تجربتي مع جين 2 والبنزين 95

**khpopo** · 29-05-2010 08:52 PM

المشاركة الأصلية كتبت بواسطة k3a

هو مما لاشك فبه ان بنزين 95 افضل وده مكتوب فى الكاتلوج انك متستخدمش اقل من 95
وطبعا ده صعب في مصر لان الحكومة المصرية بتتاجر على مواطنيها في بنزين بلدهم و تتدعي بعد كده انها بتدعمه ...
المهم
ممكن تكون المشكلة في محطة البنزين
انا عن نفسي بحط 92 على طول بس ممكن احط من محطه معينة احس ان سحب العربية تقيل و ممكن احط من محطة تانيه احسن اني راكب طيارة
و ممكن احط من محطة معينة احس ان البنزين بيتحرق بسرعة جدا
و احياننا احس ان البنزين كأنه مياه و كأني بدوس بنزين فى الهوا

انا اشك انه في كتير من محطات البنزين فى مصر بتخلط 90 على 92 و تبيعه على انه 92 و ايضا اشك انه في غش كبير

عموما راقب اداء العربية بعد كل مرة تمون فيها و المحطة اللى ترتاح لها مون منها على طول

اما بالنسبة لخلط البنزين(95-92 ) فدي فكرة ممتازة بس عايزة طريقة معينة عشان تضمن تجانس جيد للبنزبن لان كثافته بتختلف حسب الاوكتان و من ثم تجد ان نوع معين في اسفل التنك و الأخر فوقه

كمان على فكرة ممكن يكون البنرين مضبوط في الاوكتان بتاعه بس مليان شوائب وده لان المحطة متنضفش فلاتر المكن كويس و تكون النتيجة اداء سيئ بسبب عدم انتظام مرور البنزين و كذلك تأخير النقلة في السيارات الاوتوماتك

+111

ربنا يوفق

**elmadawy** · 29-05-2010 09:20 PM

المشاركة الأصلية كتبت بواسطة mo7hamedemad

انا مرة سمعت قبل كدة انك ممكن تحط نص التانك 92 والنص التانى 95 ودة بيديك نفس اداء ال95 هل الكلام دة صح ولا اية؟

انا بعمل كده مع جينا وبلاقي في فرق كبير في صوت واداء العربيه

**eng.m7md.ali** · 29-05-2010 09:26 PM

ال octan booster يغني عن بنزين 95
بس انت حطو في تفويلة 92 وشوف الفرق وادعيلي

**yoko** · 29-05-2010 09:28 PM

المشاركة الأصلية كتبت بواسطة felix

ال octan booster يغني عن بنزين 95
بس انت حطو في تفويلة 92 وشوف الفرق وادعيلي

فعلا بس إستخدامة المستمر ممكن يكون ليه أضرار على الموتور

**eng.m7md.ali** · 29-05-2010 09:32 PM

المشاركة الأصلية كتبت بواسطة yoko

فعلا بس إستخدامة المستمر ممكن يكون ليه أضرار على الموتور

انا بستعملو مرة كل 4000 كيلو بس بصراحة فرق كبير في الصوت والسحب واستهلاك البنزين

للاحسن طبعا:b4_048:

**yoko** · 29-05-2010 09:33 PM

المشاركة الأصلية كتبت بواسطة mido_soliman

بكام ومنين ووظيفتة اية بالظبط واحطة كل تفويلة ؟؟؟؟

سعره يتراوح من ٢٠ لحد ٣٤ جنيه على حسب الماركه وإستخدامة المفروض يكون لو إضطريت تحط أوكتان أقل من المفروض أو لو داخل سباق وعايز أعلى أداء لكن مشكلته إن هو بيعمل مركبات تغني عن الأوكتان مش أوكتان بجد فممكن يكون ليه ضرر على الموتور (بس معنديش معلومة مأكده إنه بيضر مجرد سمع)
وأنا إستخدمته مرة في اللينيا وعلى بنزين ٩٠ حطيت علبتين العربيه كانت بتجري جري مش طبيعي

**د.محمود صلاح** · 29-05-2010 10:30 PM

البنزين عندنا في عمان ب 98 اوكتان بما يوازي 160 قرش

**yoko** · 29-05-2010 11:32 PM

المشاركة الأصلية كتبت بواسطة د.محمود صلاح

البنزين عندنا في عمان ب 98 اوكتان بما يوازي 160 قرش

هههههه في السعوديه ال٩٢ ب٤٥ هلله يعني مكملش ٧٠ قرش كنت بفول الكورولا ب٢٠ ريال =٣٠ جنيه والتفويله بتعمل أكتر من ٥٠٠ كم عشان أنا في بلد صناعيه شبه العاشر من رمضان كده

-

الموضوع: تجربتي مع جين 2 والبنزين 95

LinkBack

أدوات الموضوع

عرض

-

-

-

-

-

-

-

المواضيع المتشابهه

السيراتو والبنزين 92

الفيرنا والبنزين

صنى وكورولا والبنزين

الفيرنا والبنزين ال 80..

الاكسنت 98 والبنزين 80

الكلمات الدلالية لهذا الموضوع

المفضلات

المفضلات

ضوابط المشاركة