هممممممممم
هو حتة اني ما خيبتش ظنك فدي أرجو انها تكون خير , و مش عايز اقول لك اني كنت متوقعها نوعا ما و اترددتش و انا باطرحها لأني باحب تبادل الأفكار انا كمان
:b4_033:
هاكون صريح معاك , انا يمكن من ايام موضوع غزة ده و انا عمال بالاحظ استغلال التفكير الميكيافيللي مرة ورا مرة ورا مرة في تبرير افعال يندى لها الجبين بحجج كتير و بأنواع من المنطق كانت بالنسبة لي صادمة كان أشهرها اللي انا قلتهم في اول التوبيك هنا و كلها أفكار و اقوال حقيقية شفتها بعيني من أصحابها مباشرةً
أذكر مرة كمان دار بيني و بين واحد على الفيس بوك الحوار التالي
انا حتى ما نسيتش كلمة "يكوتش" بتاعته لحد دلوقتهو: لما تكون قد اسرائيل ابقى اعترض على اي حاجة بتعملها او اي حاجة تقول لك تعملها يكوتش
انا : ده بمبدأ لما يجي لك الطوفان حط ابنك تحت رجليك ؟
هو: بالظبط يكوتش
بس احقاقا للحق , مش كل اللي بيفكروا بالطريقة دي اشخاص سيئين , فيه ناس بتبقى نواياهم طيبة فعلا و لكن تلاقي الواحد منهم مقتنع بنوعية التفكير دي , و يمكن دول هدفي من طرح الموضوع ده
انا مش عايز اخرج بعيد عن الموضوع اوي , بس خلينا نراجع الجزئية التاريخية اللي ذكرتها الأول
الواقع ان اللي عملوه هنا في الفترة دي تحديدا ما كانش فيه ميكيافيللية خالص لأن ما كانش فيه تضحية بمبدأ بالمرة , على العكس , عبد الناصر مشي في حرب الاستنزاف اللي نوعا ما رجعت الروح للشعب المصري , و السادات مشي في خطة الخداع اللي كان لها أثر مفيد جدا , ماحدش فيهم مثلا عمل زي العميل عباس و اعلن نبذ المقاومة المسلحة و اللجوء الكامل للمفاوضات (ده على فرض انه حسن النية و مش عميل و ده فرض خطأ اصلا ) , واقعيا الميكيافيللية للأسف حصلت بعد 73 على طولدا علي كده بقي عبد الناصر و بعديه السادات فضلوا ماشين بمبدأ الميكافيللي ده يجي ست سنين !!
ناخد مثال كمان مشهور اوي من الحاضر , سوريا ( و انا عارف انك مش هاتطرح عليا اطروحات برة الموضوع زي الدكتاتورية و ضعف جيشهم و الكلام ده ) , سوريا ارضها محتلة من سنين طويلة اوي , و ما عندهمش القوة لاسترجاعها , لكنهم في نفس الوقت ما وطوش راسهم و مشيوا في ديل اسرائيل , الواقع انهم مش بيحاربوا , لكنهم في حالة لا سلم و لا حرب , و متحالفين مع ايران و بيمدوا حزب الله ( اللي بيحارب اسرائيل ) بالسلاح و طبعا بيمرروا له سلاح جاي من ايران
سوريا هنا ما تنازلتش عن اي مبدأ رغم عدم قدرتها على الحرب , ما قالوش احنا مش قد اسرائيل و الجولان راحت خلاص نعمل سلام مع اسرائيل بقى و خلاص ما هي خلاص مش راجعة
انا عندي لسه كلام كتير و الله , بس مش عايز اطول اوي في البوست
المفضلات