الصنايعية بقوا خبرة فيها وسهل يفتحوها فى وقت قليل من غير ما حد ياخد باله
كان عندنا 128 زمان وكنا بنركنها قدام العمارة جنب عربيات العمارة كلها وبنغطيها وهى الوحيدة اللى كانت بتتسرق
كل ما نحط راديو فيها يتسرق ومرة برضو اتسرقت البطارية ومرة العربية كلها اتسرقت بس الحمدلله رجعت تانى لأنه الحرامى كان واخدها ومسافر محافظة والبنزين خلص منه فراماها فى وسط الطريق

ربنا يعوضك عليك وحسبى الله ونعم الوكيل فى الحرامية