الموضوع: أضطرابات النوم.....هل من حل ؟؟

شوف حضرتك

لست اخصائيا بس يعني هنحاول كده مع بعض يمكن نلاقي حل او الي ان يأتينا احد المختصين بالخبر اليقين



مبدأيا نتكلم علي مشكلة صعوبة النوم التي اعتقد انها المسبب لصعوبة الاستيقاظ نتيجة الارهاق او لها اسباب اخري

هو حضرتك بعد ما بتنام كم ساعة تحصل عليها من النوم ؟

هل تشعر بالارهاق طوال اليوم بعد الاستيقاظ ؟ " مخدتش كفايتك يعني من النوم"

و هل بتاخد ساعتين نوم بعد الظهر او العصر ؟

حضرتك بتسافر بره مصر ؟

او بتشتغل دوما او احيانا في نوبتجيات ليلا مثلا

و ايه اخبار القهوة و اخواتها و السجاير او هل بدأت تقلل منهم مؤخرا ؟

هل حضرتك مصاب بالسكر ؟

في ادوية معينة بتأخدها ؟

في اي مشاكل صحية حضرتك بتسبب الم خاصة بالليل ؟" صداع- الم في الاذن - طنين - حكة في الجلد - صعوبة في التنفس- الخ"

حضرتك اجاباتك علي الاسئلة اللي فاتت غالبا بتوضح ايه سبب الصعوبة في الدخول الي النوم

و من خلال تفاديها المشكلة تتحل بإذن الله

مع بعض النصائح العامة و المشهورة مثل

عدم النوم بالنهار
النوم فقط عند الاحساس بالنعاس
تفريغ الذهن تماما من اي مشاكل و هموم " قراءة القرءان و الصلاة علاج سحري"
برضه حضرتك تخلي المكان اللي بتنام فيه مخصص للنوم فقط لا اكل و لا مشاهدة تليفزيون للنوم بس
بعض التمارين الخفيفة قبل النوم

في الغالب لا يفضل اللجوء الي ادوية لمشاكلها
و في حال- لا قدر الله- الاحتياج لادوية فهذه بحاجة الي اخصائي لكي يقرر ذلك و ليس احد اخر

الف سلامة علي حضرتك

اعتذر عن عدم الانتباه الي مشاركتك سيدي الا الان

أصلاً مسافر برة مصر بقالى أكتر من شهرين أهو

عادة التغيير في فروق التوقيت نتيجة السفر تحدث هذا الارق

الا انني لا اعتقد ان اعراض هذا التغيير يستمر شهرين

كما انه اذا كان هذا هو السبب فإن الاعراض ستزول تلقائيا بعد فترة بسيطة


ايضا من اعراض الاقلال في الكافيين ان تسبب هذا الارق

يمكن أحياناً بيجيلى صداع بسبب فقرات الرقبة من كتر الشغل أو القعدة قدام الكمبيوتر......و دى برضه موجودة من زمان بس يمكن اللى زاد مؤخراً فى موضوع الرقبة أنى ساعات قليلة بحس بتنميل فى الرقبة مش عارف ليه.

الم الرقبة ده برضه ممكن يسبب ارق و صعوبة الدخول في النوم

و يفضل ان حضرتك تكشف علي موضوع الم الرقبة عند الطبيب المختص لمعرفة السبب وراء الالم سواء كان بسبب الجلسة الخاطئة او اي سبب اخر مع البدء بالعلاج الملائم للسبب

اخيرا ممكن يكون السبب نفسي نتيجة السفر للخارج و الابتعاد عن الاسرة و الاهل