علبة الدركسيون

**eng.m7md.ali** · 29-05-2010 03:42 PM

المشاركة الأصلية كتبت بواسطة eslamkasem

انا بردو مهندس الصيانة قالي قصة انهم غيرو للناس علبة الدركسيون بس طلع نفس الصوت عشان كدا هما بعتو يجيبو رسالة تانية من ماليزيا

الحل الوحيد الي بعمله اني بعلي صوت التسجيل شوية واركز في الاغنية لانك لو ركزت في حاجه غير الاغنية هتجنن وتقعد تتدعي علي كل واحد قالك هات بروتون وانها احسن عربية نزلت في التاريخ وحورات كتيييره

انا فعلا بعلي الاغاني بس ده ميمنعش اني عارف ان فيه صوت بردو

**waelfarid** · 29-05-2010 03:45 PM

انا بحب سيارات بروتون بس لا سقت ولا ركبت وبفكر أجيبها مستقبلا
هل صوت علبة الدريكسيون مع تحريك الدريكسيون يمين ويسار فقط ولا طول الوقت طول مالعربية دايرة
هل الصوت ده ينرفز-عالي ومزعج
هل يؤثر في توجيه العربية والتحكم فيها
هل موجود في كل فئات البروتون اللي في مصر واجا-جين تو-برسونا- ساجا
هل حد غير علبة الدريكسيون دي لسبب غير الصوت ده
وتقبلو مروري وجزاكم الله خيرا ولكم خالص تحياتي

**ahmedfathi** · 29-05-2010 03:46 PM

طب ازاى يا جماعه اعرف ان علبه الدركسيون عندى عاوزه تتغير ولا لا؟

والاصوات اللى انتو بتقولوا عليها دى بتتسمع فين وامتى ؟

**waelfarid** · 29-05-2010 03:47 PM

هل المحرك البروتوني campro CPSنزل في الموديلات الجديدة 2010
أصله مبيقبلش غير بنزين 95

**mido_soliman** · 29-05-2010 03:52 PM

المشاركة الأصلية كتبت بواسطة waelfarid

هل المحرك البروتوني campro cpsنزل في الموديلات الجديدة 2010
أصله مبيقبلش غير بنزين 95

منزلش لسة ومحدش عارف حينزل ولالاء

**momopersona** · 29-05-2010 03:58 PM

المشاركة الأصلية كتبت بواسطة felix

طيب هو العيب عندنا احنا في مصر ولا عيب الخامات اللي مبتستحملش مصر ولا نفس العيب عندهم في ماليزيا ؟؟

لا العيب ظهر عندهم فى ماليزيا بردو وسموcarrefour noise
وطبعا بردو احنا عندنا الموضوع ملحوظ جامد لان عندنا طرق كتيييير بيبان فيها

**eslamkasem** · 29-05-2010 03:58 PM

هوا صوت تزيق متصل بس وانتا ماشي علي ارض غير ممهده مثلا مطب او شارع بايظ تسمع بقي شوية اصوات عجب تحس سعات انها جاية من المساعد الشمال وسعات تحس انه من الطبلوه بتاع العربية وسعات تحس ان العربية شوية كدا وتسيب من بعضيها يا جماعه دا صوت موسيقي زي العسل بجد خلاص بقيت مقدرش استغني عنه وحسبي الله ونعم الوكيل

**mido_soliman** · 29-05-2010 04:02 PM

طب بردة كام واحد عندة العيب دة ولا كل الناس وهل فى ناس معندهاش ؟؟؟ حد من اللى عندة الجين 2010 عندة العيب دة ؟؟؟

**momopersona** · 29-05-2010 04:05 PM

المشاركة الأصلية كتبت بواسطة mido_soliman

عايزين نعمل موضوع يكون فية حصر لكل ملاك البروتون اللى عندهم العيب دة وهوة عبارة عن اية يعنى صوت متصل ولا منفصل وشرحة ازاى ياريت يا فيلكس تشرحلى لانى مقبل على شراء الجين2 فى القريب العاجل

يااااااااه انا مابقاش عندى امل فى اعضاء المنتدى خلاص من بعد موضوع الطنابير اللى بئا ضمانها 30 الف بس وقعدنا نقول هانروح وهانيجى وهانعمل وفى الاخر يلا ننفذ ولا واحد عمل حاجه

المشاركة الأصلية كتبت بواسطة eslamkasem

هوا صوت تزيق متصل بس وانتا ماشي علي ارض غير ممهده مثلا مطب او شارع بايظ تسمع بقي شوية اصوات عجب تحس سعات انها جاية من المساعد الشمال وسعات تحس انه من الطبلوه بتاع العربية وسعات تحس ان العربية شوية كدا وتسيب من بعضيها يا جماعه دا صوت موسيقي زي العسل بجد خلاص بقيت مقدرش استغني عنه وحسبي الله ونعم الوكيل

باشا انت كده عندك عيبين مش عيب واحد
علبة الدريكسيون + كلوك اسبرينج
انت كده عندك حاجه اسمها كلوك اسبيرينج بتتغير فى الضمان دى اللى عامله صوت التزييق او الموسيقى
علبة الدريكسيون هى سبب اصوات التكتكه او التخبيط اللى مع الطرق المكسره او المطبات الصغيره بس اللى بتحسها جايه من عند المساعدين وبتخبط فى الدريكسيزن خبطه بسيطه كده

انما التزييق اللى فى الدريكسيون او التابلوه كده والموسيقى دى كلك اسبرينغ