الموضوع: السيد البدوي رئيسا للوفد. لسه في أمل يا Human12

المشاركة الأصلية كتبت بواسطة crazylambada

تمام معاك
بس الاخوان عمرهم ما كانوا مشكله حملتين اعتقال و الموضوع بينتهي

مين قال كده..الإخوان طول عمرهم رقم صعب ومشكلة لكل الأنظمة المتعاقبة منذ نشأتهم حتى الآن..ومين قال إن الإخوان بيقفوا بحملتين اعتقال..بالعكس الاعتقالات بتدي الإخوان دفعات وتعاطف داخلي وخارجي فوق الخيال..هم في الحقيقة ينتعشون بالاعتقالات..لو كان الموضوع كده مكنتش الحكومة حملت همهم بالليل والنهار..على فكرة أنا لا أنتمي للإخوان ولي تحفظات عديدة على منهجهم الدعوي والسياسي لكن هذا لا يمنع من النظرة الموضوعية للأمر

المشاركة الأصلية كتبت بواسطة crazylambada

و ايمن نور ملهوش تاثير في رايي خصوصا بعد ما شعبيته بقت في الارض

أيمن نور نفسه واحد من ضحايا العصا والجزرة..والمتابعون جيدا يعلمون أنه كان أحد دعامات مشروع جمال مبارك لكن طموحه خلاه ينسى نفسه...ومشروع (جمعية شباب المستقبل) أصبح اسمها (الغد) بعد ذلك حينما أراد أن (يلعبها لوحده)...وعلى كل فأيمن نور مازالت له شعبيته برغم تناقصها وهو سياسي -وإن كان مراهقا- إلا أنه يعرف كيف يعيد التسويق لنفسه وعلى فكره تحليلي الشخصي لوضعه الحالي أنه مش عاوز يحرق نفسه تاني بدري ومستني شوية لما الدنيا تسخن وهيبتدي يتحرك تحركات أوعى من ذي قبل

المشاركة الأصلية كتبت بواسطة crazylambada

و الاعتصامات للاكل و الشرب مش سياسيه خالص و دي حاجه عاديه يعني حتروح لما الاكل و الشرب يرجع تاني مش لما يبقى في ديموقراطيه لان الحاجات ديه مش في دماغهم
الضغوط الامريكيه علينا من زمان و مكنتش تفرق معانا مش حيبقى اكتر من مركز ابن خلدون
مبدائيا انا مستمتع بحديثي معاك بس بامانه رغم التطور البطيئ للديموقراطيه عندنا بس بالنسبه لدول الجوار عدا اسرائيل احنا في قمه الحريه و بالنسبه لتاريخنا نفس الكلام
و انا مع التطور البطيئ ده بسبب التجربه المؤلمه للسادات
يعني الشعب اللي متعود على القهر ايام زمان مينفعش فجاه اديله كل حاجه حتبقى فوضى

معاك إن كثير من الاعتصامات من أجل (المم) ولكن هل تستهين بذلك..حينما يخرج الإخوان أو غير الإخوان ويعدون الناس بالأيدي النظيفة وبالرخاء ومحاربة الفساد هل تستهين وقتها بهذه الكتلة الصاخبة..لمن ستذهب أصواتها
وغير ذلك هناك الكثير من المظاهرات والاعتصامات في الجامعات وغيرها لم يكن ورائها سوى المطالب السياسية والقائمين عليها من الفئات الوسطى والغنية في المجتمع

المشاركة الأصلية كتبت بواسطة crazylambada

الضغوط الامريكيه علينا من زمان و مكنتش تفرق معانا مش حيبقى اكتر من مركز ابن خلدون

ماهو عشان الضغوط دي نجح 88 واحد من الإخوان في المجلس اللي فات وعشان كده أمريكا تخلت عن ضغوطها لصالح الإخوان..إنما النهاردة في بدائل أخرى (البرادعي- أيمن نور-سعد الدين إبراهيم) وحتى لو مفيش بدائل هناك (الفوضى الخلاقة) وحتى لو مفيش (الفوضى الخلاقة) في (كفاية عليك لغاية كده خلي أخوك يركب شوية) وهاتو حد جديد زي ما حصل مع الشاه وغيره

المشاركة الأصلية كتبت بواسطة crazylambada

دلوقتي الدور على الاحزاب تقوي من نفسها و يبقى لها مرشحين اقويه علشان تحدث سلسه جديده اخرى من الديموقراطيه

هذه الأحزاب جميعا تدار من مكتب واحد بالتليفون ولما أيمن نور حب يعمل فارس طلع إنه مزور توكيلات عن أبوه وزوجته..وبعد كده جميلة طلبت الطلاق وعملتله فضيحة وقالت إنها مع البرادعي ضده..ومن كام يوم طلع ابنه غشاش في الامتحانات
ولما المناضل عبد الحليم قنديل طول لسانه اتعملت له القصة المعروفة بتاعته مع المناضلة كريمة الحفناوي...دنيا تانية يا صديقي

المشاركة الأصلية كتبت بواسطة crazylambada

بس بامانه رغم التطور البطيئ للديموقراطيه عندنا بس بالنسبه لدول الجوار عدا اسرائيل احنا في قمه الحريه و بالنسبه لتاريخنا نفس الكلام

هل تشعر بالحرية والآدمية فعلا في هذا البلد؟!!..وهل هذه الحرية النسبية تستاهل إننا نبوس إيدنا عليها وش وضهر...ليه كده...هذا الأسلوب هو اللي مشجع الناس دي إنها تدي الناس حريتها..وبيتعاملوا مع الشعب بالببرونة على أساس إن الكرامة لقمة كبيرة ولو الشعب بلعها مرة واحدة يزور وممكن يروح فيها..حبايب الشعب

