أريد شراء جولف 4

**azakareya** · 29-05-2010 02:48 PM

السلام عليكم و رحمة الله

أنا معي مبلغ 85,000 و أريد شراء جولف4 موتور 1600cc, بحد أقصى 100-120 ألف كم .. أفضل أن تكون السيارة ستوك بالكامل بدون أي تعديلات سواء اكسسوارات أو قطع أساسية.
أريد أن أعرف اذا كان طلبي هذا منطقي بالنسبة للسيارة المطلوبة (ليست لي أي خبرة بالسيارات), و اذا كانت هناك سيارة بمثل هذه المواصفات معروضة للبيع.

جزاكم الله خيرا
أحمد زكريا

**elshrpeny** · 30-05-2010 02:44 AM

المشاركة الأصلية كتبت بواسطة azakareya

السلام عليكم و رحمة الله

أنا معي مبلغ 85,000 و أريد شراء جولف4 موتور 1600cc, بحد أقصى 100-120 ألف كم .. أفضل أن تكون السيارة ستوك بالكامل بدون أي تعديلات سواء اكسسوارات أو قطع أساسية.
أريد أن أعرف اذا كان طلبي هذا منطقي بالنسبة للسيارة المطلوبة (ليست لي أي خبرة بالسيارات), و اذا كانت هناك سيارة بمثل هذه المواصفات معروضة للبيع.

جزاكم الله خيرا
أحمد زكريا

وعليكم السلام ورحمة الله وبركاتة

أولاً - أحب أعرفك أن المبلغ الى مع حدرتك دا كتير على الجولف 4 الى هيه موديلاتها من 99 - 2002 , يعنى حدرتك ممكن تجيب بالتمن دا مثلاً بورا موديلاات من 2000 - 2003 وتكون كمان حالتها نظيفة جدا يعنى بحالة المصنع وستوك كمان ( بدون أى تعديلاات فى أى شىء ) , او ممكن bmw بس هتبقى موديلاات من قبل الــ 2000 بس هتبقى حالتها ممتازة أيضاً .

اما حدرتك لو عايز جولف 4 يبقى دى هتلاقيها بالكتير جدا لما تكون بحالة المصنع وستوك وعاملة كيلوات أقل كمان من الـــ 100 كلم فى حدود من 70 - 75 تقريباً ( والكلام دا طبعا بيسرى على الحالاات النادره والشاذه فقط لان برده فى عربيات جولف بقت بتبدأ من الستينات وأنت طالع ودا نظراً لهبوط أسعار المستعمل حالياً )

ثانياً - بالنسبة للجولف فا مفيش منها ستوك نزل مصر 1600 سى سى الاا إذا كان بره التوكيل ( بمعنى إن تكون شركة او معرض مثلاً إستوردهم ولكن بره التوكيل والصراحه معرفش بيبقى ليهم صيانه فى التوكيل ولا لاء دا غير ان عددهم بيبقى محدود ) لان التوكيل نزل فقط ال 1400 سى سى غير ذلك الماتور ال 1600 دا بيبقى متسقط ( ودا نقلاً عن كلام الاعضاء هنا فى المنتدى )

و أى خدمة يا أستاذ أحمد

**engahmedsamy** · 30-05-2010 02:52 AM

مش اكتر من 65 الف بس

**TOOLA** · 30-05-2010 12:13 PM

جولف 4 1400 سى سى ماتدفعش فيها اكتر من 60 الف جنيه, 1600 سى سى غالبا فعلن بيبقى متسقط (و عموما ده مايعبش أوى فى الالمانى لأن ناس كتير بتحب تعلى بالمواتير) خصوصا ان ناس كتير ماشكرتش فى الماكينة 1400, عموما أحسنلك دور على بورا أشيك و اسمها سيدان و بتنزل 1600 ستوك أتوماتيك تكييف تاتش و قطع غيارها زى الرز استيراد ,بس غالية الى حد ما لو هتجيب قطع الغيار جديدة, و تقدر تجيبها بمتوسط سعر من 70 الى 75 الف (على حسب الحالة و الموديل و تعلى بسيط عن 75 لو شاذة)

**mshamy** · 30-05-2010 12:54 PM

المشاركة الأصلية كتبت بواسطة azakareya

السلام عليكم و رحمة الله
أنا معي مبلغ 85,000 و أريد شراء جولف4 موتور 1600cc, بحد أقصى 100-120 ألف كم .. أفضل أن تكون السيارة ستوك بالكامل بدون أي تعديلات سواء اكسسوارات أو قطع أساسية.
أريد أن أعرف اذا كان طلبي هذا منطقي بالنسبة للسيارة المطلوبة (ليست لي أي خبرة بالسيارات), و اذا كانت هناك سيارة بمثل هذه المواصفات معروضة للبيع.
جزاكم الله خيرا
أحمد زكريا

