تفاصيل اصلاح الويرا - الحمد لله - و شكر خاص لاعضاء نايل موتورز
السلام عليكم اهل بروتون
انا كان عندي كذا مشكلة في العربية كالتالي:
المساعدين الي ورا بقة خفاف جدا و صوت خبط و رقع و مزيكا من العفشة اللي ورا
لمبة الاعطال نورت مرتين و العربية سحبها بقى خنيييييييييييييق لدرجة انها سحبها صفر و انا جايب 80 على الرابع
الازاز الكهربا كلها باظ و مفيش ولا واحد شغال - انا واخدها وواحد بس هو اللي بايظ
العربية بتحدف يمين و الركسيون بيلف يمبن برضه لوحده
الاستهلاك بدأ يعلى ووصل ل 190 ميلو في الصفيحة
انا كنت اكلمت عن الحاجات دي في الموضوعين دول
http://www.nilemotors.net/Nile/15130...-engine-2.html
http://www.nilemotors.net/Nile/135885-a-3.html
خطوات الاصلاح كانت كالتالي:
بالاتفاق مع العضو الكريم ابو صلاح عرفني على عفشجي كويس في عين شمس، الراجل العفشجي كان فاهم جدا اول ما شافه الويرا عرف عفشتها و مساعدنها و حلل المشكلة من غير ن يجرب و قاللي لمساعدين خفاف شوية و كمان مبوشين (مفهمتش) و في جلبتين عاوزين يتغيرو، قاللي خد الاستيراد ب 200 بالتركيب بس بصراحة انا بحب الجديد فقولت اشتري الجديد
تم شراء المساعدين KYB زي استاذ الويرا ابو حميد و مهاب ملك الواجا قالولي و جلبتين ورا = 380 + 60 من عند الشرقاوي اللي في جسر السويس
المساعدين الراجل قاللي هم غاز على زيت بس كان مكتوب علهم GAS بس برضه مكتوب عليهم Excel-G و على الموقع بتاعم بيقولو ان دول طبق الاصل من بتوع العربية
جبت غطا الكارنيرة بالمرة ب 40 جنيه
و الراجل كمان بتاع قطع الغيار هو بيشتغل في الياباني و كان عارف كل حتة بتاعة كام في اللانسر
عشان الزحمة سيبت العربية للعفشجي و روحت فيصل مواصلات
تاني يوم خت العربية و الراجل قاللي 100 جنيه عشان خاطر محمد باشا (ابو صلاح) عشان عربيتك من ورا فيها شغل كتير، وراني المساعدين القدام و قاللي شوف مبوشين ازاي و لقيتهم فعلا العمود مش ثاب في جسم المساعدين كان المكان واسع عليه، حطهملي في كرتون و سابهملي طبعا اتا غاليا هرميهم و بكده اتحلت مشكلة العفشة
في مشكلة في ثبات العربية انها ثابتة زيادة عم اللزوم فبقيت بغرز بيها و آخد ملفات و مراتي مش عاوزة تركب معايا :verygood:
نيجي للمبة الاعطال و السحب الخنيق و استهلاك البنزين
ورشة فيصل كلهم ذوء جدا بس محدش فاضي :ma:
وانا مروح لقيت ميكانيكي كده ملوش ورشة بيقف في الشارع كان بيصلحلي ال 127 و كان بيغير هدومه (الساعة 11 بالليل بقى ة مفيش حد شايف) :36_1_8[1]: و لقيت ةاحد معاه كليو بيشكره جدا و قالله مش عاوز الحاجات اللي غيرها (يا لهوي ده بعمل صيانة الفرنساوي) بقوله على موضوع البرجلة و السحب و كده قالي افتح الكبود و دور العربية و ووقف يفكر، فجأه قاللي (بس بس بس)
ونط على الكنبة اللي ورا و فكها (هي كنبة بيتك دي يا عم) و قاللي بصي و لقيت فيشة ترومبة البنزين ملخلخة و اتحلت مشكلة صفر سحب بس برضه مش اوي
وانا مسافر اسكندرية دخلت امارات مصر و جبت المنتج ده
بيعمل كذا حاجة و بينضف حاجات كتيرة جدا
Cleans and protects your entire fuel system from performance loss with just one treatment.
This STP® formulation contains the highest level of detergents of any STP® formula. It helps clean your entire fuel system to restore its optimum operating condition. The advanced formula helps clean fuel injectors, carburetors, intake valves and ports, combustion chambers, cylinder heads and piston tops. It contains jet fuel, a high-quality carrier of active ingredients.
Helps
- Restore lost power and acceleration
- Reduce hard starts and engine hesitation
- Stop knock and ping
Usage Frequency
Use twice a year.
ب 77 جنيه (خدو 10 جنيه زيادة) و روحت اسكندرية و العربية الحمد لله بقت حاجاة تانية و سحبها اتحسن جدا و لسةالتفويلة مخصلتش. و بحط ايدي على الشكمان لقيته بيجيب مية (مش عارف ده معناه ان الموتور كويس ولا ان نظام الاحتراق ماشي صح)
موضوع الازاز الكهربا روحت لواحد كده في اول جسر السويس بتاع مفاتيح و بيبان، بعد الكشفة لقينا ان مجموعة الازاز اللي جنبي بتعلق و بتخلي الازل ميفتحش، فصلها شوية و ركبها تاني اشتغل ما عدا الازاز اللي بايظ من الاول و لقتها اساسا فاصل كهربا (محتاجة كهربائي دي)
الموضوع اتكرر معايا تاني روحت عملت زي ما عمل و اشتغل :ma:
و عمل مرة تالتة فمن زهقي خبط عليه اشتغل :ma::ma::ma:
لو حد يعرف سعره كام يا ريت يقولي
موضوع الحدفة الجماعة في بريدجستون قالولي ان الماوتش بتاعك جاب أخره (مع انه مش ممسوح و عمق النقسة حوالي 3 مللي فطبعا مضطر اتعايش معاها لغاية ما اغير الكاوتش كمان سنة ولا حاجة هو على فكرة نوعه Good Year
انا احب اوجه شكر خاص للاعضاء
[glow=#ffff00]أبو صلاح
ahmed_h_g
momopersona
powerofhelll
MohabSaeed[/glow]
يعني انا كنت مضايق جدا و سسلبي في كلامي بس بصراحة التاس مكنتش بتبخل بالنصيحة و الوقت و المجهود
وآسف للاطالة بس انا مبسوط :shine[1]:
