wصوت غريب فى قربه المياه

**بحري** · 31-05-2010 11:46 AM

حضرتك بتجيب زجاجة مياه كبيرة وتقلبها مباشرة في فوهة الرادياتير والعربية دايرة وتفضل ماسك الزجاجة وتزود بنزين كذا مرة..هتلاقي المياه اللي في الزجاجة نزلت في الرادياتير وطلع مكانها فقاعات الهواء الموجودة في الرادياتير

مرة حصل معايا إن القربة كانت مليانة تماما وباردة ومفيش مشاكل والعربية مولعة ومؤشر الحرارة في السماء لما كنت هاتجنن وفي النهاية طلع في هوا في الرادياتير وبمجرد سحب الهوا المياه اللي في القربة اتشفطت في ثواني واتضح إن الرادياتير كان فاضي

**ahmed_moeaz** · 31-05-2010 06:53 PM

للناس اللى سألت ازاى تاخد هو دورة المية فيه طريقتين
الاولى ان يكون فيه حنفية فى الاردادتير بتدور العربية وتدوس بنزين وانت فاتح الحنفية شوية وهو هينفس ويطلع الهوا وهتلاقى مستوى المية فى القربة نزل فزودها وانت برضو فاتح الحنفية لغاية مالحنفية متجبش غير مية وتلاقى المية فى القربة بتتقلب تقفل الحنفية وتزود القربة واقفل واتوكل على الله
التانية لو مفيش حنفيه بتدور العربية عادى وافتح الغطا بتاع القربة وشوف الخرطوم الراجع من الاردادتير للقربة وافصلة عن القربة وخليه يطلع المية بره وزود بنزين برضو هتلاقى المية بتقطع شوية شوية لغاية مالخرطوم بيجيب مية باستمرار تركبة تانى وزود المية وتوكل على الله

**Esam Mosaad** · 31-05-2010 09:06 PM

ايه الحلاوه ديه والله انتوا ناس زى الفل والورد والياسمين
بالنسبه للحنفيه انا عندى فعلا بس تحت خالص للاسف مش بطولها
بالنسبه لانى اجيب ازاه ميه وادلقها او انى افصل الخرطوم
ديه بايدى انى اعملها بس هحتاج جركن مايه خضرا ب 30 جنيه

مينحرمش منكم يا جماعه وربنا يكرمكم جمبعا

__________________________________

يرجى مراعاة الدقه فى كتابة لفظ الجلاله بشكل صحيح

مشرف الورشه