قدر الله و ماشاء فعل و الحمدلله إنها بسيطة و إنك بخير
قدر الله و ماشاء فعل و الحمدلله إنها بسيطة و إنك بخير
م. عمرو ربنا يخليك يا غالي والحمدلله على كل شيء.
ا/ خالد الف شكر على مشكرتك وربنا يحفظنا جميعاُ ويكفينا شر الطريق
ا/jisso82 فعلاً كان ممكن الموضوع يبقى اكبر من كده.. ربنا يحفظنا جميعاً
شكراُ وتقبل تحياتي
بشمهندس رفيق الحمد لله ان الموضوع جه على اد كده ,للاسف احنا معرضين لحاجات اكتر من كده طول ماحنا ماشين بنظام الغابه .
عموما الحمد لله انك بخير و العربيه حترجع زى الاول
للاسف الفانوس الجديد مش متوافر بره و موجود فى التوكيل بس .
قدامك حل من 3
1- تشترى الفانوس من التوكيل
2- تشترى فانوسين ديبو تيوانى الشكل القديم تمنهم تقريبا 350 .. 380 جنيه
3- تعمل وش للفانوس
افضل حل طبعا هو الفانوس الاصلى . علاشان تحافظ على شكل العربيه .
تحياتى ليك .
معلش يا رفيق الحمد لله انها جت على قد كده
الف حمد لله على سلامتك اولا و اخيرا
معلشى لى راى انا لو مكانك هاشترى الفوانيس الديبو و دى كويسة جدا و ارخص بكتير و بعدين انت عارف احنا فى مصر المحروسة يعنى انا و الله لما جبت عربيتى الساجا و هيا لسة مش مكنلة 1000 كيلو عيال و لاد حلال كسروا الفانوس الخلفى فاعتقد ان الديبو افضل لرخص السعر و كمان عشان لا قدر الله لو حصل حاجة مش تبقى زعلان قوى و هما مش هايغيروا من شكل العربية و لا حاجة لانهم تقليد مطابق للاصلى و ربنا يوفقك
مهاب باشا
شكرا جداً على مشاركتك ورأيك المحترم - فعلاً كلامك مظبوط وده نفس تفكيري.. كل ما في الموضوع اني بحاول ادور على واحد اصلي يكون بسعر ارخص شوية.. ولو ملقتش يبقى لا مفر واحد جديدوامري لله..
ربنا يكيفنا جميعاً شر الحوادث..
تقبل تحياتي وبرضة مستني اقابلك قريب..
م/محمد الحمدللع على كل شيء وفعلاً الموضوع بسيط بس كان معكنيني جداُ في الاول.. بسبب اهمال الناس في الشارع والسواقة بطريقة الفهلوة والدراع.. بس حنقول ايه.. ربنا يهدي الجميع
تقبل تحياتي واحترامي
ا/ عمرو فكرتك حقيقية فعلاً والفانوس التيواني حيكون عملي اكتر من الاصلي لانه متوافر وسعرة ارخص وكمان فيه منه اشكال.. انا وجهة نظري الوحيدة هي ان شكل الفانوس الاصلي عجبني وبحاول مغيرهوش بالذات ان التيواني اللي موجود هو الفانوس القديم بتاع الواجا مش الجديد.. بس انا مش مستعجل وبحاول ادور على واحد اصلي بسعر مناسب لو ملقتش حبتدي افكر يا اما اجيب الاصلي من التوكيل او اجيب التيواني واختار واختار الشكل الافضل..
الحمدلله على كل شيء..
شكراً على مشركتك واهتمامك
تقبل تحياتي
قدر الله وماشاء فعل , وان شاء الله تكون اخر الخبطات
وربنا يباركلك فى الواجا ويحفظهالك ويكفيك شر الطريق يارب
والف الف سلامه على الواجــا http://i122.photobucket.com/albums/o...owerysmile.gif
الحمد لله انها جت على قد كدة
ربنا يستر طريقك ويباركلك فى عربيتك
قدر الله وما شاء فعل.فى واحد فى اخر شارع 45 من ناحية شارع مصطفى كامل "الملاحة" عندة عربية جين2 متقطعة وان شاء الله تلاقى عندة فانوسين استعمال.من شهر شفت عندة فانوسين زى الفل بس واحد فيهم كان فى جزء صغير مشطوف.لو ملقتش عندة فى واحد فى الساعة اسمة "بيبس" عندة اكتر من عربية متقطعه و السعر حيبقى اقل بكتير من التوكيل بالاضافة انهم اصلى و معظم الفوانيس الى شفتها كانت زى الجديدة.
قدر الله وماشاء فعل
ولايهمك يا رفيق الحمد لله على كل حال
وان شاء الله تلاقى الفانوس الاصلى رخيص بره التوكيل وممكن تسال اصحاب قطع الغيار الى موجودين فى شارع دمشق لانهم دائما بيجيبوه القطع الجديدة
وربنا يحفظك ويحفظلك عربيتك ويكفينا ويكفيك شر الحوادث