المشاركة الأصلية كتبت بواسطة crazylambada

مبدائيا انا مستمتع بحديثي معاك

وأنا برضه على فكرة ومن غير مبدئيا

المشاركة الأصلية كتبت بواسطة crazylambada

فحقول على الحاجات اللي استغربتها في كلام حضرتك و محتاج استفسار منها
تفتكر من مصلحه امريكا ان يبقى هناك قوه اخوانيه في مصر حتى لو تحت مسمى الديموقراطيه
و هما عارفين الاخوان على ايه و اعتراضهم على كل السياسات :d

شوف يا صاحبي
أمريكا كان عندها أمل في الإخوان لأسباب:
1- شعورها بفقدان النظام الحالي للأرضية الشعبية واعتقادها باحتمال انهيار مصالحها بموت مبارك
2- علمهم التام بأن الإخوان عندهم ميول براجماتية يستطيعون التفاوض من خلالها والوصول إلى حلول مريحة لجميع الأطراف في عملية ترويض كثيرا ما نجحت مع الإخوان
3- النموذج التركي الذي يدعي أنه إسلامي مغري جدا لأمريكا لمحاولة إنتاجه في مصر

لكن الأمريكان مكانوش متخيلين الصورة كويس..والمرحلة الأولي في انتخابات 2005 كانت رسالة من الحكومة لأمريكا إن الإخوان لو تم إتاحة الفرصة لهم الآن قبل الترويض الكامل فسيستولون على السلطة في أيام بطريقة شرعية لذا حدثت المهازل المعروفة في المرحلة الثانية والثالثة من الانتخابات
بعد كده أمريكا شالت إيدها نسبيا من موضوع الإخوان وليس تماما لأنهم بيحاولوا يحافظوا على خطوط اتصال مع الجميع وده الحاصل دلوقتي

المشاركة الأصلية كتبت بواسطة crazylambada

لدرجه ان فيه دراسه قريتها تبع مركز امريكي للبحوث ان امريكا قلقه جدا فيما بعد مبارك و ده مش معناه ان مبارك عميل لأ طبعا
بس الفكره ان مصر مستقره و قياده حكيمه d

مش هنتكلم في موضوع (حكيمة) ده..لكن خلينا في (مستقرة)..مصر مستقرة ظاهريا بحكم القبضة الحديدية للمؤسسة الأمنية ولا توجد شخصية متفق عليها بعد مبارك تستطيع المحافظة على المصالح الأمريكية ومن هنا كان القلق الأمريكي
لكن هل الاستقرار بالقبضة الأمنية يعتبر استقرارا؟!!..وهل لو دام لقرن من الزمان سيدوم أكثر من ذلك؟!!..أين روسيا القيصرية الآن..وأين الاتحاد السوفيتي؟!!
الاستقرار هو الاستقرار الاجتماعي وبالتالي فمصر ليست مستقرة أصلا...مصر على شفا الهاوية على كل المستويات إلا أن يشاء ربي شيئا..وأسأل الله ألا يصيب بلادنا سوء أو مكروه

المشاركة الأصلية كتبت بواسطة crazylambada

بالنسبه لايمن نور انا عند رايي ناس كتير كرهته خصوصا و انا منهم حسيت ان ممكن يبيع اي حاجه علشان مصلحته و متنساش انه كان رقم اتنين في الانتخابات و كسب الدايره الوحيده اللي خسرها مبارك نبروه بلدي الاصل :d
d

إحنا متفقين مش مختلفين في موضوع أيمن نور..هو شخصية وصولية تبحث عن مجدها الشخصي ومثل هذه الشخصيات قد تصل ولكنها تحترق سريعا..فقط أنا حاولت توصيف الواقع الذي من معطياته أن أيمن نور ما زال من اللاعبين السياسيين الرئيسيين في بلد تأكل أبنائها وترمي مواهبهم في البحر فلا يبقى سوى الفقاقيع

المشاركة الأصلية كتبت بواسطة crazylambada

لكن دلوقتي لأ و فكره ان الاحزاب كلها من المكتب بصراحه مش مقتنع بيها بس معرفش حكايه عبد الحليم قنديلd

النقطة دي مش محتاجة براهين وكل من يعملون بالسياسة أو قريبين منها يعلمون ذلك يقينا..كل الصحف والأحزاب والجامعات تدار من مكاتب وبالتليفونات
بالنسبة لموضوع عبد الحليم قنديل فمفيش داعي للتفاصيل المقرفة ولكنه درس لكل واحد يدعي الشرف والنزاهة وحسن السيرة دون حقيقة..وبالتالي فأسهل شئ مع مثل هذه الشخصيات فيلم كده على الماشي وللا تسجيل صوتي وللا ورقة وتبقى قرصة ودن ويادار مدخلك شر..وبعد كده النظام (تحب نذيع يا أستاذ؟) وعلى فكره هو مش لوحده في غيره كتير ومن أشهر أمثلتهم حيدر بغدادي الذي تحول من أشد المهاجمين للنظام إلى واحد من المسبحين بحمده

ونصيحة من أخ سيبك من موضوع الأحزاب ده كله كلام فارغ وكلها أحزاب للإيجار مفروش اللي يدفع يشيل
عاوز يكون لك دور
اتعلم دينك واتعلم الواقع بتاعك وصلح حوالين منك واجتهد على أرض الواقع بنية صافية ووسع الدايرة شوية شوية هتلاقي الدواير كلها بتلحم مع بعض والمجتمع في النهاية يتغير
شوف لقيت كام واحد محترم هنا في المنتدى وقس على ذلك