وعليكم السلام ورحمة الله وبركاته
في إعلان على كاركوم

بيانات السيارة
كود الإعلان : FREE0046692EG تاريخ الإضافة : 2010-04-22 الــحــــالـــــة : معروض للبيع في مصر حالة السيارة : مستعملة / المسافة المقطوعة : 98000 كم الــبـــــلــــــد : Egypt ماركة السيارة : Volkswagen, فولكس فاجن طراز السيارة : Golf موديل السيارة : 1999 اللون الخارجي : فضى طريقة البيع : كاش 63,000 جنيه مصري الوصــــف : 1600 سى سى [تكييف] [باور ستيرنج] [سنتر لوك] [أوتوماتيك] الكماليات
مانيوال صيانات بالتوكيل بحالة ممتازة

الرجاء ذكر اسم الموقع كاركوم عند الإتصال

اضغط هنا لمشاهدة معلومات الإتصال

التــلــيــفـــون : +20 101687659

بس الحاجة اللي تخليني اشك انها 1600 موضوع المانيوال ...لان على حسب معلوماتي ان ال 1600 بتكون أوتوماتك
ممكن حضرتك تتصل بصاحب الإعلان وتشوف الوضع
وبرضه ممكن تتصفح الموقع اللي فوق و تشوف كل العربيات

ربنا يوفقك

**azakareya** · 30-05-2010 06:41 PM

أنا شاكر لكم جميعاً الردود السريعة و المفيدة جداً في نفس الوقت

أنا زي أغلب الناس بحب الجولف و بالذات جولف 4, و كان سؤالي على ال-1600 عشان كنت قرأت إن ال-1400 ضعيف على العربية دي ... هو أنا حالياً معايا كورولا 2005 مانوال 1300cc و تقريباً ما سقتش غيرها، و أظن كدا مش هاتضايق من ال-1400, و لا إيه؟ ... أنا عامةً ماليش في الشد، أنا بس أحب العربية تسحب معايا لو السكة فاضية

شكراً لكم مرة تانية

جزاكم الله خيرا
أحمد زكريا

**elshrpeny** · 31-05-2010 04:07 AM

لا شكر على واجب .
ولو أى أستفسار إحنا فى الخدمه .

**iso_loma** · 02-06-2010 06:10 PM

السلام عليكم انا معايا جولف 4 1400 اشترتها استوك من شهر عامله 100000 كيلو بس هى العربيه حلوه جدا ومتورها مش وحش على فكره وسحبها تحفه بس هنصحك نصيحه لو انت عايز تجيب جولف 4 مش 1400 يبقى هات ال 1800 احسن واهو تسقيط بتسقيط بس الاداء هيكون احسن وهتبقى فى نفس الرنج بتاع ال 1600 على 75

**elshrpeny** · 02-06-2010 07:09 PM

أولاً - ألف مبروك على العربية الجديدة يا أيسو وربنا يديك وينفعك بخيرها ويبعد عنك شرها أمين يا رب

ثانياً - مقولتلناش يعنى موديلها إيه و لونها و الرخصه فيها أد إيه و جبتها على كام و كدا ؟ ههههههههه

**remo77** · 03-06-2010 03:44 PM

يا جماعة عايز نصيحة
جولف موديل 99 عاملة 67 الف كيلو والعربية كانت مرفوعة على يدى تلات سنين المهم العربية دة متسقط فيها ماتور 1800 وعايزة برابريز امامى ومرايا شمال موجودة بس مكسورة وحامل اكواب موجود بس مكسور وطفاية بين الكراسى موجودة بس مكسورة بردو
المهم التكييف طبعا من الركنه عايز شحن العربية تعتبر من غير كاست علشان وش الكاست مش موجود
العربية من جوة فبريكا فبريكا فبريكا وصاحبها كان مركب شاشة دى فى دى وخارم فى التابلو عن الايرباج علشان يثبت حامل الدى فى دى المهم العربية من برا زى الفل مافيهاش حكة وكانت العربية دة مرفوعة فى جراج جنب البيت تلات سنسن وفيها زينون اصلى
عايز افادة اخدها على كام واخبار قطع الغيار اللى قلت عليها ايه والاهم عايز اعرف هو كان مسقط ماتور علشان حادثة ولا غاوى جرى فيدونى اخدها ولا لا ولو اختها اخدها على كام
ملحوظة الماتور من جوا فابريكة مافيهوش غير تراب من الركن