مهندس الفحص بيفحص ايه؟

**heshamzaky** · 11-06-2010 11:19 PM

المشاركة الأصلية كتبت بواسطة enayat

طيب انا بنقل ملكية من مرور النزهة وطلبوا مطابقة البصمة مني في مرور المنصورة هل لازم اخد العربية معايا مرور النزهة ولا اء؟ لانهم في المنصورة قالوا ليا خدي الورق بس وفيه واحد في المنتدي قالي لا خدي العربية فياريت حد يرد عليا بسرعه لاني رايحة بكره ان شاء الله

أعتقد لازم العربية لو اتنين مرور يعنى النموذج الورق بتاع الفحص الى معاك بيحطة على مكان رقم الشاسية بتاع العربية و بيشخبط بالقلم بقوة فا الرقم بيتطبع على النموذج و بعدين تطلع المرور يجيبو الملف بتاع العربية و يتأكد ان الرقم المطبوع على النمذج هو هوة نفس الرقم

**heshamzaky** · 11-06-2010 11:21 PM

معلش سؤال يا باشا انت العربية الى معاك فيات 127 او 128 مثلا و لا أية و عربية موديل قديم ولا جديد نسبيا

**human** · 11-06-2010 11:34 PM

فحص يفحص فهو فاحص
فحص يفحص فهو قابض

**enayat** · 11-06-2010 11:39 PM

المشاركة الأصلية كتبت بواسطة heshamzaky

معلش سؤال يا باشا انت العربية الى معاك فيات 127 او 128 مثلا و لا أية و عربية موديل قديم ولا جديد نسبيا

عربية 128 موديل 91

**enayat** · 11-06-2010 11:43 PM

المشاركة الأصلية كتبت بواسطة heshamzaky

أعتقد لازم العربية لو اتنين مرور يعنى النموذج الورق بتاع الفحص الى معاك بيحطة على مكان رقم الشاسية بتاع العربية و بيشخبط بالقلم بقوة فا الرقم بيتطبع على النموذج و بعدين تطلع المرور يجيبو الملف بتاع العربية و يتأكد ان الرقم المطبوع على النمذج هو هوة نفس الرقم

طيب ماانا رحت مرور المنصورة وعمل موضوع الشخبطه ده وطبع رقم الشاسية والموتور علي ورقة الفحص وبعدين كتب علي ظهر الورقة اني اروح لمرور القاهرة لمطابقة البصمة وقالي اطلعي علي مرور النزهة فمش عارفه هل ضروري اخد العربية خاصة اني معرفش حاجه في القاهرة

**heshamzaky** · 11-06-2010 11:46 PM

المشاركة الأصلية كتبت بواسطة enayat

عربية 128 موديل 91

أغلب الظن ان نمرة الشاسية حتلاقى المرور داققها على القيم الشمال الامامى ناحية باب السواق المرور بالعافية بيدق فى الفيات النمرة على القائم بزنب أرقام كدة

**heshamzaky** · 11-06-2010 11:48 PM

يا باشا ظرف الراجل بتاع الفحص و أديلة سيجارة بدل ما انت تقعد تشرب ال 19 سيجارة الباقين فى العلبة من حرقة الدم هيييييه

**enayat** · 11-06-2010 11:55 PM

المشاركة الأصلية كتبت بواسطة heshamzaky

يا باشا ظرف الراجل بتاع الفحص و أديلة سيجارة بدل ما انت تقعد تشرب ال 19 سيجارة الباقين فى العلبة من حرقة الدم هيييييه

ميرسي ليك ياهشام وعي فكره انا واحده مش واحد علشان كده حاسه اني بغرق هههههههههههههه معلش تعبتك معايا وان شاء الله انا قررت بكره اروح النزهه من غير العربية واظرفه ياسيدي بعشرينايه مش سيجارة بس يخلصوني انا زهقت

**heshamzaky** · 12-06-2010 12:09 AM

المشاركة الأصلية كتبت بواسطة enayat

ميرسي ليك ياهشام وعي فكره انا واحده مش واحد علشان كده حاسه اني بغرق هههههههههههههه معلش تعبتك معايا وان شاء الله انا قررت بكره اروح النزهه من غير العربية واظرفه ياسيدي بعشرينايه مش سيجارة بس يخلصوني انا زهقت

أنا أسف بس معلش أنا أخذت بالى دلوقت اصلى قرأت الاسم الاول عنايت و قولت دة اسم مستعار كدة و بعدين قرأتة صح معلش يا مدام عنايات وابقى اديلة حاجة بس على فكرة مطابقة البيانات فى الفيات القديم طلب عادى مش غلاسة بس ساعات بيعملو كدة لو فية نمرة من رقم الشاسية طايرة يعنى مش موجودة

**heshamzaky** · 12-06-2010 12:14 AM

المشاركة الأصلية كتبت بواسطة enayat

طيب ماانا رحت مرور المنصورة وعمل موضوع الشخبطه ده وطبع رقم الشاسية والموتور علي ورقة الفحص وبعدين كتب علي ظهر الورقة اني اروح لمرور القاهرة لمطابقة البصمة وقالي اطلعي علي مرور النزهة فمش عارفه هل ضروري اخد العربية خاصة اني معرفش حاجه في القاهرة

أخر نصيحة لو حضرتك حا تحطى نمر جديدة على العربية من مرور النصورة و المرور بتاع العربية مرور القاهرة حضرتك لازم تجيبى شهادة مخالفات على النمر الى على العربية ما يكونش فات عليها 7 ايام و الموضوع دة حضرتك حا تعملية لمدة 3 سنوات