للبيع - تويوتا كورولا 2005 - 1300cc

تويوتا كورولا - 2005 , 1300cc
مانيوال - لون أسود و داخلي بيج
55 ألف كم - أول يد
تكييف - باور - كاسيت --- سنتر لوك + انذار (مش أصلي, تم تركيبه من سنتين عند السجان في شارع دمشق)
خوارج فابريكة - خدوش و تجريحات الشارع المصري المعتادة
دواخل فابريكة
الصالون في حالة ممتازة - الفرش الأصلي مغطى بفرش اضافي من أول يوم
السيارة في حالة عامة جيدة جدا - الصيانة في مواعيدها في التوكيل, توجد الفواتير
البطارية الأصلية - جيدة جدا
الكاوتش الأصلي - لم يستبدل منذ تاريخ الشراء
سعر مبدئي 85,000 - قابل للتفاوض
م/أحمد زكريا - 0101153065
رخصة سارية حتى مارس 2012


ملحوظة: لا يمكنني متابعة هذا الموضوع يوميا, لذا عذرا اذا تأخرت في الرد


السلام عليكم و رحمة الله
أحمد زكريا

سعر كويس
الله الموفق

السعر المبدئي محتاج مراجعه اكيد..
عشان العربية مانيوال.. و 1300 مش 1600..

العربية ال1600 الكاملة بتعمل حوالي 95-100.. و ده للحالات اللي مش ماشية كتير زي العربية دي كده..
مستحيل يكون الفرق بينهم 10 الاف جنيه فقط في فرق موتور و فتيس اوتو..
مش كده ولا ايه؟؟

اقتباس:

---

المشاركة الأصلية كتبت بواسطة Ahmad Allawy

السعر المبدئي محتاج مراجعه اكيد..
عشان العربية مانيوال.. و 1300 مش 1600..

العربية ال1600 الكاملة بتعمل حوالي 95-100.. و ده للحالات اللي مش ماشية كتير زي العربية دي كده..
مستحيل يكون الفرق بينهم 10 الاف جنيه فقط في فرق موتور و فتيس اوتو..
مش كده ولا ايه؟؟

---

يمكن يكون معاك حق، بس أنا لما بصيت في contactcars كان ده سعر مناسب قياساً على الاسعار المعروضة .. طب إنت تفتكر إيه السعر المبدئي للعربية دي حالياً ؟

اصل مشكلة كونتاكت ان كل واحد بيحط السعر اللي بيحلم بيه..

لكن اعتقد انك ممكن تبدأ ب 80 او 78 عشان تخلص علي 75 مصلا او اعلي شوية بسيطة..

و كمان خلي بالك ان السعر اللي انا قولته بتاع ال90-100 بتاع الكورولا ال1600 ده كان من فترة برضه..

أنا شايف إن الكيلونتر مش كتير ولا حاجه -تقريبا 12000 كيلو في السنه يعني إستهلاك ممتاز و لو العربيه حالتها الخارجيه نضيفه و شكلها فايق يبقى السعر قريب من المعقول و تخلص على 80000 جنيه

الكيلومتر قليل فعلا و العربية سعرها العادل لو فابريقة برة و جوة بالكامل هاف اوبشنز في رانج 78 الف
ال 1600 اللي موجود اكثر موديلات 2006 -2007 لو مانيوال راشة برة من غير جنوط و سبويلر مش بتقل ابدا عن 95 الف.

إن شاء الله لو في مشتري على ٨٠ أنا هاخلص .. شكراً جزيلاً لمساعدتكم

ربنا يوفئك يارب فى بيعها

بصراحة سعرها جميل ومواصفاتها جيدة

انا برضه مستغرب شويه ان موديل 2005 و 1300 بسعر 80 !!! انا كان معروض عليا فى كورولا 2008 جنوب افريقى 1600 س س 95 ألف !! طبعا مابعتهاش بس بقول شوف فرق العربيتين فرق السما عن الارض طبعا لصلح ال 2008 و سيبك من موضوع الفتيس و الكلام التعبان ده .

السلام عليكم و رحمة الله

جزاكم الله خيراً على مشاركاتكم المفيدة .. لقد قررت عدم البيع حالياً .. أرجو المساعدة لازالة الموضوع.