الموضوع: قمة التخلف

المشاركة الأصلية كتبت بواسطة بحري

لا يا صديقي
لما ده بيحصل معناه مباشرة إننا نتعطل عن مصالحنا بلا ذنب..وإن ناس كتير عربياتها تتكسر وهي دافعة فيها دم قلبها ..وإنك تبقى واقف بالإسعاف عشان تروح تجيب حالة ومش عارف تعدي..أو إنك رايح في مشوار مهم وحساس وممكن يغير مجرى حياتك وواقف مش عارف تتصرف وشايف مستقبلك بيضيع..وإن واحد عنده السكر ممكن يروح فيها من حرقة الدم..أو إن واحدة تولد في العربية عشان مش عارفه توصل المستشفى
لما ده يحصل معناه ظلم مباشر لناس كل ذنبهم إنهم عدوا في المكان ده وقت الحادثة
اللي عاوز يسقط هيبة الحكومة يروح للحكومة نفسها مش للناس الغلابة اللي زيه
إلا إذا اعتبرنا أن كل من يملك سيارة هو وغد وعميل للحكومة
وحتى بهذا الاعتبار في ناس كتير هتلاقيها مزنوقة في الميكروباصات وواقفة في القفلة مستنية الفرج

هو دا اللي انا اقصدة
انا مش بنقص من حق الناس دي لان كون انهم يتصرفوا تصرف زي دا معناه انهم حاسين بظلم
بس المشكلة دلوقتي ان مفيش حد بيفكر .. يقطع طريق و ميفكرش اي الضرر اللي ممكن يسببوا .. اكيد محدش يقدر يتحمل انه يكون سبب في موت انسان لاقدر الله ... كلام كتير جدا ممكن يتقال بس ربنا يصلح حالنا جميعا

صحيح لو حد من رشيد يقوللنا اي اللي حصل في ادفينا من فترة !! كانت مهزلة بردو

المشاركة الأصلية كتبت بواسطة aif

هو ده مربط الفرس ... احنا كلنا
احنا لو ناس كويسين .... اكيد كان ربنا سخر لنا حكومة كويسة
كل واحد بياخد حقه تماما ..... اللي يستحقه تماما
ولا يظلم ربك احدا
.....
لما نبقى ناس كويسين ومحترمين ومؤمنين ومنظمين ونظاف وبنراعي الحلال والحرام وبنتقن عملنا وبنراعي ضميرنا ...وحاجات تاني كتييييير
.... نبقى نقول يارب ارزقنا بحكومة كويسة ومحترمة تحافظ علينا وعلى كرامتنا .... جوه وبره .... واكيد ربنا ح يستجيب لما نصلح نفسنا

إن الله لا يغير ما بقوم حتى يغيروا ما بأنفسهم