عاوز حد يدلنى اركب فين فرش للميجان و يكون تقريبا بنفس الوان الفرش الاصلى
عرض للطباعة
عاوز حد يدلنى اركب فين فرش للميجان و يكون تقريبا بنفس الوان الفرش الاصلى
http://www.nilemotors.net/Nile/133983-a.html
كل الأعضاء بيشكوا فيه و أنا شفته عند واحد زميلنا هنا في المنتدى
بيتهيالى ان لابد ان يكون فى الصيانه تقرير عن كم سيارة استعملت الايرباجز بشكل طبيعى و منع اصحبها من حوادث حقيقه واعتقد ان معظم السيارت داخل القاهره صعب جدا ان ينفجر الايرباجز بشكل طبيعى نظرا لزحمها اللى بيحمينا من شرور انفسنا
للأسف معلومة حضرتك غير سليمة بالمرة.....يجب أن يكون مفهوم الوقاية عندنا عالى خصوصا إننا راكبين ميجان اللى فيها أعلى درجات الأمان...لأن وقت الحادثة لا قدر الله بيبان فرق العربية دى عن أى عربية تانية....و سعتها الحاجة اللى عمرها مكان ليها قيمة (الإيرباج) أصبح ليها أعظم قيمة و قدرت تحمى أهلنا و أحبابنا.
كثير جدا من السيارات اللى فيها إيرباج... إتفتحت الإيرباجز بتاعتهم و حمتهم من موت محقق...و ساعتها بس فهموا يعنى إيه يدفعوا فلوس زيادة علشان أمان العربية. و بالمناسبة معانا عضو فى منتدى رينو عنده 2 إيرباجز أمامى فتحوا نتيجة إنه دخل فى الرصيف من أسبوعين.
زيارة سريعة لمراكز خدمة رينو و شوف المنطقة الخلفية اللى فيها عربيات الحوادث و السمكرة... و حضرتك هتعرف معدل فتح الإيرباج و أد إيه قدر يحمى الناس اللى فى العربية.
طبعا وقت الحادثة متقدرش تقول داخل القاهرة و لا خارج القاهرة....يعنى أعتقد إنك فى بعض الأوقات تقدر تمشى فى صلاح سالم و كوبرى أكتوبر و الدائرى على سرعات عالية جدا و إنت لسه داخل القاهرة... طبعا ده على سبيل المثال و ليس الحصر.
أى خبطة جامدة فى عربية وقفت مرة واحدة قدام حضرتك و حضرتك مفرملتش....الإيرباج هتفتح و خد بالك إن الإيرباج بتاع الميجان من ال generation الحديث فبتفتح على مراحل حسب الخبطة و شدتها.
حضرتك دفعت فلوس فى أمان السيارة... و لاحظ إنك بتتكلم عن أضعف و أكثر منطقة خطورة و هى الأجناب....و تم تركيب 2 curtain air bags لحماية الركاب الأماميين و الخلفيين من الخبطات الجانبية....شوف إيه أهم عندك و إختار....2 إيرباج جانبيين يحموك إنت و أسرتك و أحبابك لا قدر الله من خطر الخبطات الجانبية و ما أكثر المتهورين و المسرعين فى القاهرة و غيرها....أو تركب فرش لطيف و تعتبر فلوسك اللى دفعتها على الإيرباجز الجانبية عوضك على الله فيها و تخاطر بأمان العربية فى سبيل فرش....الإختيار ليك.