الموضوع: الحمدلله على كل شئ - حادثة بسيطة - محتاج رأيكم يا شباب

المشاركة الأصلية كتبت بواسطة Hmatchy

الحمد لله انها جت على قد كدة
ربنا يستر طريقك ويباركلك فى عربيتك

شكراً جزيلاً يا فندم

المشاركة الأصلية كتبت بواسطة koheya

قدر الله وما شاء فعل.فى واحد فى اخر شارع 45 من ناحية شارع مصطفى كامل "الملاحة" عندة عربية جين2 متقطعة وان شاء الله تلاقى عندة فانوسين استعمال.من شهر شفت عندة فانوسين زى الفل بس واحد فيهم كان فى جزء صغير مشطوف.لو ملقتش عندة فى واحد فى الساعة اسمة "بيبس" عندة اكتر من عربية متقطعه و السعر حيبقى اقل بكتير من التوكيل بالاضافة انهم اصلى و معظم الفوانيس الى شفتها كانت زى الجديدة.

أ/ koheya انا عربيتي واجـــــا مش جين2 وانا شغال بدور في كل حتة

المشاركة الأصلية كتبت بواسطة Osama.shihata

قدر الله وماشاء فعل
ولايهمك يا رفيق الحمد لله على كل حال
وان شاء الله تلاقى الفانوس الاصلى رخيص بره التوكيل وممكن تسال اصحاب قطع الغيار الى موجودين فى شارع دمشق لانهم دائما بيجيبوه القطع الجديدة
وربنا يحفظك ويحفظلك عربيتك ويكفينا ويكفيك شر الحوادث

ا/ أسامة باشا ربنا يخليك يا غالي على ردك.. انا سألت في شارع دمشق وفي واحد قالي ان الفانوس موجود عند المستورد بس هما بيجبوه بالطلب.. الواحد عامل 450 (الأصلي )... طبعاُ سعر مناسب جداُ .. ربنا يسهل واخلص في واحد..
ربنا يخليلنا محالات قطع الغيار ويرحمنا من التوكيل
ربنا يستر طريقكم جميعاُ
والف شكر على اهتمامكم وردكم
تقبلوا تحياتي

المشاركة الأصلية كتبت بواسطة ehab49

قدر الله وما شاء فعل
الحمد لله من قبل ومن بعد

الف شكر ا/ إيهاب على مشاركتك.

للعلم :
الحمد لله تم عمل الجزء الخاص بالسمكرة عند واحد اسمة هشام في عزبة سعد
وقت العمل حوالي 20 دقيقة - لقيته نط جوة الشنطة وقالي أقفل عليا يا استاذ ........!!!!!!
التلكفة 40 جنيه مصري فقط لا غير. الحمدلله.
والف شكر لكل المهتمين بالموضوع
تقبلوا تحياتي